شرايكم بشغل تسريحتي بالصور

السلام عليكم ورحمة الله وبركاته

شلونكم ان شاءالله تمام …

بما ان مرت سنه وشوي ولله الحمد .. على ديكور شقتي قلت لازم اغير فيها شغلات ع اساس مانمل واحس
بشي يديد لان ريلي مارضى نغير اثاث الشقه كلها الا بعد سنتين ان كنا من الحيين ان شاءالله خليجية

ولاني احب الاشغال اليدويه والتحف وبالاساس عندي اغراض مافيها اي الوان ولا زخارف قلت بضيف
ماراح اطول عليكم لاني بنزل الصور ومعاها شوية شرح …

هذي حوستي … بالصاله حاطه نايلون كبير عالزل عشان مايتوسخ وكتبت اسمي عالورقه عشان تدرون
هذا شغل ايدي .. وبنفس الوقت مابي تعبي ينباق لمنتديات الثانيه لووول

مثل ماانتوا شايفين الحوسه بالصوب الثاني خليجية
الريموت لازم موجود مافي غيره يونسني واناا اشتغل

هذي الاغراض اللي استخدمتها ..
غرى ابيض – مسدس حراري – رولات بالوان وانواع مختلفه-مقص(ماعندي غير هذاواللي يمه) – شريطه ورديه – وكرتون مال جواتي عزكم الله
الغطا خذته عشان احط الالوان عليه والثاني عشان اسويه صندوق – واستكانة جاي لوول فيه ماي للفرشه – الوان ..

اما هذا المربع اساسا كان للقطن او عود اذون شي جذي وهو ساده خذته اضبطه
عشان اخليه لمكياجي شغلات الكحل والماسكرا يعني ازين التسريحه فيهم ..

يتبع…….

والثاني بعد قوطي للقطن والاعواد وهم ساده بس بشكل غير بس له غطا وهذا وهو مبطل من فوق

والغطا زدت عليه شريطه الورديه يعني اكسر البربل ..

اهني سكرته وهذا شكله من فوق .. طبعا هالتغليفه سويتها مثل حركات الماكنتوش والتعفيسه .. فاهمين علي ..

يتبع …..

والشغله الثانيه هذا درج للاكسسوارات هم ساده ..

هذا من فوق ..

من ورا رتبت الزوايد جذي … الصوره اللي ع جنب مالقيتها بس نفس حركة اللي فوق ..

وهذا للاصباغ والحمر تنحط فوق التسريحه وساده ..ع اساس اضبطه بالبيت .. وقلت مابي اسويه اوفر
وحركات نفس اللي قبل بس بغلفه بتغليفه بسيطه …

ع جنب ..

وقلت بما اني فااضيه .. خل اييب الكرتون واخربط واشوف شنو بيطلع اخر شي ..
عاد اخترت لون الاورانجي لايطوفكم بس خليجية رسمت شيرتين مقحطين يعني فنانه
عاد مادري من اللي بيشوفهم لاني حطيته بالدرج وشايل اغراض بسيطه ومرتبهم ..