|
|
بنات ابي اسولف وافضفض لاني محتره ومنقهر وابي اشوركم وتشوروني ..
بنات انا كان عيد زواجنا شهر ابريل 4 هذا الي فات وتحديدا في 10/4 المهم بنات انا رحت وطقيت السدر ورحت ازهب بالهدايه السنعه وغيره وكطيت ما يقارب 200دينار المهم بليل رحت وقلت له شرايك نطلع ونتمشى ونتعشى بره وقااال لا واهو عارف انه اليوم عيد زواجنه قال مالي مزاج تعبان قلنا اوكي على راحته..
يابنات رحت وطلعت الهدايه الي تشرحه سواء بالتغليف او اهي نفسها الهدايه تفتح النفس المهم قدمتها مع شوية دلع واغراء
وصاااحبنا ولا معاي موبالفورمه قلت ميخاالف يمكن ماله خلق او في شي معكر الجو لا اهتم واحاول اسايس واداري او يمكن حركه ارحه من حركاته ويبي يلعب بعصابي خاصه انه عمر ما نسى هذا اليوم المميز في حياتنا او اي مناسبه ثانيه اشوس انطر هديتي ماكوا شي انطر كلمه حلوه تنقال هما ماكوا شي طنشت وقلت عن العيله وانطري وقعد يبطل الهدايه واهو يقولي شكرا حبي
المهم استحيت اقول وين هديتي وليش ما تذكرتني طوفتها وقلت اكيد خاشه وبيتلاعب باعصابي خااصه ان اهو عمره ما سواها ونساني او نسى مناسبه حلوه تسعدني المهم طاف يوم اثلاث اسبوع ما بين شي وانا قلت اكيد امسوي لي مفاجأه معتبره الي تاخر كل هالمده لاكن الرياال امطنش ولا ياااب الطاري ولا حتى تاسف لي او اعتذر حتى ورده ما ياااب ولا لا تقوولون ماعنده فلوس ريلي معاشه قوي والحمد الله كل شهر نيمع منه نصه وكلش كلش لو يسحب من حساب الاجيال ماراح يتاثر على جم اميه لاني انا اساس ام الاجيال وانا الخير والبركه
المهم بعد اسبوع بطيتها وقلت له اشدعوه ماذكرتني ولا بكلمه حلوه ولا بعزومه او حتى تمشي كلش كلش سينما رد علي عادي أي نسيت شنو صار اشلون ناسي واهو من صبح ذاكر اليوم ومن الصبح ادز مسجات وغيره حتى اهو دز لي مسج من الصبح يتغزل فيني وذكرني عاد انا قلت له شدعوه ما تذكرني رد علي بكل وقاااحه وقااالي " اقوول الاميه او الميتين الي شريت فيهم الهديه من باجر اعطيج اياااهم ماني بعوزت هدااايه " طبعا انا انصدمت من ردت فعله 5 سنوات ما سواااها ونساني واصلا اهو يدري انا ما اهتم بالهدايه اكفايه الكلام الحلو بس غريبه شلون نساني واهو يقولي قبلها بسبووع هالله هالله بهديتي مو تنسين .. بصراحه شي يحير وانا بنات مو هامني الهديه انا ما بي ياخذها عاده وما يهتم بالاشياء المشتركه بينه ولا يحسب لها احساب
بالله هذا 5 سنوات زواج وجذيه سوه بعد 30سنه زواج شنو بسوي اعتقد حتى سلام ما راح يسلم علي
واللحين ولي لليوم 2/5/2005 امطنش ولا فكر يشتري لي شي او يعزمني او أي شي
شنو اسوي معاها انا ما ابي ياخذه هالحركه تعلوم وتعلم ما يهتم بالاشياء الي تسعدني وبعد لازم يحترم اللحظات المهم المشتركه بينه ويتعامل معاها بحب ورومانسيه ..
