شاليهات الخيران .ارجو المساعده

بنات ان و ريلي صارلنا سنه متزوجين والحمدلله امورنا بخير و ريلي ملتزم
امس اول مره يا سألني اذا يبي يروح الخيران ويا ربعه و ما ينام شرايي؟
انا ما توقعت هالشي كلش ! الصراحه ما عرفت شرد بس بين علي اني جاعده احرق بروحي
مسكين اهو خووش ريال و ثقه بس انا وجهت نظري حتى من قبل الزواج انه روحات الشاليهات سواء خاصه والا عامه او الحداق او المزارع او السفر للريياييل المتزوجين مع ربعهم تطيحه من عيني اول شي لانه هذي سوالف شباب عزاب والي بيسوي هالشغلات واهو متزوج لازم ويا الاهل انا شضمني شنو الجو الي هناك مابي احط اي مجال للشك بيينا معنه شي عادي للغير بس انا عندي جني هاده ريلي و اقوله تفضل انحرف!و ثاني شي يحسسني بعدم اهتمام بالزوجه للبعد لساعات طويله
انا مو صاكه عليه اهو يطلع ويا ربعه كل اسبوع علما بان احنا متزوجين صغار
المهم اني بالاخير ما رضيت بس قتله باسلوب هادي هذا طبعن عقب ما حمقت
و قتله على ضحك انه اذا امك رضت انا ارضا

بس انا مابي تحز بخاطره كاسر خاطري بس هم بنفس الوقت انا مابي اخليه يسوي شي انا ما ارتاحله

فشراكم بنات ابي رايكم بليز

يبا توكلي على الله ما عليج … ماكو الا العافيه … هناك وناسه صج … بس مو لي درجة انج تحاتينه … عموما انتي قبل لا يروح ضحكي معاه .. قوليله حط بالك على عيونك لازم ما يشوفون غيري ومن هالحجي .. ولا اذا الريال يبي يسوي شي مو راده الخيران ولا غيره

حاولي تعوضينه وقوليله احجزلنا شايه نستانس وانا ابي اروح وياك

انا اقول خليه يروح دام انه ماراح ينام
بس وصيه ان يدير باله على نفسه ومن هالحجي
واهوا اهناك كل ساعه دقي تطمني او دزيله مسج فيه كلام حلو
بس ان تمنعينه لاااا بالعكس
والريال يا قلبي لو بيسوي شيء بيسوي

الله ماكثر الريايل الي بالاسوقه الي حريمهم يمهم وهم يييييييييييييييييييييخزووووووووووووووووووووووووووو ووون

خل يروح عادي بس لاينام عشان مايتعود

عادي ترا مافيها شي توكلي على الله وخليه يروح

ترا الشاليهات مو بس حق السوالف الي خبركم

منها يتيمعون مثل الدوانيه ومنها حداق ويغير جو عادي

ومثل ما قالت العضوه حياتي ودنيتي الريايل لو بمجمع او مطعم ومرته يمه هم يخز

لا واشكره يتبلتث جدامها بعد فا لاتحاتين

اذا المنتزه مو شي كلش ;s

الله يحفظه انشالله ..

ترى مافيها شي اذا راح
خل يستانس و يغير … صدقيني راح يردلج نفسيته متغيره و ولهان عليج
وهم راح تكبرن ابعينه لانج وثقتي فيه

شاليهات اللي داخل خيران مستحيييل شباااب يحجزونهاا لا زم عوايل هذا من شروط الحجز اما اذا شاليهات برا خيران فعادي وخلج واثقه منه خل يستانس وانشالله ماكو الا كل خير

حبيبتي يمكن لانج صغيره وتوج متزوجه ماخذه الأمووور بحساسية زايده

بس لو تسالين اغلب المتزوجات والبنات ترى السالفه حدها عاديه وبالعكس من حق الريال ان يطلع ويشوف ربعه ويستانس

الزواج مو سجن تحكرينه فيه ولا من حق المره ان تمنعه ان يغير جو مع ربعه وملزوم ان كل طلعاته يا تصير مع الأهل يا ما يطلع!!!

بالعكس مدام مو مقصر معاج خليه يطلع ويستانس وناسة ريلج من ونااستج وبعدين مدام ريلج الحمدلله ملتزم وواثقه منه

ليش بعد المحاتاة والتفكير الزايد ان يخربط ولا يخونج مهما تفكرين وتحاتين اذا ريلج في باله يسوي شي بيسويه مهما سويتي

توكلي على الله وعيشي حياتج وخلي زوجج يعيش حياته ويستانس

خلي يرووح وقوليله انا واثقه فيك بس قثي بالتليفونات