|
|
المهم انا طالبة بالجامعة وللحين ما تخصصت ودي اتخصص رياض أطفال بس لما اقول لأي احد ابي اصير مدرسة روضة كل وحدة تقولي سالفة وحدة تقول اختي كل ما ارجعت من الدوام تبكي
والي تقول معاشها كله يضيع على الصف ومن هالسوالف انتو شرايكم حلو تدريس رياض الأطفال يعني تنصحوني فيه والا لا ؟؟ وشنو ادرس اذا ما درست رياض اطفال ناطرتكم بااااي
صار لي الحين 5 سنوات تدريس
أول سنة صج نص معاشي رايح على أغراض الروضة والوسائل التعليمية وكل يوم رايحة دسمان
بس من السنة الثانية قلت روحاتي دسمان وصار عندي كل شي فما أحتاج أشتري شي الا نادراً
بس أنا أقولج ان رياض الأطفال ترى مخج ما يرتاح 24 ساعة شغال بالروضة حتى لما تروحين السوق أو تطلعين مع ريلج لازم تشوفين شي ينفع للروضة
بس الزين في الروضة انج الساعة 12 و10 خاص الدوام والعطلات
اذا انتي بالج طويل راح تتحملين بس اذا لأ ما أنصحج
والله يوفقج
واول سنتين تتعبين بالتجهيز والمغاش نصه يطير على الأغراض واتحاااتيين التحضيير
بس مع الوقت اتقل المشتريااات وانا الحييين واايد مرتااحه اغلب الاغراض عندي وما اشتري الا نااادر والتحضير صااار سهل والحمدلله
بس التعب والكراف بالدوااام يظل وترى دوامنا حلوووووووو انخلص 12 و10 غير العطل وما عندنا تصليييح ولوووويه
للي تحب طبيعه العمل فيه
مو كل الناس يقدرون يتحملووون لانج 24 ساعه تفكرين بدروسج ومنبهاتج
بس هذي اول سنتين او 3 بالكثير
بعدين الشي يصير اوتوماتيكي وتتعودين على كل شي
الله يسهل لج ويوفقج وين ما رحتي
شوفي نفسج اذا انت اول شي تحبين الاطفال او لااا…؟
لان الطفل اهم شي واذا حبيتيه صدقيني بتحبين الروضه وبتبدعين…
بس التحلطم اللي تشوفينه من البناات ..ترا مو من الطفل ولا التدريس
من الاداااااااره(مشرفات ناظره موجهه)
هالثلااثي المرح
هم الكااابوس لكل مدرسه بالروضه لان مايعجبهم اي شي وهم اللي يكرهووونج بالتدريس
والا والله دوامناا وشغلناا حلووو بس حسبي الله ونعم الوكيل
بسسسسسسس !!!! مخج شغاااااااااااال على طول أفكار ومنبهات وطايحين بسالفه جديده ألحين >>> ذبحوووونا بالمبتكر !!!
يعني مافي منهج أنتي حطي لج منهج وياليت يعجبهم لااااااازم ينتقدون !!!!
اذا بالج طويل وتحبين الاطفال وتتحملين غثا أولياء الأمور والادارة >>>> مرررررحبا بك 