شتغنون لعيالكم بالليل قبل النوم وشنو القصص اللي تقولونها لهم؟

عمري قلبي كويتيات
انا يهمني وااااااااااايد اني انوم عيالي بنفسي

المهم كل شوي اغنيلهم اغنية
او اقولهم قصة ليلى والذيب او قصة اسد ماله قصة معينة
المهم
في غنية كويتية قديمة تغنيها رفيجتي لعيالها نسيت كل كلماتها
فيها يا ولدي نام نام وبخور العود
والبنت
نامي نامي نومة الغزالة وسط البرية
ابي كلمات اغانيكم وقصة قصصكم
ومشكوووووووووووووووورين
وعسى الله يخليلكم عيالكم

أنا ما اغنيلهم الا واحنا نلعب

بس قبل النوم اقص لبنتي قصة واقعية عن البنية الشطورة وشتسووي وكل يوم قصة يوم خلصت كل القصص وارد أألف من يديد

ومن مكتبة ذات السلاسل كله اشتري قصص اطفال ليلة والذيب وسندريلا وايد قصص توونسها لأن شووف صور واشرح لها هذا شنو

اينننون اليهال بهالمرحلة كله يسئلون ويبون يعرفون كل شي فديتهم

وفي كتاب حق غنيمة الفهد في كل الأغاني القديمة واغاني لليهال واغاني وشيلات للمولود اتكرت يدتي تغنيهم

مشكووووووووورة يا اوشال
وانا اكثر وحدة اشتري قصص بس للاسف يشققونها وانا ما احب امسك كتاب مشقق
وهم يتهاوشون منو يشوف الصورة اول
احس بدون كتاب افضل واريح لي
شدعووووووووووة بنات ما تبون تقولون تجاربكم واغانيكم

انا اقول لولدي قصه صبي شاطر يسمع الكلام وشلون الناس اتحبه لأنه خلوق وجذي

وثاني يوم اقوله قصة واحد بواق مثلا ومايصلي والناس تكرهه من شطانته وسوالفه البطاليه

وكل يوم أألفلي شغله من عندي لين ينام لعله ياخذ عبره من هالقصص ويتعلم منها

انا ماقول قصص ولا اعرف اقص حتى لو خرابيط كلش ماعرف

بس اقرا لهم المعوذتين والاخلاص واية الكرسي واخر سورة البقرة

عشان ينامون مرتاحين وعشان يحفظونها وانا ارددها كل يوم

وارتل وانا اقرا عشان يسكتون

مشكورات خواتي على مروركن
نبي بعد تجاربكن يا امهات قبل النوم

انا بعد اسوي جذي…. والحين عيالي كبر… قامو يقرونها بروحهم… وبعدين اشغلهم شريط العفاسي المعلم/جزء عم.. عشان يحفظون معاه وينامون مرتاحين…
اما القصص … تكون باي وقت بعد مايخلصون دراستهم

يا حياتي سلومي ولدي يقولي اليوم تعالي نامي هني قصده يمه ويقولي قوليلي لولو واااه وليدي … يممممممممممممممممممممممممممه فديييييييييييييييييييته

هذي معلمتني اياها الوالده من كنت ضغيرة يعل ربي يشفيها ويشفي كل مريض:
هوها ياهوا والكعبة بنوها سيدي سافر مكه يجيبلي ثوب العكة واحطه بصنيدقي وصنيدقي ماله مفتاح والمفتاح عند النجار والنجار يبي الفلوس والفلوس عند العروس والعروس تبي العيال والعيال يبون حليب والحليب عند البقر والبقر يبون حشيش والحشيش يبي مطر والمطر من الله لا إله إلا الله محمد رسول الله .
– هوها ياهوها ابنيتي تبي تنام ييبولها جوز الحمام
– وسالفة سرور اذبحته مرت ابوه.
– وسندريلا.

يحلوها تونس يا الصابرة المحتسبة
بجربها اليوم

كمليها عمري تكفين
انا ولدي يقولي ماما نوميني قوليلي نام نام يا حمود واذبحلك جوز العصفور
ما احبه بس هو يحبها يمة فيها ذبح

انا الحمدالله ماانومه علي اغاني
اخليه يقول سورت الاخلاص وبعدين اقص عليه قصه
والله يسلم ابو ميه اشيل منه لما اقول بس وطبعا لازم احورف فيها من صالح الخير وا>ا فيها شئ يخوف اقلبه للعب
ولدي الضغير ابو عشر اشهور
اسبح واهلالا واكبر ربي علي نغمه
انشالله الله يهديهم

يا عمري يا قلبي
يا الجمال العربي
ما نقصد بالاغاني اللي مع موسيقى
قصدنا الترنيمات و الكلمات المصفوفة الممدودة
واعتقد بما اني مدرسة تربية اسلامية انها حلال
ومو قصدنا اذا غنيناها ما كنا قبلها قارينلهم قصة وقران انا ولله الحمد معلمتهم من اول مايتكلمون ان يقولون بسم الله واعوذ بالله من الشيطان الرجيم
وهم تقرى بنتي المعوذات واية الكرسي
المهم بعدها نبدى نقول القصة وبعدها نبدى ننومهم على هدوء وترديد كلمات
مثل:
لا اله الا الله
ياربي خلي حمود يا ربي خله لامة

انا برايي القصص الخرابيط الخياليه مايصدقها الياهل لان الحين عيالنا اسم الله عليهم عقلهم اكبر منهم وماينقص عليهم بسالفة خياليه
انا معوده عيالي من صغرهم على قصص الانبياء تجذبهم وينبهرون فيها وشي مايتنافى مع العقل
اقري قصص القرآن بالنهار ووقت النوم قعدي عند عيالج بغرفتهم وقوليلهم القصه قبل ماينامون وراح يستانسون عليها

انا اقرا من القصص الي مكوده عندي