شتسوين لو زوجج طلب منج هالطلب ليلة الدخله

الزوج : الووووو

المتصل : السلام عليك، كيف حالك يا (فلان) وألف ألف مبروك

الزوج : وعليكم السلام وينكم يا نصابين ما حضرتوا الحفل والله زعلان

المتصل : والله تعطلت فينا السيارة في الخط واحنا جايين عندكم ووصلنا وسألنا عنك قالوا انك رحت مع المدام وخلص العرس , قمنا رجعنا على البيت..

(البيت يبعد 300 كم ويحتاج لساعات سفر)

الزوج : المهم تعشيتوا

المتصل : لا والله

الزوج : كم عددكم ؟

المتصل : عشرة

الزوج : اقولك (علي الطلاق عشاكم عندي)

المتصل : يا ابن الحلال ما يصير انت عريس جديد و.. و..

المهم ما فيه فايدة الزوج مصر الا يتعشون عنده

الزوج : يالله انا ناطركم مع السلامة

وقفل الخط

الزوجه المسكينة ما هي مصدقة الي سواه زوجها ليلة الدخلة ثم قال يا فلانه انا رايح الجمعيه وراجع

( مفكرة ان يجيب عشاء جاهز)

بعد ربع ساعة رجع الزوج ومعه اغراض العشاء

قالت الزوجه شنو هذا

قال الله يخليج لي قومي سوي العشاء للربع في الشغل جايين من بعيد وما تعشوا

وفي أثناء الحوار .. والا الباب يدق

قال كاهم وصلوا الربع وصلوا يالله همة يا مره وراح عندهم وهم في الصالون يسولف معاهم ….

المهم المسكينة في المطبخ تقطع البصل والطمام بفستان الزفاف وعيونها تدمع وتقول في لنفسها

( باجر بأرجع عند اهلي من الفجر واطلب الطلاق)

المسكينة سوت العشاء وتعشوا وراحوا زملائه لدورهم , والمسكينه متضايقه

والمفاجأة … ؟؟؟

يدخل زوجها عليها ويرمي لها 20 الف دينار

قال: هذا حقج

قالت: شنو حقي

قال : الرهان الي بيني وبين زملائي العشرة على كل واحد يقط 2000ديناربأنك تطبخي ليلة الدخلة

وشنو تكون ردة فعلك موافقه والا .. لا .. وانا ربحت الرهان لانك طبختي ..

وببساطة .. قالت له العروس رجعني عند بيت اهلي وهي تبكي ..

والسؤال هالرجل مجنون ؟؟ والا العروس اللي رفضت هالمبلغ؟؟