|
|
المقصود بهالموضوع الزواج بعمر 20 فأقل … وطبعا تختلف مقاييس العمر عند كل شخص
أنا من أشششششششششد المعارضين لهذا الزواج … وخصوصا لما الأهل يزوجون بنتهم بعمر صغير من واحد عمره كبير … مع الوقت شخصيتها راح تنمحي لأنها بتكون تحت ايد زوجها وعلى قولتهم يشكلها مثل ما يبي .
وغير هذا البنت ماراح تستمتع بعمرها لأنها راح تشيل مسئولية بيت وزوج وعيال مبجر .
وممكن ان هالزواج يلهيها عن دراستها فتضطر انها ما تكمل .
وبالنسبه اذا كانو الزوجين نفسهم صغار ما اعتقد انهم راح يقدرون الأمور عدل .
وطبعا مو شرط ان رايي ينطبق على كل اللي تزوجو مبجر لأن أكيد في ناس متزوجين مبجر وحياتهم مستقره بس انا قلت رايي بشكل عام
حرام بحق البنت و راح تنظلم وتظل تتحسف طول عمرها على هالسنين اللي ضاعت منها بدون ما تستمتع فيهم لان الريل مهما كان زين يعلل الصراحه ومشاكله ومشاكل اهله وربعه ما تخلص والمسؤليات اللي بيقطها على راس هالمره المسكينه ما يشيلها جبل
فالافضل ان البنت تاخذ القدر الكافي من الحنان والدلال والحب من بيت اهلها و تتزوج لما يشتد عودها علشان تقدر تستوعب كل هالبلاوي وترضى بحياتها مهما كانت
وجهه نظر ……..
بعدين اناا احس ان كل شي نصيب ……
انا عمري 17 مووووممكن اتزووووج الحين نو وي…….
عين العقل لاحقه على دورة المغاوير
بس ترى يعتمد على الريال اذا كان عقله اكبر من عمره كل شي تمام
هالحجي من 8 سنوات ……..
أما الحين لا والله ما أييد الشباب صارو طايشين والبنات مطافيق
بنوته اهي مو سالفه عمر انا تزوجت 18 وريلي كان 29 شفتي الفرق؟؟ واعطي ريلي 10 سنين زياده لعقله شايب ومقعد بس احس بكل شي مختلفين في وجهات نظرنا لا انا اتقبل وجهه نظره ولا اهووووووووووو يتقبل بمني شي لان كل اباله انا صغيره مافهم
رونه انا كنت مثلج مستحيييييييل اتزووج وامي معاااااااي مستحييييييييل انزوجها الا لما تكمل 23 او 22 (يعني مثل سنها يوم تزوجت ) بس ياني ولد اختها قامت وقلبت المووووجهه
وانا بعد وياكم تزوجت ام 18 وريلي 28
الله يعطيج العافيه
عالموضوع..
وبالنسبه لرأيي
عادي الزواج اقل من 20
ولا راح يضر البنت بشي إذا كان الزوج متفهم من البدايه راح تكمل وتتوضف
بكل سهوله ومن غير مشاكل
واصلا بهالزمن من رايي الاب اذا شاف الخاطب مستقيم
وفيه الخير
احسسن له مايرده
لانه مو عاش لبنته طول العمر
ولاهو ضامن انه راح يجيها واحد ((طلبيه)) مثل مايبي
طبعا هذي وجة نظري
قبل على وقتنا الي يصير عمرها 20 وما تزوجت متمرده وباسها قوي
عاد مادري شسوينا بالطاعه العمياء؟
انا اعارض واعارض واعارض …
اصلا احس الوحدة لي تزوجت وعمرها كبير شوي تكون فاهمة الحياة عدل ومخالطة ناس اشكال وارناق وشايفة الدنيا سواء من الجامعة او المعاهد يعني غير عن مجتمع الاهل والمدرسة …
انا اقول من ال20 وفوق زين …
تحت العشرين لا والف لا …
حتى اهلي من بعد مانفيشه تزوجت وهي صغيرة غيرو فكرتهم بالمرة صارو من اشد المعارضين للزواج المبكر …
بعد عمري اختي يقولون ماشبعت من الدلال …
يامه ناس اعمارهم بالاربعينات وابو 20 سنه اعقل منه الف مره …..ز
فى ناس سنهم صغير بس عقلهم كبير
انا تزوجت 18 سنه والحمد لله والكل الىل اعرفهم هذا السن اللى تزوجوا فيه
رفرف مو بروحج … انا بعد تزوجت وعمري 22 وكانت ملجتي عقب امتحانات التخرج من الجامعه اب 3 أيام ,,,
ثانيا الرجل : فتفهم الرجل المتقدم لهذة الفتاة بانها تريد ان تكمل دراستها وانه يجب عليه مساعدتها فى ذلك فسيكون شىء جميل خاصا لو ان هذا الرجل ممتاز وخسارة ان يضيع من الفتاة وبه كل المواصفات الجيدة ليكون زوج لها ….
اما انا شخصيا تزوجت وعمرى 19 سنة وكنت فى السنة الثانية من الكلية وساعدنى زوجى الى ان انتهيت من الدراسة ثم طلبت منه ان ادخل كلية الحقوق وبصراحة وقف جنبى وشجعنى ونظمنا حياتنا وكنت وقتها عندى بنت صغيرة والحمد لله خلصت الدراسة .. انا رائى ان الزوج وتفهمه مهم جدا ….
لكن بالنسبة لبنتى فيجب ان تنهى دراستها الجامعية اولا ثم تتزوج لانى لا اضمن ان تتزوج برجل مثل والدها ….