شصار على دور الموجه توجيهى ام تقويمى

مرحبا بنات طبقو عندكم بالمدارس ان يكون ىدور الموجه فقط توجيهى وليس تقويم وكم مره تدخل عليك بالكورس بعد هالقرار وهل لها دور فى وضع التقييم الى فى المدرسه من خلال دخلتها عليك الا لا 00 لانى اشوفهم من سحبو صلاحيه التقويم كثفو نشاطهم هالموجهات ذبحونا صارو يدخلون مرتين ويبطون كبدك بالكلام الزايد الى ماله داعى والطلبات الزايده والمعلمه مسكينه ناقصه غثا —

ما تغير شي هالسنه غير انه خلو التقرير اكثر سريه
تجتمع الناظره مع الموجه والمشرفه ويحطون التقرير
والموجه ماله دور من السنه اليايه

الخبر الاكيد من توجيه احد المواد بالابتدائي و موجهة روضه

ان دورهم تقيميي ما تغير الاليه فقط تغيرت
الموجهه لازالت تقيمج و ماراح يتغير دورها

اللي سمعته انه التقييم بيد الناظرة اول شي والمشرفه

هالسنة في تقييم للموجه وبالنسبة للزيارة ماتغير شي حضر مرة الفصل الأول ومرة الفصل الثاني

مل تغير شي بس الاليه تغيرت يعني بعد
ما يكتب الموجه التقرير مع الناظرة ورئيسة القسم
تقوم الناظرة تدخلة بالنظم المتكاملة بالكمبيوتر

اصلا مايصير الموجهه ماتقيم اشلووون اذا كانت ناظرتج ماتفهم بالماده اللي ادرسينها
ان شاءالله مايطبقونه

ما تغيير هالسنه ,, والتقويم نفس ما كان بين المدير والموجه ورئيس القسم

ماراح يتغير شئ خلاص لأن النظام اللي كانوا ودهم يطبقونه مايصلح لوزارة التربية وهذا الكلام من الخدمة المدنية ويصلح للوزارات الأخرى لأن لابد من تقييم الثلاثة المدير والموجه ورئيس القسم والوزارات الثانية فقط المدير

والله للحيـن الرؤية مو واضحـه عندنـا ..
بس دخلي التيرم اللي فات مرة ..
ودخلي هالتيرم مرة ..
بس في ابلات للحيـن ما دخلهـم ..

ماحضرت لنا الموجهه هالكورس لانها تعبانه وبالمستشفى

الله يشافيها

بس مشرفتنا والناظرة شغاااااااااااالين

والله يوفقنا جميعاً

يعنى الزبده ماتغير شئ الموجه دورها تقويمى بس ياجماعه مو حرام تدخل لك يوم اويومين بالكورس وتقييمك يكون تقييمك على هاليوم من سلبيات او ايجابيات ويحدد مصيير تقديرك عليه وبعدين هالوجهيين يجونك يتفلسفون وينقدون بشكل كبير من غير فايده وآخر شئ تقيمين على حسب كميه غيابك وحضورك بالدرجه الاولى