سكتي سكتي زين هذا الي ناقص زواج يهاالووو !!! انزين ليش ؟

السلام عليكم انسا وجنا … شعلومكم بنات !!

بدش على طول ..

تخيلو معاي ..

أم .. وعندها 4 بنات .. او خل نقول 5 .. مو مهم .. المهم بنات

اكبرهم عمرها 25 .. والثانيه 21 .. والثالثه 19 .. مو مهمين الباجي ..

المهم انه ولا وحده متزوجه .. والأهم انه ام 19 انخطبت ..
(( طبعا عارفين انه شي طبيعي البنيه تتزوج بعمر ال 19 ))

الأم شنو تقولها …
لالالا اول خواتج الكبار .. شنو تبين الناس يقولون ؟؟؟
زوجت هالياهل قبل الحريم الكبار ؟؟ ..
اكيييد مسويه بأهلها دقه قامو دبسوها باول واحد طق بابها..
شالسالفه انتي توج 19 .. خواتج ام 25 بعدها ..
الناس حتى لو ما تكلمو … انا اعرف الحريم .. يقولون الحجي بقلبهم ..

انزين بالله ام 25 عنست .. الاربع بنات الي بعدها يعنسون عشان خاطرها ..
يعني البنات واقف نصيبهم على نصيب العوده !!

لا تقولون محد يفكر هالتفكير .. لا في .. ووايد بعد .. شرايكم تتخيلون معاي نفس الأم .. بس

أكبر بناتها 19 .. وانخطبت ..
شنو بتقول ..
قلووولوووش وصل وصل نصيب بنتي .. ياااربي وفقها .. ولا مانع من دمعه فرح صغيرونه
واسرع خطبه واسرع ملجه واسرع عرس .. من فرحتها لا تلومونها بنتها عروسه

لااااحظووو … انه الاولى عمرها 19.. والثانيه 19 ..

بس ليش الاولى ياهل وصغيره عالزواج وتاكل تبن لي قالت بتزوج ؟؟
والثانيه عوده وعاقله وفاهمه .. بس عشانها اكبر خواتها ؟؟

انتي لمن يقولون فلانه ملجت .. وخواتها الكبار بعدهم .. شنو ايي على بالج ؟
لمن يقولون ام فلان .. مهي مزوجه بناتها الا لمن تتزوج العوده .. شنو تقولين ؟

انتي …
تزوجتي قبل خواتج الي اكبر منج ؟؟
كانو يقولولنج .. يهااالووووو !!! برووي !!! (( مع انه عمرج عمر زواج ))
اختج الصغيره تزوجت قبلج ؟؟

شنو نظرة الناس حق هالسالفه السخيفه …

تفكير متخلف !!

انا ما احب نظام ايام اول هذا

وما اشوف فيها شي لو الوحده تتزوج مهما كان ترتيبها بين خواتها

حرام توقف نصيبها يعني اذا الكبار مالهم حظ اهي شنو ذنبها هالصغيرة .. لازم تنطر لين تعنس عشان بالنهايه ما يندرا ربي بيرزقهم بالريال السنع ولا بيزوجونهم اي واحد المهم لا يعنسون

السالفه فيها ظلم واللي بيرضي الناس ما راح يرتاح

انزين ليش وايد معصبة اخاف انتي ام ال19 وخايفه لا يطير الريل هاااااااااا اعترفي
شوفي انا اللي اقوله الام مهما يكون حنونه واتخاف على مشاعر بناتها لانه اكيد البنت الكبيرة بينكسر خاطرها
وهذا شي طبيعي احنا بشر بالنهاية بتستانس لاختها صح بس هم بينكسر خاطرها على نفسها عرفتي
يعني اهيا عاطفة الامومة بالدرجة الاولى
وثاني شي ياقلبي اذا الله كاتبلها نصيب بتاخذه غصبن على الكل اكو كلمة وايد احبها يقولج الملاج بالسما مو بالارض
وتوها عنونه لاحقه عالشقى وانشاءالله يتزوجون اهما الثنتين مع بعض وبس

انا مانى مع هالنظره اللى يجيها نصيبها الله يوفقها

دقه قديمه هذي وماعادت موجوده
لان الناس تدري ان العنوسه كثرت والبنات كثروا صارو ع قفا من يشيل
الحين الابو هو اللي يخطب لبنته

خصوصا هالتفكير غلط يعني خلاص البنت جاها نصيبها ليش يوقف عشان الكبيره ؟؟
ويمكن اذا ملجت تجر خواتها معاها لان معروف البنت من تملج يملجون خواتها وراها
جدا جدا ماحب ان يتوقف نصيب البنت عشان خواتها

وانا عن نفسي اختي تزوجت اول …

برايي النصيب اهوا نصيب ام 19 ياها نصيبها قبل ام 25 كل وحده ونصيبها مو شرط النصيب ايي بالدور او ب

لوووول … لأ .. مو انا ام 19 …
ابوي ما عنده بنات يتزوجون واهم يدرسون …

بس كان نقاش بيني وبين امي .. وقلت انزله بالمنتدى ..

