|
|
سمعت وايد ناس يقولون ان البنية عقب الزواج تتغير
و تصير عكس ما كان عليه قبل الزواج
يعني ان كانت خجولة بعد الزواج جريئة
و ان كانت ما تهتم بنفسها عقب الزواج وااااايد تهتم
و العكس
ماعدى ان النظيفة في بيت ابوها نظيفة في بيت زوجها
و الوصخة في بيت ابوها وصخة في بيت زوجها
شرايكم
صراحتن اول مره اسمع هالكلام
اي اهوه صج الوحده تتغير بعد الزواج .. انه كنت قبل الزواج جريئه وو لساني يلوت اذاني لكن بعد الزواج تغيرت .. صايره استحي وما اخذ حقي مثل قبل
واعرف ناس قبل الزواج انطوائييين وما يسولفون وخجولين لكن بعد الزواج الله يكفينا شر لسانهم
يعني تقدرين تقولين السكوتي لوتي هههههههههههههههههههههههه 
والوصاخه والنظافه ها1ي تعتمد على بيئه البنت وتربيتها ان شافت امها وصخه من وين تتعلم بالنظافه الا اذا ريلها نبهها
و الحين ريلي مقوي شوكتي على قولتهم صايرة اشوي اجرأ من قبل
و بيني و بينج انا من تزوجت سمعته من اهل ريلي و الا انا مادري عنه من قبل
و مثل ما قلتي جورية انا ما اعتقد انه شرط و على حسب كل بنت و تربيتها 
انا بالنسبة لي تغيرت بالنسبة لطريقة كلامي
قمت احاسب نفسي على كل كلمة اقولها وما اصرخ نفس قبل على اي شي شايشة
حسيت اني مسؤولة عن عن رجل وهذا الاحساس ارعبني أول الأيام
والحمد الله مستمرة الحياة من أحسن ما يكوووون
الله لا يغير علينا وعليكم يارب
حبيبتي الطبع يغلب التطبع
وبس
أنا أشوف إن الوحدة تتغير بعد الزواج …و أشوف هالشى فى نفسى ..أول ماكو أحد يداحر فى البيت ..و الكل يحبج و الكل يمدح و يشجع…
أما فى بيت الزوج و عند الحمولة …لالالالالالالا …شى ثانى …تدقر ..إنتقاد ..تحلطم ..كلا مو عاجب ..كلا مقارنة ..فالوحدة إهنيه تستذئب
يعنى تصير ذيبة و تنهش يمين و شمال ليما تطلع راس مع هالزمرة المسماة حمولة هذا فى علاقتها مع الناس . وثانيا انا عن نفسى مثل ما انا
تربينا فى بيت اهلى هلى الصراحة والثقة والاخلاق الزينة والشخصية السنعة
والحمد لله رحت بيت زوجى بفس التربية
بل ان سبب اختيار زوجى لى هو شخصيتى القوية وما تربيت عليه فى بيت اهلى
لكن الحياة و التجارب تعلم و تغير مفاهيم الشخص و بالتالي تغير أو تطور طبايعه….
و الزواج كتجربة تختلف عن نوعية الحياة قبلها اكيد بيكون لها تأثير على شخصية الانسان على حسب شخصية شريكه و نوع تجربتهم مع بعض…و عقب الزواج هم تحصل تغيرات وايد مع تغير الظروف
و في بنات يتغيرون للاسوء و للاسف هذيل الي اشوفهم الاكثريه عقب ما كانت حلوه و جميله و نظيفه صارت العكس مهمله بكل شي على ابو انها ظمنت الريال
نفس الطبع والاخلاق ونفس الشخصية..وترى انا وايد سحاوية
وما احب اجرح احد..ولا احب احد يغلط على…..وزادت هذة الطبائع بعد
الزواج…بس والحق ينقال انا اعرف بنات كانواا قبل الزواج انطوائيات
وحالتهم حاله لو تكلمينهم ما يردون عليج..وبعد الزواج تعالي شوفيهم
ألسنه اللهم ياكافي ماتخلى احد..وجريئة لدرجة الوقاحة..
يمكن الزواج يعطيهم ثقة زيادة بانفسهم…الله اعلم..
بس انا ما احب جذيه احب الوحدة تضل على شخصيتها قبل وبعد الزواج..
وتنكيوووووووووووووو عالموضوع
بس شفت بعيني جم وحده اعرفها ووايييد تغيروا بعد الزواج
تخيلوا اعرف وحده من تزوجت شافت نفسها علينا قلبت 180 درجه
حمدلله والشكر اللي يقول محد متزوج غيرهم
و انا مثلكم اعتقد ان هالشي يرجع للتربية
و بعد لطبيعة الزوج مثل ما قلت لكم انا انطوائية و ما اخذ حقي بس زوجي يشجعني ان ما اسكت على حقي
ما صرت ام لسان لا بس قمت اعرف ارد على اللي يغلط علي بهدوء و اخليه يوقف عند حده
لكن عموما للحين هادية و ما احب اتكلم
لكن خالتي مو عاجبها تقول كل البنات اللي يكونون انطوائيات و خجولات عقب الزواج يصيرون العكس الا انتي ليش ( قصدها عني )
هني قيرل اعرف هالنوعية صادفتني بالعايلة و المشكلة اذا كانت اصغر منك و انتي متزوجة قبلها بعد
والنظافة والوصاخة اللي اهلها ماعلموها صج تتعلم ابيت ريلها ..