|
|
السلام عليكم .. ..
كتبت لكم بعد ما لاحظت انتشار هالظاهره ..
ظاهره التفتيش على الحريم و اخذ موبايلاتهم اذا فيها كاميرا ..
بصراحه ..
ما تعجبني هالسالفه .. يعني لو انا من اهل الحفله اكيد بعرف الناس اللي عازمتهم و اعرف مستواهم و اعرف رقيهم .. و حتى لو قلتولي اصابعج مو سوا و اكو ناس تستغل .. الحمدلله بكل العروس اللي اروح لها ما عمري شفت ناس ماسكين الموبايل و طايحين له تصوير في خلق الله و الا بترتيبات الحفله !
اصلا شكل التصوير واضح للي بتمسك موبايل و تصور .. و البنت اللي بتخاف على عمرها ما تسوي هالشي لانها لازم تخاف على الناس اذا بتامن على نفسها ..
اعرف ناس من كثر ما تضايقهم سالفه هالمفتشات قاموا لا راحوا عرس خذوا موبايل بوطقه مافيه كاميرا ..
و اعرف ناس .. لا يمكن تتخلى عن موبايلها و تتناجر مع المفتشات .. و تطنشهم ..و تدش الحفله
و اعرف ناس يخشون الموبايل في السياره ..و لا يعطونه هاللي تفتش.
طيب ..
شرايكم انتوا بالسالفه ..احسها مو راقيه بالمره و حتى لو الوحده متكلفه بالحفله و قاطه مبالغ بهالصوره تشوه حفلتها .
انطر ارائكم ..
ومو تقولين قاعدين يصورون رفيجاتهم يرقصون ينيازون كانو يصورون اللي يعجبهم وصورو حماتي وقلتلها لما يت تعرفينهم قالت لا قلتلها ترا صوروج نطري عمرج باجر بلوتوث
علي ابو بيتعلمون او يازلهم ويصورون
ولاتقولين حتا اللي حاطينهم علي الباب دايخين
انا رايحه عرس اخ ت رفيجتي وحاطينهم
وانا كنت مستعده ماخذه نوكيا سكه بدون كاميرا
حلو؟
دخلت وفتشوني
جان اتذكر كاميرتي الديجتال موجوده بالجنطه بطلت الجنطه ولقيتها بالسحاب يعني هم التفتيش مو بذمه وضمير
وانا اشوف هالسالفه شر لابد منه
احسن في ناس ضعاف الايمان والنفوس والله شفت بعيني
وحرام
كوين .. على كلامج ممكن التفتيش مو دقيق بس انا رحت جم عرس تفتش مثل تفتيش المطار ..تلمس و تفقص كل شي .. عبالها شرطي و حرامي .. تخيلي !!
و على سالفة التين ايج ممكن تصير هالسالفه بس وين اهل العرس من الناس اللي تصور ؟ وانا هالحركه ككل احسها تنزل من قدر المعازيم .. يعني رايحين عرس و الا داشين ثكنه عسكريه .. و بعدين قولي لي الحين اي موبايل بالسوق ما فيه كاميرا ؟ اول كانت الكاميرا اوبشن بس الحين صارت ستاندارد !
ولاكانو من اهل العروس ولا المعرس
ربع الربع عرفتي؟
لان كل كاسألنا عنهم محد يعرفهم
وترا طلعو ولاحد كلمهم
ومصورين الاكو والماكو
وسولي تفتيش المطار اللي قلتي عنه بس ولاطلعو الكاميرا
بطلت السحاب بس مافتشت عدل
وانا بالنسبه لي هذا زود امان وارتاح اكثر
بس مو كل العروس مهتمين بهالشي
بطوطه .. انا اذا معاي الماما او خواتي .. يناجرونهم و يدشون بخشومهم .. و ينادون اهل العرس و نسلم عليهم و نتحلطم شوي و ندش 
و على قولتج تلاقين الاغلبيه معاهم موبايلاتهم بو الكاميرا داخل القاعه !! شلون بالله دشوا ؟
ترى مو كل الناس عندها ذمة وضمير وغيرة …
اذا جذي …شلوون انتشرت هالبلوتوثاات لبنات بعرووس ولا بحفلات …بعض الناس ..اعووذ بالله
يكفيها حتى لو تصور البنت جذيه ..يعني بس شكلها ولبسها …اي ليش؟؟؟؟
اعرف مدرسة ..صورتها مدرسة معاها واهي المسكينه قاعدة بغرفة المدرسات وقاله الحجاب ..
وانتشرت صورتها …شووفي محد حس فيها …مع انه المكان صغير والموجودين شويه و ثقة…
اكو اشااء تضايجنا بس لازم نجاريها عشاان مصلحتنا …
و يعطيج العافية زينة على هالموضوع الحلو
بس انا رايي غير عن رايج……… انا احس انها ضرورية حيل خاصة بها الزمن
الصراحة الزمن يخوف و مع هالتكنلوجيا و التطور للاسف الاكثرية يستخدمونها اسوأ استخدام ……… انا من المؤيدين للتفتيش ………اصلا انا لمل ادخل عرس جذى اخذراحتى اكثر …
اولا انتى تقولين الناس عارفة من عزمت <<<<<<<< مو معقولة انج تكونين ضامنه كل اللى عازمتهم ,وواثقة فيهم يعنى مثلا وحدة جابت معاها رفيجتها و الثانية جارتها و الثالثة بنت عمها و انتى اساسا مو عازمتهم
فشلون يتضمنين وحدة انتى ما تعرفينها و لا شفتيها قبل هالمرة
بعدين اغلب العروس يكتبون على البطاقة ممنوع احضار الكاميرات
فاعتقد من وجهة نظرى ان احنا لازم نحترم اهل العرس و ما نجيب كاميراتنا ……… بها الطريقة نتحاشا الموقف البايخ ان المفتشات ياخذون تلفوناتنا و يحرجونا
و بالنهاية اختلاف الراى لا يفسد للود قضية
و مع السلامة
وفي مره من المرات اللي رحت فيها العرس شفت وحده ماسكه تليفونها واتصور العروس من ابعيد منخشه قاعده آخر شي بس ما سكت عنها وعلمت اهل العروس.
علشان جذي اعتبر هالطريقه وااايد زينه ولازم ياخذون التليفونات لمصلحتج ولمصلحة غيرج …. بالنسبه لي : حاطتلي تليفون خاص حق العروس مافيه كاميرا ما ياخذونه مني
وبعدين صج ساعات الواحد يحتاج تليفونه بتتصلين عالبيت على ريلج على احد .. احد يدق عليج يبيج ضروري ! البيت داقين . اليهال فيهم شي .. لازم تليفونج يكون معاج
دموع الاصايل كلامج صحيح ..بس حتى لو احد يا للعرس ببطاقه غيره يتراوالي لازم يحترم الناس و حفلتهم و ليش التصوير من اساس .. يعني اكو احد يرضاها على الناس و ما يرضاها على نفسه ؟
بامبينا .. صحيح كلامج بس ياربي جذي صاروا الناس و انعدمت الثقه !
الصابره .. شلون على الباب ما ياخذون البطاقه .. اول ما يسالون عنها ؟
ميوما .. صحيح ساعات تحتاجين تدقين على احد و يمكن في احد بيبج ضروري .. بس على الله
عن نفسي ما احب هالحركه .. و يطيح من عيني العرس لو اشحاطين فيه و اشقاطين عليه .. و عموما مشكورين على مروركم و ارائكم