سويتي تكميم ابيك تدخلين وتردين علي بليز :)

انا نفس حااالج بالضبط
بس ترا قالولي الحلومة مايصلح لج لان ماعندج سمنه مفرطة
بس بسويها بخاااص بضعف

وبالنسبه للترهلات تطمني رفيجتي وزنها ١٠٠ وطولها ١٥٨ ماشالله جسمها صار يهبل لان اساسا هذي موسمنه مفرطة
واشجعج صرااحه لان الشحم يلوع الجبد

الحلومة-الحكومة

صح الشحـم يلوع الجـبد

بسسسس

الحيـآآة حلوه

فيـه اكثر من بديل عن العمليهه

توكلي على الله حبيبتي وسويها ترى حدها سهاله وانشالله تقومين بالسلامه لاتحاتين
انا دكتوري قالي بعد 4 اشهر تقدرين تحملين
طبعا انا سويتها بالسلام تنامين عندهم 3 ايام والالم مو وايد قوي اسبوع ويخف انشالله
والباجي ماقدر افيدج لان انا توني ماكملت شهر تقريبا 22 يوم نازله 11 كيلو
واي سؤال لايردج الا الكيبورد

الله يجزاك خيرياعمري اللهم أمين ولك دعوة بالمثل

الله يبشرك بالجنة وطمن قلبك يارب ماقصرتي

أنا تعبت من الريجيمات مامنها فايدة معي

الله يطمن قلبك يارب
طيب حبيبتي مرحلة السوائل كانت متعبه أو سهلة ؟

لا حبيبتي سهله مرحلة السوائل لان من تشربين شويه تشبعين واهي بس اول 10 ايام عقبها سهاله ماتقيدين بالسوائل

السلام عليكم طيب حبيباتي ايش عملية التكميم
شكرا لكم

الله يسهل عليك كل صعب يارب إن شاء الله راح أسويها عن قريب
يعطيك العافية ماقصرتي يالغالية

حبيبتي هي عملية يقص من المعدة 75 بالمية ويصير شكل المعدة مثل الموزة وتساعد على
نقص الوزن وكثير سوها ونحفوا ، وهذا رابط للاخت مذهلة عن العملية

ملف شامل عن عملية التكميم ( كل شي يخص التكميم تلقونه هني)

أتمنى افدتك

لي عودة ان شاء الله لموضوعج

وشاكرتلج حبيبتي الثناء ربي يخليج

ادعيلي

سويها وتوكلي ع الله انا مسويتها من سنتين وشهريين وفالج الرشاقه ياقلبي

والالم كم أستمر بعد العملية ؟
اول ما تصحين من البنج الف خفيف يعني ما تحسين فيه و بالمستشفى يعطونج مسكنات باستمرار

وكم جلستوا في المستشفى ومتى رجعتوا لحياتكم الطبيعية ؟
انا دخلت 3 ايام يوم اللي دخلت فيه و يوم ثاني و ثالث يوم طلعت

وأول شهر كم نزل وزنكم ؟
نزول الوزن على حسب كل وحدة و من شخص لشخص يفرق و انا نزل وزني اول شهر 10 كيلوات بس بعدين يبتدي النزول يخف
واللي أحملت هل رجع وزنها مثل قبل أو رجع نزل ؟
انا ما حملت و ما اقدر اجاوب على هالسؤال
بس زوجه حماي حملت بعد العملية ب 6 شهور تقريبا و حيل انتفخت من الحمال بس ما شفتها بعد ولادتها ما ادري شلون صارت

واللي معها القولون عادي تسويها ؟
سالي الدكتور يفيدج ان شاء الله

بس نصيحة اختي لوجه الله انتي مو متينة وايد لا تسوين العملية و سوي ريجيم احسن و بالنسبه للترهلات اذا سويتي رياضة راح يشد لانج مو متينة حيل و انا كان وزني قبل العملية 140 تقريبا و جسمي حيل مترهل الحين و ناطره اوصل للوزن المثالي عشان اسوي عمليات الشد و الله كريم

مشكورة ياقلبي الله ينولك كل اللي في بالك في أنتظارك ياعسل

الله يطمن قلبك ياعمري ماقصرتي

حبيبتي ماقصرتي على ردك على الاسئلة والله يسعدك دنيا وأخره
حبيبتي تعبت من الريجيمات مافادت معي انزل كيلو وكيلوين وبعد شهر يرجعون
إن شاء الله اسويها عن قريب وأبشركم