|
|
السلام عليكم
حبايبي ولدي الله يحفظ عيالكم ماكو مناعه كلش لانه كلش ماياكل والله ماياكل مجاااااعه يخرررررع
توني امدخلته حضانه كل يوم يايب لنا مرض شكل والحين اخر شي نزله معويه شسوي 
ماكو أبره ولا دوا حق الوقايه من النزلات المعويه وهالسوالف؟؟
لانه انهرى صار خرجه
حاولي تعطينه فاكهه مع ايس كريم وسوي له خضره وشكلي له
والا مالج الافاتح شهيه تعطينه
والله يشفيه ويعافيه ويصبرج
سمعي حبيبتي ومااار ااح تندمين باذن الله ..
.
يبي عسل سدر اصلي من العويد ولا معجزة الشفاء ..
.
ودقي ثومةونقعيها بعصير ليمونتين نص ساعة لمن تحسين تشرب الثوم عدل ..
.
عقب شخلي العصير من الثوم .. وحطي بالعصير قفشة كبيرة زنجبيل بودرة وقفشة كبيرة سويدة(حبة سودة)بودر بعد و نص قفشة قسط بحري حلو هاذا تلاقينه بالحواي طبعا بودرة .. وخلطيهم مع العصير عدل مدل .. وصبيه فوق العسل ,,
.
وكلي ولدج .. واذا مو راضي بالغصب كلها قفشة ..كل يوم الصبح قفشة عالريج عقبها ماي ,, ترى ماكو ريحة لانة عالريج وبياكل وراها فلا تحاتين الريحة كللش .. ومع الوقت راح يتعود عليه وماراح يأذيج..
.
وهاذا كلله مو من مخباتي يايبته .. القسط والحبة السودة و الزنجبيل والعسل والثوم كللله مذكور بالطب النبوي .. ومستعدة اييبلج الاحاديث اذا مو مصدقة ..
.
وصدقيني صدقيني مايحتاي لا تروحين حق طبيب ولا مضادات ولا أدوية ..
.
والله العظيم انه صارلنا تسع سنين ما شمينا ريحة الطبيب والله يشهد عاللي اقوله .. وترى سهلة الزنجبيل والحبة السودة والقسط من الحواي ..
.
والله العظيم انه ما تستغني عنه .. ونروح نشتري عسل بالكيلوات .. والله يشهد عاللي اقوله ..
.
وعاد لا شفتي نتيجة حلوة وولد تحسن .. لا تنسين وخيتج بدعوة صادقة
.. وعلمي فيها اللي تحبين .. 
شوفي روحي او ممكن تتصلين على السالمية كلينك وشفت عندهم بروشور تطعيم سنوي من الامراض
يمكن يفيدج
ما تشوفون شر ان شاء الله
والطفل كل شي عنده بالعناد خليه لاتحنين عليه بالاكل اذا ياع بروحه بيطلب..
الله يعينج ويخليلج وليدج ..
|
المشاركة الأصلية كتبت بواسطة عسولة ودلوعة
 هلا زوغة على فكرة اسمج وااااايد حلو
شوفي روحي او ممكن تتصلين على السالمية كلينك وشفت عندهم بروشور تطعيم سنوي من الامراض |
حبيبتي من ذوقج نكي عجبج 
مشكوره حياتي
|
المشاركة الأصلية كتبت بواسطة قمر ضاوي33
قوي مناعته بفيتامين سي والعسل
ما تشوفون شر ان شاء الله |
الشر ماييج ياقلبي
|
المشاركة الأصلية كتبت بواسطة حبوبه
حبيبتي زوغه بقولج كلام سمعته من دكتور يمكن ما تصدقينه ان الطفل اللي يمرض وايد في عمر سنة إلي 4 سنوات مناعته قويه وجسمه يلقط كل فايرس علشان يتقوه منه يعني الجسم قاعد يقوي مناعته ضد الامراض المختلفه وان شاء الله يعقب مايعدي هذي المرحله العمريه يصير أحسن ..
والطفل كل شي عنده بالعناد خليه لاتحنين عليه بالاكل اذا ياع بروحه بيطلب.. الله يعينج ويخليلج وليدج .. |
الله يسمع منج ان شالله كلامه صح
نفس معاناتي والله
نفس حالة بنتي عطتني كورس مناعة …. وبفضل ربي ونعمته احسن وايد الحين
وما تشوفون شر انشاللله