شاااااااايله هم كبر السما

اختي انتي تبين خلطة تبييض للبشرة ؟؟

رفيجتي تمدح خلطة صبوحة تلقينها عند عطارة الاندلس وايد حلووة .. طبعا على كلامهاا مو كلامي ..

نظمي نفسج وهدّي أعصابج واخذي الأمور بسهالة تمشي معاج بسهالة مثل ما تبين

ييبي ورقة وقلم وكتبي شنو محتاجه تجهزين حق أول شهرين بعد الزواج <<< وبعد هالشهرين روحي اشتري وكملي جهازج مع ريلج ترى واااايد بنات يسوون جذي لأن صج ما يمديهم

كتبي معاي جذي :

1- تجهيز بدلات ( 4 بدلات فخمة لزوارات اول اسبوع +6 بدلات بسيطة وناعمة لطلعاتج مع زوجج + شغلات casual عملية وأنيقة بنفس الوقت )

2- تجهيز اكسسوارات للبدلات ( 3 جناط ماركة بألوان مختلفة عشان يمشون مع ملابسج + 3 جواتي ماركة ويستحسن لو يكونون من نفس ماركة الجناط عشان تطقمين + 3 ساعات فخمة وانتبهي للألوان ) وممكن تزيدين لج جم clutch و جوتي من المحلات العادية اللي اسعارها معقولة واخذيلج جم بروش للبدلات وااايد يعطون شكل

3-تجهيز ملابس للبيت وملابس داخلية ( لا تكثرين وايد ونوعي بين الغالي والرخيص على حسب ميزانيتج بس أهم شي قميص نوم اول ليلة يكون مميز ) احسن لج حطي لج ميزانية 200 دينار مثلا واشتري فيهم عشان تحدّين نفسج وما تكثرين

4-تجهيز مكياج (لا تكثرين اخذي مكياج يكفيج لشهرين وبعدين روحي جدديه)

5- تجهيز مجوهرات (اخذيلج جم سلسلة حلوة من داماس وسوق الذهب وشوارفسكي للبدلات وللبيت بعد ترى حلو شكل سلاسل الذهب الأبيض الناعمة مع قمصان النوم حيل ذربين)

6-تجهيز عطورات وبودي لوشن وشور جل (اخذيلج مثلا 3 sets يكونون كاملين العطر مع اللوشن والشور جل وافتكي + شوية بخور )

7- تجهيز أغراضج الأساسية من الجمعية (مزيل المكياج وغسول الويه والفرشة والمعجون وهالسوالف ….الخ)

8- تجهيز اكسسوارات الشعر (اخذيلج جم باند اللي هابين فيهم على ورد وريش وشوية كلبسات فراشات و ستراس و لولو مثل اللي عند كليرز ) والشيــلات نوعي بين الساده بشوارفسكي والمشيّر مثل فولار

الحين خلصنا هالتجهيزات …. أعتقد هذيل أهم شغلات يبيلها حوسة صح؟

باقي عليج

*** بدلة العــــرس + المســـكة + تحجزين صالونج للمكيــاج والتسريحة ***

حددي شنو الصالونات اللي بتمرين عليها وروحي شوفي مكياجهم وتسريحاتهم وحجزي على طووووول

وبدلة العرس سوي search بالمنتدى اهني بتعرفين وين احسن محلات بدلات العرايس .. والمسكة ساعات يصممونها لج مع البدلة وساعات من محلات الورد بس انتبهي لازم الألوان تكون مقاربة لألوان الكوشة

شنو بقى؟؟

خلطات العناية

يبتلج خلطة شاسالفة اللي قالوا عنها البنات وشكلي ببدي اجربها معاج دام اني ماخذة شهر رمضان اجازه

=======================

خلطة شاسالفه

صابونة غار مبشورة ناعمة جدا تنقعينها بكاس

ماي ورد طول الليل

عشان تذوب

علبة جلسرين السائل الشفاف من العطار

علبتين جليسوليد الاحمر كبار

فنجان قهوة زيت زيتون

فنجان قهوة زيت لوز

فنجان قهوة زيت خروع

ملعقتين كبار كركم من العطار لاتستخدمون

مال الاكل لانه صبغته قوية

علبة فكس صغيرة

تخلطين كل المقادير خلط جيد او بالخلاط لين

تمتزج مع بعضها وحطيها بعلبة واستخدميها

يوميا لمدة ساعتين للجسم والوجه

وانا حتى استخدمها للمنطقه الحساسة والابط

وشفت بياض موطبيعي ونعومة وكل الاثار

اللي بجسمي اختفت

انا ادهنها على جسمي ولما اجي اغسلها

افرك بالليفة اللي من بدي شوب اللي على

شكل قفاز احسن من الليفة المغربية

واسوي سنفرة الملح الخشن مع عصير

الليمون

يعني اخلط كمية ملح خشن مع عصير ليمون

واتفرك فيه

=========================

وأنصحج بــ :

– فيتامينات seven seas للشعر والاظافر والبشرة من الصيدلية

-مسكرة زيت الخروع من الصيدلية

-الحمرة الاندونيسية من الحواي

-كريم اولاي بالتوت البري من الجمعية

-سكراب ستيفز St.evs بالمشمش من الجمعية

-منتجات Brelil للشعر من صيدلية بوتس (جربي سيرم الكريستال للتقصف أو فوم موس بالبروتين أو شامبو ديتوكس لفروة الراس ) كل منتجاتهم تهبل

-سويلج جلسة تبييض أسنان بالليزر قبل العرس باسبوعين

-سويلج جلسة تنظيف بشرة وكريستال قبل العرس ب 3 ايام عند الصينية بعيادة دكتورة دلال التركيت

-حجزيلج جلسة مساج وتقشير بالفراولة للظهر عند spatime المهلب

-حمام ملكي بصالون الشرقية قبل العرس