تهكووون ازعل بس المشكل ما ينفع الزعل الحين بعد ما ابردت السااالفه واحاجيه حااجيته بكل ود وحب رد بنفس خاايس …
ولا تقوولون اكفايه اذكرج بمسج وتغزل فيه لالالا يعيوني ما ينفع هالحجي غلا صاحبك من غلا هديته واذا انا ما يشتري لي ام الاجيال منو بيشتري له وانشاء الله بتعلم كل مناسبه يدز مسج مع جم كلمه وخلاص واالله ارخص وبلا مخااسير 
لا ما ينفع هالحجي
ما ابيه يتعلم (بعد طالع لي بتعلوم جديد هالاخ)
ما ابيه يتعلم ما يحترم اللحظات والمناسبات الخاصه الي بينه؟
اذا طنشت راح يتمادا وطنش وتعلم يتناسه اشياء وايد حتى واااجبااته
لو انا الي ناسيه جااان علوم كلاني بكشوووري وعطاني محااضره شطولها واشعرضها
بس المشكله اهو مايبي يسمع المحاضره مالتي لا بطرق السلميه ولا بالطرق العسكريه ولا يرد بوقاااحه "كوااات عين"
شسوي مع هالريال ؟؟
والله مو مال ينعطون هدااايه
انا اغلب اللي اعرفهم وخصوصا اللي باردات وتعاملهم نص ونص
فوق الرااااااااااااااااس ينحطون
واحنا راعيات الهدايا والليالي الملااااااااااااح
اقنوووووووووور على خشتناااا
خل نتحد ونصير مثلهم والزعل اااااااااااه
اعرف ناس من تزعل مرته الا وراضاها اقل شي بسفره اذا مو اعبر منهااااااااااا
سليمه تصكهم
<<<<<<<<معصبه الاخت عاد زوجي ما سوالي شي
بس عشانه نفس فصيله زوجج بهاوشه
ههههههههههههههههههه
سوري يعني
بس اقول انج مكبره السالفه
يمكن الريال في شي بباله و انتي ما تدرين
يمكن عنده مشاكل بالشغل
يمكن في شي يحاتيه
لا تصيرين جذيه
قوليله معاليه حبيبي
انا ادري انت عمرك ما قصرت
و هالمره انت مشغول عشان جذي انا عاذرتك
و لا تسوينها سالفه
حطيله عذر
احنا لو نسينا او صار شي و ما قدرنا
نتمنى انهم يسولنا عذر
صح
فلا يكبرينها و اهي صغيره
ريلج شكله متكدر من شي
في شي مضايقه
يمكن منج او حتى من غيرج
ولا تكبرين السالفة ترى الوحده تبين بهالمواقف عند الريال
يعين بيعرف اذا انتي تعزينه ولا همج الهديه
فانتي خليج عند حسن ظنه
لوما ان في شي شاغل باااااااله ومخليه يفكر جان مانسا
والمهم الغلا بالقلب ومدامه مو متغير من هالناحيه بس الحمدالله
سنشونه
تدرين قريت ردج مره ومرتين وثلاث ماني مستعوبه اقول ياربي يعني منو هذي اللي ترضا بسفره؟؟
ياربي يعني يسولها اكل وخلاص ترضا؟؟؟ سهالات والله ساهلات ولااااااااني قادره استوعب شالسالفه علي بالي يسوي سفره اي مائده الطعاااااااااااااام
يالله فهمت ان قصدج سفره اي رحله جوييييييييييييه
حدددددددددددددددددددددددددددددددددده من امه الرجيييييييييييييييييييييم ماثر عليييييييييييييييييييييي
ارد بيتي وافترس صينيه الكفته ابركلي مو جذ؟
بس المشكله مافي شي مكدره او امضايقه علشان اعزره واعزر عدم اهتمامه وانا اعرف ريل يوم فيه شي وانا وايد حكيمه بالهالامور ودوم الدوم اييب المركب صوبي بحكمه واخز الامور بهداوه بس الي محيرني انه مافي شي امكدره او مضايقه بالعكس امس يقولي اعطيج افلوس حك هدية مرة اخوووه وجم اساحله وداريه ودلعه واقوله في شي مكدرك او متعبك او صاير شي يحلف براس اعياله انه مافي شي وقولي الحمد الله مافي شي ومافي اروع من هالحال اساله اقووله يمكن زعلان مني او مضايقك شي مني من غير قصد او زله يرد يقوولي لاعمري مافي شي وانا عمري مازعل منج وانتي اصلا طول عمرج سنعه وموقاصره معاي
