شرايكم بدكاترتي ؟؟ احمد الطوخي علي النامي شيخه المزروعي ايناس سالمين

مسااااء الخير
انا مستجده ومسجله هالمواد وابي رايكم فيهم سواء المواد او الدكاتره

حقوق انسان — علي النامي
مدخل الى علم النفس — شيخه المزروعي
تاريخ الحضاره العربيه الاسلاميه — احمد الطوخي
مدخل الى علم الاعلام — ايناس سالمين

ميرسيي

حقوووق دسمه..بس تاخذين فيهاa لأن دكاتره الحقووق يعطوون.
مدخل علم نفس دسمه.. والدكتوووره زينه
تاريخ حضاره دسمه..وما اعرف الدكتووور
ويعطيكم الف عااافيه..

شوشوووووووووووووا شلونج شخبارج شمسوية

شوفي بالنسبة للمواد .. تاريخ حضارة : ليلحين ما خذيتها بس المادة مو سهله ماي ولا صعبه …

علم النفس : وايد حلوه و مفيدة بس يبيلج تهتمين بدراستها مو ليلة الامتحان بس تدرسينها .. بس وايد حلوة و مو صعبه و تعتمد على الحفظ

حقوق انسان : من اروع المواد الي درستها في حياتي كللللللللللللها .. مادة روعه و تحسين انج انسانه محترمة بالجامعه !! مادري ليش بس تعلمج اشياء يديده و مفيدة و بصراحة بديت احب السياسة و سوالف الاخبار من وراها … وايد تعطيج ثقافة

و ايضا تعتمد عالحفظ مو الفهم …

مدخل اعلام …. مادري كلش عنها بس بما انها اعلام …………………… و انتي تدرين عني احب الاعلام وايد … فأكيد بتكون المادة حليوه يعني … و اي شي تحتاجينه على طاري الاعلام قوليلي اعرف وايد ناس طلبه و خريجين اعلام ترى ، اعتقد يطلبون منكم تنشرون شي بجريدة .. اعتقد ذلك … عطيني ياه انشرلج ياه عندنا بالوطن اوكي ؟

بالنسبة للدكاتره ما عرف ولا واحد منهم بس بحطلج أراء بعض الطلبة فيهم ..

د. علي النامي :

معطينه 5 نجوم من 5 ..

الدكتور : محترم
الشرح : من الكتاب
طباعه : هادي و خلوق و متسامح و يراعي ظروف الطالب
الامتحانات : سهله و مبسطة

**بصراحه انصح فيه **

انا خذيت عنده a-

—————

دكتور جدي ومحترم وهادي وخلوق ومحاضرته حلوة ودرجاته زينه ويراعي الطلبة

————————————————–

د. احمد الطوخي :

معطينه 3 نجوم من 5 ..

الدكتور بشكل عام جيد
لاباس فيه
بس محاضراته حيل ممله
الدقيقه عن ساعه

وامتحاناته كلها من الشرح
يعني انتبه وياه بالمحاضره

يعطي غيابين فري ويحاسب من الثالث كل غياب بدرجه
واخير شي يرفع كل واحد قريد

شكراُ،،

———————–

*ممله محاضرته و يقرق وايد ما كنت افهم شي

*بس دكتور متفاهم و متسامح و يعذر الطلبه و هذا احسن شي.

* امتحاناته سهله و يسااعد و يعطي درجاات

و انصح فييه

———————————–

بإختصــار وع :@
عنده الغياب اهم من كل شي .. اخذت عنده صيفي وندددمت ..ما يراعي اذا احد يا من كليه ثانيه وتأخر عن المحاضره شوي ..كله بالدرجات

————

رأي الشخصي انا : يعني الدكتور زين بس يدقق بالغياب .. يرفع درجات .. التزمي بالحضور و انتبهي معاه و فكي روحج … احسن من دكاتره ثانيين عالاقل

د.شيخه المزروعي :

ماخذه 4 نجوم من 5 …

انا تخصصت على ايدها الصراحه يعني كثر ما قالوا لي لا تاخذين عندها كلش والله ما اهتميت لاحد

وصج صج صج احلى كورس كان معاها

شرحها حلو ومفهوم وممتاز وتحب المشاركه تبي حس بالقاعه …

امتحاناتها سهله وحلوة 10 صح وخطأ و10 اختاري الاجابه
بعد شتبون … ؟؟

بالفاينال تعطي بونص واصلا في على امتحانتاها بووونص

يعني دكتور في قمة الروعه وانا ترى كنت استانس يوم اروح محاضرتها ولا احس بالوقت كلش ولا احب اراجع درجاتي عندها لاني ادري تعطي من قلب ولا تظلم ابد

وياااااريت يعني آخذ عنده اي مقرر بس للاسف كله ادرس مدخل وان شالله تحقق منيتي

الله يوفقج دكتورة ..
———————–

الدكتورة جدا جدا محترمة مع المحترمين .. عموما ً مالكم شغل بكلام العذال ، الحقيقة لازم تنقال إهي تحب الي يشاركونن ..

