سكرتيرة بمدرسة؟ ولا بالمنطقة التعليمية أحسن؟

السلام عليكم بنات .. شلونكم ..

بنات انا بسألكم نفس سؤال العنوان .. ايهو احسن " لو تعرفون او عندكم فكرة " ..

شغله السكرتيرة بالمدرسة احسن ؟ ولا شغلها بالمنطقة احسن ؟؟

انا ادري انه المنقطة عطلتهم غير .. بس الجو كله غير عن المدرسة بس ماعندي فكرة عن الشغل ..

واذا انقبلت بالتربيه ان شاءالله هل من حقي اختار اشتغل في منقطة او مدرسة ؟ ولا اهمه يقررون ؟؟

واهم سؤال بالنسبه لي …. اقدر اشتغل بمعاهد التطبيقي ؟ ولا مالها علاقه بوزارة التربيه ؟ خاطري اشتغل سكرتيرة بمعهد من معاهد التطبيقي لانه قريب مني

ناطرتكم ..

اي صج .. عفاف وباجي البنات شصار عليكم ؟ توظفتوا ولا بعد انا كرهت عيشتي ومن مدة ماحست بالمنتدى ولا جان مرابطة بالقسم لول

شوفي يالغاليه انا سكرتيره بمنطقه حولي التعليميه صراحه الدوام حلو وصج ماكووو شغل واااجد احيانا يصادفنا شغل واحيانا لاااا والاكثر طبعاااا ماااكو شغل …. بس شنو المشكله انسي العطل وصراحه الشي هذا مو عاجبني بالمنطقه وطالبه نقل …. والله يوفق الجميع

حبيبتي سكرتيره بمدرسة وايد أحسن الطلعه أبجر وإذا رحتي مدرسة بنين أحسن وأحسن

ترا المنطقة الدوام لي 1،45 بس بالمدرسة تطلعين قبل المدرسات على حسب الإداره ومو أنتي تحددين المكان أعتقد أهم يحددون إذا مدرسة والا لأ بس ممكن يخيرونج بين المنطقة أو الوزاره نفسها

أنا كنت سكرتيرة بوزارة التربية نفسها بالشويخ ياكره هالأيام صج صج ملل مو طبيعي والطلعة ثنتين إلا ربع ومافيه عطل بس للأمانه ماكو شغل …. بس انتقلت لمدرسة صج غير الجو أريح والطلعة مبجر وكله بنات وتعطلين مع الناس وتداومين معاهم……

انا برياض اطفال

روحي وانتي مغمضه

دوام الى 12 وربع ووناسه

دلع مشكورة حبيبتي .. اي عارفة شغله ماكو عطله وماكو شغل لاني خذيت ميداني بمنطقه تعليميه فحيحيل بس كل الموظفات اللي صادفتهم يذمون بالدوام محد مدحه الا ثنتين يقولون اريح لنا من ازعاج المدارس حتى لو ماكو عطله

الله يوفقج وتنتقلين لمكان احسن ان شاءالله .. بتروحين مدرسة ؟ رفيجتي جذي بمنطقة وليلحين ماقررت تنقل ولا لأ اخوها يحن عليها انه قعدي احسلج من المدارس واهي تبي مدرسة..

سويت كات مشكوورة حيل على ردج حبيبتي ليش البنين احسن برايج ؟ مافكرت بهالسالفه كلش كان كل همي مدرسة او منطقه .. مشكورة فتحتي عيوني على شي ماخطرلي ابد

جكورة مشكورة على ردج انا شكلي شكلي ببطل افكر بالمنطقة بس جان زين اهمه اساسا يخيروني ما يلزموني فيها

قلبي خضر .. عاد ورا بيتنا روضه بس اعرف حظي بيقلعوني قلعه وادرين
مشكورة حبيبتي

لو أنا مكانج بشتغل بالمدرسة وايد أريح من ناحية مدة الدوام و العطل

مدارس البنين الطلعة فيها أبجر وايد يعني 12،30 بالكثير الشغل وايد أخف تدرين ما يدققون مثل الحريم

آنا كل اللي أعرفهم بمدارس البنين وااااااايد مرتاحين

بعدين في مدارس يخلون على الإداريات احتياط و إشراف و مناوبه و مراقبة امتحانات بس مدارس البنين أكيد ماكو كل هذا يعني مو معقوله بتراقبين أولاد و تقعدين إحتياط عليهم

اذا من ناحية الشغل في المدرسة في بس عندج مزايا….
العطلة ونهاية الدوام

والمنطقة مافي اجازة….وماكو شغل وايد…والدوام 2ينتهي
امبيه اقولج مرة دخلت عندي اجراءات بسويها….ولا الغرفة ظلمة…ماوعيت الا4بنات نايمين لوووووووووووووووووول

هذا في المنطقة

وليش المدرسة احسن لأن الوقت يطوف ويمشي وماتحسين فيه

باتوتيا
انا بعد افكر جذي
مشكورة حبيبتي

صح سويت كات ماظن كلش يعطوني شغل زيادة لو
حطوني بمدرسة صبيان
مشكورة فديتج على ردج الثاني

je tadoreاي انا بالميداني اذكر وحده الله يذكرها بالخير
قالت لي لا تشتطين ماكو شغل
باجر هاتي مخدتج معاج لول
صاجه والله يتراوالي المدرسة احسن حيل من المنطقة

قصدج بنين ذات معلمين مو معلمات وناظرة مرأه اكييد

لاني اغلب اللي اعرفهم يكون الناظر ريال مرتاحين وهذي اغلبها تكون متوسطه بنين وقليل فيه ابتدائي بنين ويدرسون رياييل

بس ابتدائي بنين وناظرة مرأه صج كررف اكثر من ابتدائي البنات لان ممكن يعطونج اشراف ومناوبات واكيد التعامل مع الاولاد اصعب من البنات بوااايد

وبالتوفيق يا قلبي

احلى شي واريح شي سكرتيرة بالروضه

ليالي مشكورة عالاضافة ..

ضحاوي حتى اختي تقولي روضه احسن شي .. مشكورة فديتج ان نك حلو