|
|
السلام عليكم
بنات ياريت اللى جربت السكر بالحمل تفيدنى
جم المفروض الصبح النسبه وانا صايمه؟؟
وجم بعد الاكل بساعتين؟؟
انا بالثامن وسويت تحليل وطلع عندى مرتفع وقالى الطبيب سوى حميه وشوفى السكر ليومين عشان اشوف
وشنو الاكل اللى قالج اكليه يعنى ابى لسته بالاكل دورت على النت ما لقيت شى
وخايفه مع انه يانى السكر باول حمل بس نسيت من 12 سنه 
جزاكم الله خير
قلبى معاك مشكوره حبيبتى وفى انتظارج
يوعانه ومو عارفه شنو اكل مليت 
شوفى انا مثلج اشتبهت الدكتوره ان فينى سكر
واكتشفت ان نسبة الشسكر عند الحوامل مو مثل الانسان العادى
لهم نسب معينه
يعنى حسب معرفتى ( يجوز انى غلطانه ) بس حسب ما سالت
ان وانتى صايمه اذا طلع 4 زين يعنى ما فيج
واذا ماكله بعد الاكل بساعتين يطلع 7 ونص هم طبيعى الى 8
اما اذا زاد عن ال8 ونص وانتى ماكله
معناته ان فيج سكر
انصحج نصيحه لله
روحى الصيدليه واشترى جهاز السكر واحسن شى اللى تبيعه رابطة السكر ( الكويتيه )
ترااه دقيق ونفس فحص المستوصف
ونصيحة ثانيه
لا تقيسين السكر كل شوى
قيسيه الصبح وانتى صايمه وبعد الاكل بساعتين
اضمن لج
ترا انا هلوست كل شوى اقيس ويعطينى قراءات مو دقيقه بالمره
وما تشوفين شر
نسبة السكر وانتي صايمه3.3-5مليمول
بعد ساعتين اقل من 6.6مليمول
واذا تبين تحويلن القراءة الى ملي جرام ضربي الرقم ب18
*ابتعدي عن السكريات تماما والكاكو واكلبي فواكه لان فيها سكر طبيعي وتمنع تذبذب مستوى السكر لان تحتوي على الالياف…وحبة الفاكهة احسن من العصير
*اكلي 5 الى 6 وجبات صغيرة على مدار اليوم بدال 3 وجبات رئيسيه
*بين كل وجبه ووجبه 3 ساعات
*كل شي قليل الدسم حليب لبن جبن وحتى الخبز اسمر
*تفادي انخفاض سكر الدم واعراضه دوخه و زياده ضربات القلب..خلي دايما يمج عصير برتقال او كوكتيل وحتى اذا طلعتي حطي عصير بجنطتج وبسكوت ماري…لاتاكين كاكاو لان ماراح يرفعلج السكر بسرعه لان فيه دهون يعني الفايده ابطأ
*اكلي مشاوي او مسلوق وقللي العيش والمعكرونه
*قبل لاتنامين شربي بلن او حليب قليل الدسم مع بسكوت مالح او ماري
*اشتريلج جهاز قياس السكر وحافظي على اكلج حتى بعد الولاده ليما بتضبط السكر
*تكونين صايمه من8-10 ساعات قبل قياس السكر
واي سؤال يا قلبي انا حاضرة..ادعيلي اول بالسلامه والله يشفينا من السكر ويحسن خاتمتنا
وانا صار معاي واضطريت اعمل دايت سكر من مستشفى الصباح لان الدكتوره قررت دخولي مستشفى علشان يضبطون السكر للعلم ان بين معاي لما سويت تحليل السكر اللي تشربين الشراب
وكنت اقيس كل يوم قبل الاكل وبعد الاكل بساعتين
والله يكون بالعون لانه والله تعب وهم
بس انتظمي على الحميه
وان شاء الله خير
انا خالتي اييها بس فترة الحمل وتسوي
حميه وبس تولد يروح كل شي عادي لا تحاتين
انا صار عندي زلال بالجسم وولدت قيصريه من اهمالي
انتبهي لاتهملين نفسج
والله يسهل عليج الولاده يارب
*