شرحها شوي ينوم ، لازم تنتبه وياها ، و تداوم ، و تحاسب على الحضور و الغياب … باختصار :-

الدكتورة جدا ً راقية و انصح قيها

————————–

شرحها حلو وامثلتها واقعية ووايد احلى من امثلة الكتاب

امتحاناتها يعني نص ونص بس احلى شي انها ما تعطي مقالي كله موضوعي

ومرة في التيرم الثاني عطتنا سؤال مقالي عليه 3 درجات بونص.. خوش طريقة ترفع الدرجة

…

بس عيبها الوحيد انها تتأخر وتبيك تحضّر الدرس قبل لا تيي علشان تتبع معاها

—————————–

دكتوره شيخة باختصار

سيده مع الناس اللي سيده

ما عندها لف و ودوران

واللي يستاهل تكرمه وما تبخل عليه

وتحب اللي يشارك معاها و يقعد جدام

انصح فيها للملتزمين
——————————-

و ايناس سالمين ما لقيت لها تقييم …. بسألج ربعي مالوت الاعلام و اقولج

موفقة حبوبة

علم نفس الساعة جم؟

تسلمين كويتيه
علم نفس يومين بلاسبوع من 11 ليما 12:15
معاي؟:d

لووول لا مو معاج

بس قلت إذا 8
تبدلينها وتاخذينها عند حصة الناصر أحسن من شيخه

يالله ماعليه سهااالات إن شاء الله
بالتوفيج

انا مستجده مااقدر اغير بالجدول
يعني وراي وراي

تسلميين حبيبتي

شيخه انا اخذت عندها دي بلس صراحه الدكتوره كتعامل محترمه وماعليها كلام بس ماتعطي درجات كللللللللللللللللش خصوصا البنات تحب الشباب اكثر وتحب المشاركه واللي ماتغيب يعني انا وحده ماحب اشارك وامتحاناتها صح موضوعي مو مقالي بس صعبه وتخربط انا اول امتحان خذيت 9 من 20 مع اني دارسه عدل والثاني اعتمد عالتشيير وخذيت 23 من 25 p; يعني الله يعينج عليها صراحه

lol el6o5y
Ma tfhemen sheygol

Ohwa ma9ry o shayeb 7aiiiL masken

ايناس ماجربتها كلش معني اعلام بس مره كنت مكس شعبتين وكانت شعبه الشباب وكانت تراعيهم وبالماده اللي خذيتها ماكو شرح فما اقدر افيدج بطريقتها ولما نتوهق بسوال بالكوز تكون اهي اللي حاطته..

وكانت جنها دكتورتنا تعاملها معانا ماحبيته..

عموما مواد الاعلام حلوه وبس في وايد دكاتره احسن منها..

شيخه المزروعي قعدي جدام شاركي بتحبج امتحاناتها ع الفهم مو الحفظ ..

وعموما اي دكتور اثبتي نفسج عنده كله حضري وقعدي جدام ولا تتاخرين وكتبي نوت معاه..

وموفقه يارب..

شيخه المزروعي اخذت عندها علم نفس الماده دسمه والامتحان دقيييييق خصوصا الفاينل يعني الصفحه الوحده يجي منها سؤالين او 3 والفاينل موحد الماده حلووووه بس يبيلها مجابل والامتحان اختيارت متعدده ـأ ب ج د سواء الفاينل او المدتيرم…
وبغششج سؤال لازم تجيبه بامتحان المدتيرم الثاني ماهي اهداف علم النفس او مجالات شغله جذي ماذكر بالضبط اللي اذكره انها وزعت ورقة المنهج وهالسؤال كانت كل يوم تكرره عشان بتحطه بالامتحان وماكنا ندري وحطته بالامتحان بونس 3 درجات ,والله يرفقج يارب..

ونصييييييييييييحه والله ماكنت عارفتها ,ادرسيييي قد ماتقدرين عالكورس لان معدلج هذا راح ينبني عليه كل مستقبلج بالجامعه يعني اذا معدلج مرتفع عالكورس راح يبقى على طول جذي والعكس صحيح.

ماتقصرون بنوتاات
والله يستر وان شالله اييب كله a

بالتوفيق قلبي

تسلمين حبيبتي
بنات ماتدرون عن هالدكاتره شلون نظامهم يعني بالغياب .. ولازم ننوت معاهم؟