عيل ليش نساني واهو الي صاار له اسبوع يزكرني وقولي هالله هالله بهديتي مو تنسين ياقمر
شي يحير وله لا بزمه
بس في شي طاريء صاير
يمكن ما يبي يقول
بس عادي هالاشياء تحصل ولازم نتقبلها لأن على قولتهم لازم يصير بين فترة وفترة فتور بالعلاقة الزوجية وخاصة من ناحية الزوج .. وجك بوم مرة وحدة تلقينه يرد طبيعي واحنه ما نقدر نتقبل هالشي لأن نبي الريل على طول يكون رومانسي وحنون ويهتم بكل شي
مثلا انه ريلي اول عيد ميلاد لي يابلي هديه وثاني عيد ميلاد ولا شي .. وبعيد زواجنا الاولي تذكرني وسوالي مفاجأة الصراحه روعه بس ثاني عيد زواج كان مسافر ولا دق ولا عبّر مع ان صارلي سنتين متزوجة ههههههه وما شالله عليه عيد ميلاد امه مستحيل ينساه احنا الحين بشهر 5 اهوه ترى شاري هديه حق امه من الحين وعيد ميلادها اخر 12
عادي طوفي .. واذا مو قادرة تطوفين له سوي روحج متضايقه وقوليله ابيك بسالفه تعال نطلع ونشم هوا بو ربع ساعه وبقولك عن اللي مضيق خلقي وقوليله عن كل شي بهدوء وجم دمعه وصدقيني راح يطيب خاطرج كوني سياسيه معاه مو يضيق خلقج وتسكتين وتقولين سوا فيني جذي وجذي
كلميه وصارحيه صدقيني راح ترتاحين .. ويحس بغلطته
خوش حجي
انا زوجى مطنشنى … وييب لناس كلهم هدايا …وانا ناسينى
ولا عمر احد فكر بشى عاجبه … اللى سواله زوجى مفاجأه ويابله اياها هديه
مع انى ادرى انه يحبنى … بس شذيه … شقول هذا طبعه ..
واذا قلتله ليش قالى انا اجيب لهم هدايا لانهم غير … بس انتى نفسى احد يجيب لنفسه هديه
<<< يقص على بكلمتين واصدق .. وامشيها ههههههههههههههه
خليها على الله
((الله يخليه لى والله مايقصر بس احنا نحب المفاجأت والهدايا بالمناسبات))
<< هالجمله علشان الرقااااااااااااااااااااااااااابه هههههههههههههههههه
بس انا بنسبه لي ينسى الدنيا كلها ولا ينساني انا الاهم والمهم
واذا ما تذكرني انا "سوسو المتوحشه" عشوا اسم الدلع امحك دلع يتذكر منو
لا ولا ولا لازم يتعلم يوجبني ويهتم فين شسوي بحبه واحرامه واهو مخشوش في قلبه
اقوووول من حب شخص وعزه سعاله وشاله فوق الراسه
ما ابي حب امخشش بالقلب ابي بصراحه فعل وحجي مصفف يرد الروح وينعش الفوآد
بصراحه انا طماعه ابي حب من مجميعه
بس الله كريم كلوا جاي بدورة المغاوير القادمه
خل يخلص من التجنيد الحين الالزامي تبعي
وبعدين دوره تاهيليه ..
إلي روضة الاسد وخذت اشعره من ارقبته احسن مني
انا اروض ديره
هههههههه
وام هيا حياج الله حبيبتي وما قصرتي
وخلاص اعفينه عن الريااال بيضها وعوضني
بس اني اشيل السفره عنه لا ومليون لاء
ليش ريال اهو عيل الرجال قوااامون على النساء ومن ضمن القوامه الصرف
اذا ما عنده مو لازم انسافر اصرف بحدود امكانياته وطبعا ما احمله دين وعمات عين
بس طبعا لو شفت ريلي محتاج راح اساعده وشيله فوق راسي بس مدام عنده وقاااادر فنهي ونهي ونهي اهو المسؤل والمعيل
وشكرا
شي مضايقه من الدوام الربع مالج الا الصبر