الاهل يخافون على مشاعر البنت وخاصه البجر فمابالج واختها الصغيره تتزوج واهي ماانخطبت عندي من خواتي تزوجت واهي اصغر من اختي ومااحد اعترض نهائيا ولا احد قال االلي اكبر منها للحين ماتزوجت

سبحان الله مادارات السنه الا اختي اللي اكبر منها تزوجت لا وشخصيه وماشاء الله كاهو راهي عليها بكل شي و الله يهنيهم اهم الثنتين

القسمه قسمه لاتقولين هذي تتزوج قبل او بعد ويمكن االصغيره نصيبها لحد الحين مافكر فيها والله يرزق الكل بالزوج الصالح …

النصيب اذا جا محد بيتكلم ويعترض !!!!!!!!!!!!

لا بنات .. انتو ما فهمتوني …

نظرة الناس حق الي تتزوج قبل …
يقولون اكيد مسويه شيفزوجوها بسرعه صغيره .. نفس ما قالت امي
ولا بقولون احسن خل تزوج وحده عالاقل تخفف على اهلها
اقصد من هالحجي .. المغثه

مادري احس الموضوع مادري عادي شنو مافهمت شي بس مااقول الا الله المستعان
وكل وحده نصيبها مكتوب من طلعت على هالحياة

هلا حبيبتي
موضوعج وايد حلو
شوفي الله يسلمج
بالنسبه لنظرة الناس
مو مهم
اهم شي تكون البنت مقتنعه بالزواج مو ماخذته لعبه و نفنوف عرس وطقطقه ووناسه
2 شي بالنسبه للخوات اللي اكبر ماعندهم سالفه ان تمت في خاطرهم ولا شي
اولا هذا نصيب و كل شي بيد الله يعني بيعترضون على امر الله؟؟

انا اختي الوحيده اصغر مني ب5 سنين وتزوجت ام 17 سنه ووقتها انا 22 وكنت كلش مو يم الزواج ولا في بالي كنت بعدي بالجامعه و دراستي صعبه وحددي لاهيه عن هالشي وايوني ناس بس اردد عشان اكمل دراستي
والله يعلم اشكثر فرحت لها من كل قلبي
لان اهيا غير اهي من صغرتها حلم حياتها و طموحها انها اتزوج
حتى بعيد ميلادها كله تسوي حفله تنكريه وتلبس لبس العروس
هههههههههههههههههههههههههههههههههههههههههههههههههه ههههههههه
ماشالله والحين اهي ام عيال وانا للحين ماتزوجت مع هذا لا انكسرت نفسي ولا احتريت منها ولا شي
هذي اختي اللي احبه حق نفسي احبه لها
وعيالها مثل عيالي والله يمكن لو يايبه عيال ماحبيتهم هالكثر
حتى ولدها الكبير يابته وانا توني متخرجه وهيا بعدها تدرس وامتحانات ربيته من انولد لين صار عمره سنتين حتى كان على باله انا امه
هههههههههههه فديته والله

انا اشوف هالمسأله اتوقف على نفسيات الناس وطريقة تفكيرهم
ولا اهيا مسأله طبيعيه جدا واي انسان يثق بالله ويحط في باله ان كل شي نصيب و خيره من رب العالمين عمره ماراح يزعل ولا يتضايق

اسفه ادري طولت بس حبيت اعطي اجابه وافيه

عاااااادي
انا اخت الي اصغر مني تزوجت قلبي
كلش كلش ماكان فيها مشاكل

صراحه ماعرفت ارد على هالشي بالذات لان ماتوقع في ناس ممكن تفكر جذي

يعني ليش ممكن يسيئون الظن باللي اتزوج صغيره
اصلا ياكثر اللي اذا يوا يخطبون يدورون الصغيره
وايد ناس يفضلون الصغيره يعني ام 18 و 19

كلن و تفكيره

بس مسألة ان الناس تسيء الظن باللي تعرس صغيره هذي عمري ماسمعت فيها

صصصصصدقيني لا تقولين ( دقه قديمه والا جديده )
هذا كله نصصصيب لو حتي الدنيا كلها ترفضضض هالزواج والله كاتبه كان بيصصصير بسسسس الحمد الله كل ششي خيره ..

عسسسي ربي يارب يارب … يرزقج كل البنات بالسسسستر والصصصلاح والزواج وراحت البال يارب