سكر الحمل في الشهر السابع

السلام عليكم ..

انا توه صار فيني سكر حمل اول مره ..
عطاني الدكتور حميه غذائيه لمده 3 ايام وبعدها ابدي اقيس نسبه السكر قبل وبعد الوجبات بساعتين لمده يومين .. وبعدها بشوف النتايج اذا نزل معاي السكر راح اظل على هالدايت ليمن اولد .. اذا شاف النسبه اللي طلعت ما تغيرت راح يعطيني ابر الانسولين ..

وفوق كل هذا فيني فقر دم الحمدلله على كل حال ..

اللي ابي اعرفه منو صار معاها سكر حمل وراح منه بعد الولادة بس مع نظام غذائي صحي وراح منها وما رجع كلللش .. وحملت مره ثانيه وما صار فيها سكر !!!

انا احاتي ان اييب عيال وبعدها يصير فيني سكر يلازمني .. اصاب بسكر نوع 2 ..

يا ليت اللي ما عندها فكره ترفع الموضوع ..
وربي يسهل على كل وحده حامل وتولد بالسلامه ويرزق كل وحده تتمنى الضنى ياارب

انا ما عندي فكره بس اخر مراجعه دكتوري حذرني من السكريات وقالي ممكن يصير فيج سكر حمل وعطاني بس ككاو واحد بالاسبوع بس ما رديت عليه لول

الله يستر حاسه بيصير فيني لانه كل اكلي ككاو

بس انا اسمع الكل يقول شي عادي ويروح بعد الولاده وان شا الله ماكو الا كل الخير الله يشافيج يارب

حبيبتي لا توسوسين والله يكتب اللي فيه الخير
و يقومج لنا بالسلامه

الله يتمم عليج حملج وتولدين بسلامه وايد ييهم سكر الحمل وبعد الولاده يروح عنهم بس انتي بعد حرصي على اكلج وان شاء الله ماتشوفين شر …حتى بعد ما تولدين ويروح عنج لازم يكون غذائج صحي لحد ان شاء الله جسمج ما يتخلص منه بعد الولاده والله يشافيج وداي نفسج زين..

الله يتمم عليج حملج ويقومج بالسلامه

حاولي تهتمين الاكل وتستمرين عالحميه واكلي شمندر او عيره اسبوع ويصير الدم فلللللل عندج فقر الدم والسكر موووزينين عالبيبي زعليج

هلا حبيبتي انا بحملي الخامس صارلي سكر حمل وبعد الولاده راح بس حملت بعد 6شهور وهم رجع وبعد الولاده 5 شهور صار السكر عندي دائم بالحمل كانو يعطوني انسولين بس لما صار دائم يعطوني حبوب ومن اقرر اني بحمل لازم اروح لدكتور السكر عشان يعطيني ابر ليما يصير الحمل والحمدالله علئ كل حال وحملت 2024 وجبنت بنوته حلوه وحاليا انا الحين حامل صارلي شهرواسبوعين واليوم دخلت المستشفى لانه السكر مرتفع ولازم ينضمونه الله يتمم علي وعليج وادعيلئ ان الله يتمم علي حملي ويشفيني ويرزقني بأحلى بمولود سليم معافى تام الخلق وتسهل حمله وولادته وشكرا واسفه على الاطاله واي سؤال انا حاضره

اسم الله عليج
انا معاي سكر حمل من سنة 2024 وبعدين حملت 2024 وهم جاني السكر وكنت عالدايت طول فترة الحمل وتم معاي السكر لين بعد الولادة
والحين انا حامل وهم السكر مرتفع وعطوني ابر انسولين مرتين في اليوم وكنت متنومة في المستشفى عشان السكر الاسبوع اللي فات
وعلى فكرة انا اللي اضرب نفسي الابر كنت احسبها شغلة صعبة بس مع الوقت تعودت وعرفت الاماكن اللي الضربه فيها ما تعور

والله كريم يسهل علينا الحمل

حطي بالج حبيبتي

حبيبتي خوخه تسلمين يا عمري

الله يسمع منج ويروح عني .. الحمدلله انا ماشيه على الدايت بس انا نفسيتي ماكو فايده امشي على الدايت ونفسيتي تعبانه ..

مشكوره حبيبتي على الدعوه ولج المثل

انا ماشيه على الحميه الحمدلله … عاد انا الشمندر احبه بس ما اقدر اكله احس ان راسي يصدع مادري لييش واحس بلووعه

حبيبتي ما قصرتي على الرد وان شاء الله يا ربي يتمم عليج حملج .. وانتي بعد ديري بالج علشان البيبي حافظي على صحتج .. انا والله توني احس باللي فيهم سكر الله يعينهم ويعينا ..
انتي ما تم معاج بعد الولاده السكر ؟!! ولا بس لمن تحملين يصير فيج سكر ..

يعني تم معاج السكر من النوع 2 ..

حبيبتي مشكوره على الدعوه والرفع ..

اب

اب

اب

الله يهون عليج

هلا حبيبتي صار السكر دائم معاي يعطوني حبوب على طول بس من افكر بالحمل لازم يلغي لي الدكتور ويعطيني انسولين واستمر عليهم لي بعد الولاده اقل شي 6 شهور اذا كنت ماارضع

الله يقومج بالسلامة

حبيبتي لا تحاتين أختي جاها بنتها سكر حمل وجابت 2 وراها ماجاها إذاا اتبعتي حمية غذائية صحيحة بدون لخبطة ماراح يتم معااج
بس إذاا لخبطتي ممكن يتم اتبعي الحمية وماراح يصير إلا كل خير
ودكتوري نبهني يقول يجئ سكر حمل ولا يجئ ضغط حمل لأنه الضغط يثبت لين بعد الولادة بس السكر يروح بعد الحمية على طول ولا يرجع في الحمل الثاني إلا إذا رديتي مرة ثانية تأكلين سكريات