سمعت هالبشاره هل صحيح ؟

خواتي سمعت ان اللي قدمو لبيت الزكاة راح تكون المساعدات من تبرع الشيخ سالم العلي الله يحفظة السبت الجاي قي حساباتهم
وكل واحده تشيك على حسابها اللي عليهم ديون

الله يبشرج بالخير..
مع ان الي اعرفه بس الازواج رب الاسرة اما الزوجة لا وان كانت مديونة..

الله يبـــشرج بالخيـــــر

وان شـــاء الله الخبــــر صــــج

ويعطيج العافيه

حبيبتي قمــاشه

مز مز

للاسف ماعندي خبر..ولا اتابع اخبار التبرع
لاننا ولله الحمد ما عندنا احد مقدم
والله يجزاه كل خير

الله يبشرج بالخير

بس اهم قالوا اذا الزوج والزوجه موظفين ما يعطونهم ..!!!

جزاه الله خير ماقصر
وان شاء الله يكون الخبر صج

لان وايد تكلموا عن تلاعبات بالتوزيع وبيني وبينكم سمعت وايد ناس عندهم فلوس يوزعونها عليكم ويفيضون وهم مقدمين واستلموا بالله هذا حجي!

الله يبشركم بالخير جانه صج

شسالفه

حتى اللي عليهم قروض عاديه( سياره، بيت)؟؟؟؟؟

مشكوره اختي على الخبر وان شاء الله كل اللي محتاج ياخذ .. ووالله كان بودي اعطيكم اخبار لانه اخوي يشتغل ببيت الزكاه وبالتحديد في هالموضوع .. لاكن والله من زمان ما سالته .. فاللي تبي اي سؤال تقولي وانا اساله واردلكم الخبر ان شاء الله

واختي فتون علف .. انا بس حبيت ارد علشان اوضح شغله .. لانه ماشاء الله الحين اكثر شي ينتشر الاشاعات .. وترى سالفه انه صار تلاعبات بالتوزيع اكيد بتطلع هالاشاعه لاكن صدقيني ماصار هالشي وانا متاكده .. اهما يسلمون على الاولويه واللي خلصوا دراسه ملفه وكل شي اكيد يعطونه .. لاكن مايعطون ناس على حساب ناس .. وبس هذا اللي حبيت اقوله والله يعطيهم العافيه على شغلهم وتعبهم

يزاج الله خير وبميزان حسناتج انتي واخوج يارب

بغيتج تسألينه متي اخر موعد للتوزيع بالظبط وتسألينه صج المساعده بس 400 دينار وبعض الناس 1000؟؟؟؟

هلا والله بالغاليه نونو

اعذريني توني ارد بس ماحبيت ارد بدون مايكون عندي الجواب وتوني قدرت احصل اخوي …

شوفي الله يسلمج سالته عن اخر موعد وبصراحه ضيعني .. اللي فهمته انه هالاربعا بيكون اخر يوم للقضايا والاسبوع الياي راح ينزلون الفلوس في حساب اللي مقدمين سنه 2024 والباجي يمكن بعد رمضان .. وهذا اللي فهمته منه ..

وشوفي على موضوع الفلوس .. المساعده راح تكون مثل التالي :

العزاب سواء ريال او مرا 400 بس

المرا الكويتيه المتزوجه بغير كويتي 400 بس

الزوج والزوجه كويتيين 400 بس … وفي هالحاله لو كان عندهم عيال ينحسب على كل ياهل 200

يعني مثلا عايله من زوج وزوجه وولد راح يعطونهم 600 .. لاكن في شرط انه قيمه المساعده ماتزيد عن 1000 دينار

يعني مثلا عايله تتكون من زوج وزوجه و 4 عيال … راح يعطونهم 1000 بس بدال لايعطونهم 1200 ..

وان شاء الله يكون شرحي مفهوم

يزااج الله خيييير ياقلبي ماقصرتي عسااج عالقوه وقولي حق اخوج ترا انا كل يوم ادعي حق اللي في بيت الزكااااااااة كلهم ان الله يسمح دروبهم دنيا وآخره