شركة الاتصالات الثالثة . دار الاستثمار . الخطوط الجوية الكويتية

بنات ما تدرون شلون اقدم على شركة فيفا ( الاتصالات الثالثة ) أو دار الاستثمار أو الخطوط الجوية الكويتية
وشلون طبيعة الدوام والراتب والحوافز
يريت الي تعرف تفيدني
ملاحظة : آنا جامعية وموظفة بوزارة ( يعني عندي خبرة مو تعيين يديد )

طبعا اعلى شي بالراتب الخطوط الجويه ….بس

واسطه علشان تاخذين الطلب ..

وواسطه علشان تدشين امتحان المستوى…

وواسطه علشان يقبلونج حت لو يبتي بالامتحان 100/100

والله يسهل امورج وامورنا

يعني تعيين يديد وبكالوريوس حاسب الي جم يكون معاشي اول ماتعين

انة بعد ودي أروح عندهم بس مالي خلق دورات تدريبية

انا قدمت مرتين قبل رمضان و الخميس اللي طاف 1610

محد دق على

لا تقولون واسطه ..

اقتباس:

المشاركة الأصلية كتبت بواسطة anood ما انصحج بالكويتية تحسفت كثر شعرراسي غلطة حياتي والله يشهد علي نصيحة وانا مقدمه الحين عالاتصالات وطيران الوطنية والله يوفق الجميع يارب

عنود انتي تتكلمين عن المضيفات بالكويتيه ولا بشكل عام

ماتعرفين شي عن قسم نظم المعلومات (قسم الكمبيوتر) الي بالكوتيه زين ولا لا حابه اتوظف مناك لنا شهادتي علوم كمبيوتر ولا ماتنصحين فيهم.

الطابق الاول

راح تشوفين واحد قاعده بس ياخذ الاوراق

هذي مهنته .. ويقول ان شالله اندق عليج

كويتيه
ال500 حق البكالريوس وله الدبلوم؟؟

بالنسبه لفيفا أنا طلبوني وقابلوني وقبلوني<<<الله خوش قصيده
بس أنا بعدين غيرت رأيي معاشهم للجامعيه قالي 550 ومع دعم العماله والزيادات يوصل 960_وأهم يخيرونج في البدايه بين قسم المبيعات ومركز الأتصال هذا الحجي للجامعيات أما الدبلوم ماعندي فكره,,

وتقبلوا تحياتي,,,

اقتباس:

المشاركة الأصلية كتبت بواسطة xxxx7 سمو ماتعرفين جم معاشات الكويتيه يعني تعيين يديد وبكالوريوس حاسب الي جم يكون معاشي اول ماتعين

حبيبتي مادري والله …بس اهي اعلى معاشات ووراها شركات النفط

اقتباس:

المشاركة الأصلية كتبت بواسطة xxxx7 عنود انتي تتكلمين عن المضيفات بالكويتيه ولا بشكل عام ماتعرفين شي عن قسم نظم المعلومات (قسم الكمبيوتر) الي بالكوتيه زين ولا لا حابه اتوظف مناك لنا شهادتي علوم كمبيوتر ولا ماتنصحين فيهم.

انا شايفه مكان قسم الكمبيوتر …وايد حلو وهادي …بس عندهم البريك محدد يعني مثلا ساعه وتردين مكانج

انزين ميخالف سمو اخر سؤال

شنو فيها لو تخصصت الكويتيه هم زين والوطنيه ودار الاستثمار وفيفا كلهم قطاع خاص شنو الي مو حلو فيها يريت اتقوليلي الشغلات الي مو حلوه لو اشتغلت فيها بعد ماتتخصص الكويتيه.

وشسمه قسم الكمبيوتر ماتدرين من متى لي متى دوامهم وتقريبا جم يكون معاشي لو تعينت عندهم ولو توظفت عندهم شغلي يكون بس بالمكتب الرئيسي ولا في اماكن ثانيه اشتغل فيها.

ومشكوره بس جاوبيلي بلي اتعرفينه بهالاسئله واسفه لو ازعجتج معاي

اقتباس:

المشاركة الأصلية كتبت بواسطة xxxx7 مشكوه سمو وايد استفدت منج انزين ميخالف سمو اخر سؤال شنو فيها لو تخصصت الكويتيه هم زين والوطنيه ودار الاستثمار وفيفا كلهم قطاع خاص شنو الي مو حلو فيها يريت اتقوليلي الشغلات الي مو حلوه لو اشتغلت فيها بعد ماتتخصص الكويتيه. وشسمه قسم الكمبيوتر ماتدرين من متى لي متى دوامهم وتقريبا جم يكون معاشي لو تعينت عندهم ولو توظفت عندهم شغلي يكون بس بالمكتب الرئيسي ولا في اماكن ثانيه اشتغل فيها. ومشكوره بس جاوبيلي بلي اتعرفينه بهالاسئله واسفه لو ازعجتج معاي

شوفي صراحه مادري عن معاشاتهم جم بالضبط بس مثل ما قلتلج اعلى معاشات …بس عندهم الشغل شغل ..حال الشركات اللي معاشاتهم قويه …يعني مو هدد مثل الوزارات ..وما يعتمدون على توقيعج بالحضور ..لالا فوقج مسؤول يفتر قاعده بمكتبج ولا لا …واتوقع دوامهم للساعه 3 لان رفيجتي كانت هناك ..وقسم الكمبيوتر بالمكتب الرئيسي

بس بقولج شغله وللبنات كلهم …اللي تبي المعاش القوي …تتحمل طول مدة الدوام ..وتتحمل قوانين الدوام