|
|
يعطيكم العافيه بنوتات وحوامل
بغيت اسألكم شرايكم بمستشفى الامومه
ودكتوره رحاب لاني حجزت عندهم
وصراحه أنـْْ♡ـْْا خايفه حدي من الولاده
وبجريه وعمري صغير عشان جذي متروعه
ابيكم تفيدوني الله يجزاكم الجنه
انا جربت دكتوره رحاب عالجت عندها عشان احمل بس ولاده ماعندي فكره
بس اللي اشوفه انها فاهمه وتعرف تصرف وكنت كل ما اراجع عندها تكون عندها حالة ولاده ومرات تعتذر مني وتطلع
والمستشفى حلوه عنايتهم اعرف جم وحده والده فيه
انتي اهم شي استخيري وتوكلي على الله
والله يهون عليج ويفرح نظرتج
اب
ياليت يفيدونا البنات انا ناويه اولد عندهم بإذن الله
وولادتي انشالله عندها
اذا ولدت قبلكم راح اكتب لكم رايي
|
المشاركة الأصلية كتبت بواسطة عزايزالعبدالله
 انا اراجع عندها الحين
وولادتي انشالله عندها اذا ولدت قبلكم راح اكتب لكم رايي |
تووولدين بالسلاااامه ياااارب
انا قبل لا احمل كان معاي نزيف ورحتلها
تخيلي سوتلي سونار داخلي وطلعت فيني بلاوي الدنيا
مبيضج ضعيف ومادري شنو والنزيف مادري من وين مو مبين
ماعطتني لاعلاج ولاشي عالاقل حبوب توقف النزيف
وظليت انزف لما تعبت
وعقب رحت السلام عند دكتورة منال زهدي شاطرة
سيدا سوتلي سونار وقالت النزيف هذا من بطانة رحمج
ومافيج شي ومبايضج تمام الحمدلله
وعطتني حبوب دافستون وقفت النزيف وعقبها حملت على طول ولله الحمد
نصيحة نصيحة لا تروحين لها
انا والده بالامومه وهم كنت بجر وصغيره انا مو كبيره بالعمر بس الحمدالله كل شي حلو طبعا ولدت عند محسن طلبه والمستشفى عنايتهم ممتازه ورحاب وقت الطلوق يت وجيكت علي خوش وحده ارتحت لها
عموما لا تسمعين من اللي مو مجرب سمعي من اللي مجرب