شرو القبول بالجامعة

بنات ممكن استفسار عن شروط القبول بجامعة الكويت اختي موظفة بس ما شاء الله عندها طموح وودها اتكمل بجامعة الكويت يصير والله لا امبلغينها ان من شروط الجامعة التفرغ التام للدراسة فهل هل المعلومة صحيحة ومتى التسجيل بالضبط للكورس الثاني مع العلم انه نسبتها73 ولكم مني ومنها جزيل الشكر

يعتمد اختج أي سنة خريجه من الثانوية؟ واي تخصص راح تنقبل فيه؟ واعتقد لازم تفرغ تام للدراسة لانه مواعيد المحاضرات مختلفة، لانه بس حق طلبة الدراسات العليا لهم نظام جزئي اللي خاص للموظفين، بس طلاب بكالوريوس ماسمعت عنه، ونسبتها أدبي؟ والا علمي؟؟ دخلي على موقع جامعة الكويت يمكن يفيدج واقري قواعد الستجيل والشروط المدرجة، (خل تاخذ من دوامها تفرغ، او تسال عن البعثه الداخلية) وانشالله سهالات
والله يوفقها انشالله ويوفق الجميع

حبوبه نسبتها ماادخلها الجامعه اصلا حتى كلية التربيه ماادخلها لازم من75 وفوووووق
وبالنسبه للتفرغ الدراسي انا سمعت ان لازم يكون صارلها5 سنين بالوضيفه
بس اهي ماعندها الا ثانويه عامه جنى له تفرغ دراسي

وليــــش ماتفكر بجامعه خاصه ماشالله اللحين الجامعات عدي وخربطي
واهي موضفه يعني تقدر عليها<<ادري طولت عليج
وبالتوووووووووووووووفيج

اختي متخرجه سنة 2024 نسبتها 73 علمي دشيت موقع الجامعة بس ما عرفت له اهي ودها تدش اي تخصص تسمح لها نسبتها بعدين اتشد حيلها واتحول فممكن بس تبيه تتاكد اذا موظفة يصير ومشكورين على ردودكم

اختي بالنسبه للمعدله يساعدها للدخول الجامعه لا تحاتي اهي علمي .. اما بالنسبه للشغل الصراحه ماعندي خبره عنه .. بس احسن شي تروح للكليه اللي حابه تتدخل فيها وتشوف وتسال على راحتها …..

اذا علمي ادش

بس مو كل التخصصات