شاركوني بمواقفكم وقت الحمل وشلون درى زوجج بالحمال @@

ههههههههههههههههه حلوة ,,

والله ذكرتيني ,,

انا الله يسلمج حملت بعد شهرين من خذاني ريلي ,,

وكنت شاكلة اني هالشهر حامل وعندي احساس ,, المهم ,,
ريلي دوامة زامات .,, يعني يومين دوام واربع برا ,,

هاليوم كان دوام ,, وكنت زايرة اهلة يمعتهم ,, وكان المفروض تيلي الدورة هاليوم ,,
مع انه شوفي مو متأخرة وايد ,, بس حيييييل شكيت ,,
واول مرة يصير فيني هالاحساس ,,

واحنا قاعدين ,, يتلي فكرة ,, قلت حق خالتي ,, انا بروح الخياط وارد لكم ,
ما بتأخر ,, قالت اوكي ديري بالج ,,
ودقيت على ريلي وقلت له بروح بيتنا ابدل هدومي توصخوو ,, فشلة ,,
قالي صج يلا انا بعد عندي لج خبر ,, بعدين اقولج ,,

جان اطير للهادي واسوي تحليل دم ,, قالي ساعه الا ربع ,,
واااااي احسها كانت 5 ساعات ,, مع اني ماكنت ابي احمل
مخليتها ع الله ,, بس كان شي يخوف ,,
وفيه وحده معاي تنطر واعليا اهي عادي ,, انا من توتري البنت توترت وقامت تحوووس لوول ,,
ناداها الممرض قبلي وعطاها النتيجة قبلي واهي مسكت الورقة تطالع ,, انا رحت له
قلت انااا ,,!! جان يمد ايده ويعطيني ,, كان يضحك وياي ,, وطبعا انا وياها تخوزز ببعض موعارفين ,,
جان يقول لنا مبرووووووووووووك يا هوانم ,, جان نبارك لبعض ونضحك ,, وطلعنا مع بعض ,,
لي السيارة ,, يا حليلها كان اسمها ميسووون لووووول << شنو يضحك ,,

امبيييييه انا قلت قصة حياتي قبل لا اقول شعور ريلي <<< قرقة هالبنت اففف ,, خخخخخخ

المهم

دقيت على اختي وقلت لها وفيني بجية ,, لانه امي وابوي وباقي اخواني مسافرين ,,
كان بالصيف اللي فات ,, اهي بس موجودة ,, وحييل استانست
وانا بالطريج رادة بيت اهل ريلي دق ريلي يقولي ويييينج ,, قلت رادة بيتكم ,,
قالي انا طلعت من الدوام وبقعد هاليومين عندج << طبعا طلعته بالحسرا عليه مسكين ,,
والصدفة حلوة ,, جانه الله قاسم اني اسوي له مفاجأة وما اقوله بالتلفون ,,
قالي روحي بيت اهلي انا ابدل وايييييييكم ,,

اول ما رحت ويهي يضحك بس من غير ابتسامة ,, عندي حماتي متزوجة
وحامل والثانية نفسي متزوجة معاي وحملت قبلي بشهر,,

فرحت وحطيت الورقة بييد حماتي اللي متزوجة قبلنا عندها ولد وهذا لثاني ,,
مسكينة تشوف الورقة وترجف تقولي شنو يعني بوسيتيف من الخرعه نسييييت لووووول ,,
امبيه شعور وربي حلووو كانت فرحتهم ماتنوصف ,, ولا تلمني اهي وحماتي وخالتي
ويدت ريلي وخالهم يبارك ,, لاني ريلي بجرهم هذا اول حفيد يشيل اسمهم ,, وقاعدين يبجون وانا اضحك لووول << ماكو شعور الاخت

عقب هالقرقة وصلنا للقسم الللي المفرووض اقولة من غير هالقرقة لووول << تطحن مو تقرق بس

شوي الا دخل ريلي .. وحماتي كانت ماسكة كاميرا بيدها تسوي روحها تصور ولدها ,,
واحنا مخططين نصور ردة فعله ,, دش سلم ,, وخاله كان موجودة جان يقول انا ماشي
قالة ريلي وين قال شوي ادق واقولك .. المهم ريلي يشوفنا يضحك يقول فيكم شي !!
جنه حاس ويووهنا متشققة ,,

جان يرن تلفونه ,, وكان خاله قاله مبرووووووك ,, جنك كبرت بسرعه
قاله ليش ..؟
قال مبروووك بتصير ابو ,,

واحنا قاعدين نشوف تفاصيل ويهه ,, وربي والله ماانسى ويه صااااااار طماطة
يقوله شنو تقووول .. !! << ما فهم للحين ,,

شوي الا استوعب بنفس اللحظة ,, يقول صج َ!!

يالي يقولي انتي ,, !!! هزيت راسي وانا اضحك ومستحية <<< خخخخخخخخ مو لايق
والله شعوووووووووووور روعه ,,

وطبعا كل هذا بالفيديو ,, طالع ,,

امبيه قام يحووووووووس بالصاله مو مصدق كلش ,,

كان وايد حلو الموقف والله ,, والحين لما نشوف الفيديو نضحك ,, وانا اقعد ابجي لوووول ابيه هاليوم يرد ,,خخخخخخ

كنت يادهينه لاتنكتين ,, لوووول ,,

وتمت ,,