|
|
السلام عليكم
بنات ماتوقعت بيوم اكتب بالقسم هذا ابدا بس لانه اذا شفت ويهي بالمنظره احس مافيه روح ابدا يضيق الخلق استغفرالله جفاف وخطوط تعبيره اوفر اوفر وويهي عبوس من الخطوط غير السواد تحت العين مع اني استخدم اغلى الكريمات المعالجه وقطيت اخر 3 شهور اكثر 350 بس كريمات وحبوب وللاسف ماكو فايده
قررت وبعد ماسويت سيرج مابين مدح وذم بدكاتره التجميل فقلت اتوكل على الله واروح لدكتور مختص وبمستشفى له تجارب اللي اهو مستشفى هادي اخذت موعد عند دكتور ابراهيم الشافعي
وعطاني وقتي صح وانا اشرح له شنو ابي بس ركزت على صوب الجبهه مكان الخطوط
فقال تحتاجين ابره بوتكس بـ 120 دينار وابره فلر تحت العين بـ 110 وابره يم دار مدار خشمي بـ 110 واخر شي ابره حول الشفايف مكان الابتسامه بـ 110 قلت له لا وايد اخاف ويهي يزرق قالي ميخالف الم يوم ولا كل يوم واقتنعت خصوصا اني ابي ارد روح فيسي عطاني كريم مخدر وانتظرت ربع ساعه وبعدها بلش شغله
كل ابره كان يغزها يوريني نتيجتها بنفس الوقت والخطوط راحت بنفس اللحظه شعور حلو بس مادري حسيت انه غزني ابرتين بس !!! بعدها قالي يلا ابيج الحين ماتتحركين لانه ابره البوتكس مالازم تتحركين وغزني ماحسيت بأي الم بس الوي كان الم بس اللي اقدر اتحمله .. قالي لاتنزلين راسج وايد علشان البوتكس لا ينزل للعين ومفعوله راح يبين بعد 3 ايام ووصفلي كريم حق تحت العين لانه وايد غامض مع فيتامينات لبشرتي و رديت البيت اخذت بندول نايت ونمت قعدت حسيت بشتري بيبي فيس بس مافيه تغييير ابدا ابداااا اطالع وين التغير مو عارفه بس راضيه وواثقه من نفسي .. بدا مفعول البوتكس باليوم الثالث بس شنو صار رفعه حواجبي نزلت ضاق خلقي حيييل لانه عيوني وساع وحاجبي نزل بس الجبهه حلوه رحت له ولايقولي لا طبيعي ماكو شي لاتحاتين قعدت ابجي قلت له عفيه ارفع لي الحاجب قالي مااقدر لانه البوتكس له كميه معينه وانتي ماصار لج 4 ايام !! قلت شلون الحين اعدل شي ويخترب شي ثاني .gif "Eh S(16)")
اهنيه استغليت الفرصه قلت له ابي تعبئه بسيطه حق شفايفي من فوق بس تعبئه مو تفخ قالي فهمت عليج اوكي وغزني بس من فوق وحسيت بعد ماكو تغيير الا شي بسيط بس حلو مو تفخ بس بوز صغيييير وخذا مني 110 دينار قلت للمحاسبه انا بس الشفه اللي فوق يعني اتوقع نص المبلغ ولا تقولي انه اللي حطاها لج مواد طبيعيه ماانتبه للاسم اكسيد جذيه من هالنوع مادري حسيته مااادي يعني اخذ مني 610دينار مع الكشف والتغير مو اوفر بس المواد كلها طبيعيه وأمنه .. ان شاء الله راح احط صور بعد مااشوف تفاعل وابي رايكم بالاسعار ؟ زينه ولا الدكتور استغلني
وشكرا على دقايقكم اللي خذيتها منكم .gif "Eh S(7)")
الله لايخسر عليج
ناااطرين الصوور والنتيجه
الله يهنيج بالنتايج الحلوه
….. لاتزعلين
انا رخت طيبه وسويت احماض الفواكه وباجر عند التركيت ان شاء الله بوتكس
انا مثلج سواد تحت العين ووحهي ضعيف وصايرة اكبر من عمري وتجاعيد حول عيوني
بس ممكن اسأل الرياضه تأثر ع البوتاكس والفيلر؟
انا لما سوت بوتكس طلع روعه وبين من ثاني يوم وطلع المجموع 150بسس
انج غيرتي اللوك وانشالله للافضل
انشالله حلوه
ما يترك اي اثار جانبية وايطول ما ايروح ابسرعه يقعد فوق السنه عن تجربه.