|
|
يالله اللي نفس معآناتي تسدح حلها الفعال هنيه عسى ربي يوفقها
انا صرت عصبيه وبسرعه اتنرفز من هالسآلفه كل ماصآرت وسيروا علنآ حريم اكرهه نفسي آحآتي من القآدم
اخذوا السالفه صج صج غآثتني 
خآلتي مابيني وبينها اي مشآكل حيل زينه معاي وانا حيل زينه وياها اذا سافرت وكان بخآطرها تسافر ويانا ياهلا ومرحبآ نشيلج فوق رؤسنا .. اذا مريناهم وكنا ناوين نروح للسوق تقول بروح ويآكم .. اغير السوق اللي بروح له واقول ايه بنروح للسوق الفلاني اللي تحبه .. وانا برحآبة صدر حيآج ربي ولا فيها منه
لان مثل ماتسوي بالناس يسوى بكـ
صآرت عندهآ عزيمه او موجب انا وقهوتي وحلاي يسبقوني واجي قبل الكــل
مانطلع من بيتهم الا لما الشغاله ترتب وتنظف وتساعد خدمهم .. وياحلوها على قلبي
أما تجي السالفه صوب الاطفال واستحقآرهم لا وربي ما يرضآها
ندخل بالسالفه على طول
عيآلي من النوع الهآدي اللي تسحبينه سحآب عشان يسلم .. واذا جمعت حريم مايحبون يدشون
المهم تعرفون برمضان شهر خير وزوآرآت والشياطين تصفد …. من يقعدون الحريم اللي زآئرين خآلتي ويسولفون وانا القهوه يآولد .. ما اعرف اقعد على كرسي اصب لفلانه قهوه ولفلنتانه حلى ويآالله .. وعآدي حلو على قلبي وعآجبني
يقوم حبيب قلبي الصغيرون يطلطل من الباب يدورني <<<< ولدي مو تتخيلون شئ ثآني 
عآد تبدى فلانه : هذآ وليدج ياحلاته .. تعآل سلم . وهو من الحياء ينحاش
وخآلتي يالله فتحت الموضوع .. فلان مايسلم وماغير يتخشخش من الحريم وبالغصب نسحب البوسه منه
والا ولد فلانه( ولد بنتها) يجي يحبني وينام بحضني .. وهذآ مادري علامه فيه سبب ..
وانا ارد واقول ياخاله يستحي ..
ويرجع الصغيرون ينآديني ماما تألي( تعالي)
وتضحك الخاله هآهآهآ والله مادري شنو يقول الاطرم( استغفر الله) مايعرف لكلامه الا امه ..
وانا ماسكه القهوه وافرفر اصب للحريم ولا احترمتني ولا قدرتني …
وتصير القعده كلها على عيآلي .وانهم يستحون ومايسلمون..
والحريم يحآولون يغيرون الموضوع وترد لنفس السآلفه؟؟؟
وبس انا زهقرت مليت ..احب الجمعه والوناسه وعلاقتي زينه ويآهم وكل اهلهم يحبوني واذا زآروهم يسألون عني
قمت بالفتره الاخيره انقطع عن جمعآتهم والسبب هالحجي ما احب احد يتطنز على عيآلي لانهم ما جوا بسهوله ومآبي يتأثرون بهالكلام ..
اخآف اروح لهم بعد المره الجآيه وتطلق على ولدي نغزآت جديده ….
أعينوني أعانكم الله صج صج اتنرفز من هالموضوع…..
.gif "Eh S(1)")
وتعرفين الحريم الكبار مرات يقطون كلام يغث
بس تحمدي ربج على هالشي لانه سالفه عاديه
اقري مواضيع البنات مع خالتهم شنو يسوون فيهم
والله يهديها حبوبه
خليها تقول يستحون وما يسلمون ولا تقول قليلين ادب
وان شاء الله ربي يهديها ويسخرها لج
صدقيني اجبريهم واغصبيهم وعوديهم عليها هذي جدتهم
يمكن اهي فبالها انج انتي ماتبينهم يسلموون عليها ! مدري انا احس عشان جذيه تقط نغزات
انا اطنش فووق ماتتصورون .. واذا زينه لاني انا زينه حيل ويآهآ ..
الغايه الله يشهد اني اسحب الصغير واشيله غصب يسلم عليها مو على كيفه ..الكبير خلاص تعود ويبوس راسها ويبوس ايدهآ
اهي تبي يجي من نفسه مو انا اسحبه
لكن انا تعبت … الحريم بالقعده يسولفون وهي تسبب بهالاطفآل وياريت يتغير هالموضوع هذي سالفتها.. وحريم حمواني(( وربي ماهموني)) يتنآغزون ويضحكون ويقولون لايطلع خبل بس اذا كبر… يعني خلت لهم المجآل مفتوح
واذا اهي زينه انا بعد زينه ابي شوية تقدير ..قلت لها من قبل بيني وبينها هالموضوع يضايقني بالعكس زآآدت حيل حيل احس فتحت عينها
والناس اتدور الزله ، يكبرون وينسون ماعليج
واعتقد جدته تحبه مامسكته ولاطقته وهذا اللمهم مافيها شي اذا اضحكت عليه شوي
الكلمه هاذي حطيها ترجيه بذنج
قوليلهم اللي يروح يسلم عليها و يبوس راسها راح اعطيه بالبيت حلاو و كاكاو
وريهم جيس كله كاكاو و خشيه عندج . قوليلهم اللي يصير شاطر في بيت يدته و يسلم عليها راح اعطيه كاكاو بالبيت لما نرد بيتنا
شجعيهم
او حتى لو مو كاكاو . شوفي اهمة شنو يحبون . مثلا اذا يحبون يلعبون بلاي ستيشن قوليلهم اللي يصير شاطر في بيت يدته راح اشتري لهم شريط بلاي ستيشن كل مرة . عاد الألعاب بدينار و دينارين
او شي ثاني مو شرط هذا
شوفي شنو يحبون و شوقيييهم
جذي اليهال ينسحبون
و قوليلهم اللي يصير شاطر و يبوس يدته راح احط في اللوحة نجمة يم اسمه
او صورة دبدوب او صورة شخصية يحبونها
و لما يصيرون 10 دبدوب راح اشتري له لعبة
يعني حركات تشجيعية شوفي شنو يضبط معاج
عوديهم يسلموون وبس 
والله يعينج على الحريم الكبار صج مشكله
انا معاكم انه عيب ولازم يسلم ومن هالسوآلف
وتشجيع والله شجعت بس طبعه حيآوي .واشكثر احط شغلات حلوه بالجنطه واقوله روح اسبقنا سلم واعطيكـ ويسويها واعطيه بس هالموقف ماينذكر وتقول زين اليوم سلم مو بالعاده؟؟
بس يعني حطوا نفسكم مكآني نفس هالموضوع ونفس هالسالفه في كل قعده صعبه شوي
وانتي طولي بالج عادي طنشي ومبين عليج مشالله عقلج وتفكيرج كبير
وسلاام