سفر الزوج

انا الحين قاعده بروحي وعيالي نايمين وضيقة صدر اول مره زوجي حبيبي يسافر بروحه ما ادري صج اطلع اتمشى بس حاسه بفراغ كبير وعسى ربي ما يطول هالمده يارب وصارت نفسيتي زفت بزفت ما اتقبل اي كلمه تجيني من اي احد من رفيجاتي ولا من خواتي ولا حتى من امي حبيبة قلبي خلاص والله مو قادره اصبر صارله اسبوعين اهو مسافر مع ابوه علاج للخارج وما ادري حاسه ان الدنيا حيل ظلمه بدونه وصارلي يومين موقادره اكلمه بس ابجي من اسمع صوته بس على هالمسجات ليت لو وحده تعلمني شنو اسوي لو مدارس اعيالي والله لسافر ما همني دوام ولا بطيخ واهو يقول يمكن يطول العلاج شوي متى الله اعلم

انا حاسة بشعورج مرة ريلي سافر بمهمة رسمية من الدوام الى المانيا وانا كنت بشهوري الاخيرة من الحمل وكنت بالثامن وكنت مو راضية على سفرته لدرجة قلت كنسل السفرة صعبة علي تسافر ويمكن اولد وانت مو موجود واساساً ما لاداعي تسافر وتخليني خاصة بجر وحيل نفسيتي تعبت وعلى اخر لحظة كان يبي يكنسل بعدين كسر خاطري وسبحان الله يتيني ولادة مبكرة بالثامن من كثر القلق والنفسية وحيل تعبت حزتها لدرجة انصدم من الخبر ما صدق ليما دزيت له بالمسنجر صورة البيبي ونفسيتي تعبت اكثر يوم طلعت من المستشفى بروحي ما عندي احد وهو مو يمي

انا الحين ذكرتيني بهالفترة صدقيني صبري نفسج وعلى طول طرشي له بالماسنجر وشوفي صورته تحسين براحة نفسية خاصة عيالج يقدرون يشوفون ابوهم واذا قدرتي روحي له شهر وردي وخلي عيالج عند اهله واهم راح يراعون شعورج وايد واكيد حاسين فيج

والنصيحة الاخيرة ان تقضبين قرآنج والتزمي بالدعاء وانشاء الله العلاج ما يطول

واللــــــــــــــــــــــــــــــــــــــــــــــ ـــــــــــــــــــــة يعينج

انابعد حساه بشعورج بس الي تسوينه غلط
المره حلو انها تكون قويه وتساعد ريلها يعني انتي لابجيتي جدام ريلج هالشي بيضيق صدره وبيحاتيج المفروض تصيرين اقوى من جذي وتحملي ياما بنات رياييلهم درسو برا بالسنين

صج ان صعبه انا مجربتها 10 ايام صج تحسين الدنيا صغيره بس عالاقل عندج عيالج طلعي وردي معاهم
وراح تتاقلمين شوي شوي يعني اكيد حالتج الحين احسن من قبل اسبوع
وكل ماله تصيري احسن تحملي مع ريلج وشجعيه وساعديه لاتصيرين ضعيفه االحمدالله ريلج عايش وموجود الله يطول بعمره وتدرين اهو وين وشيسوي الحمدالله

مالج الا الصبر وباجر ماينسالج هالموقف

الله يرده لج بالسلامة انشاء الله

الله يردة بالسلامة وطمنج على انشا الله عيل خل اضحكج دام ضايق خلقج
انا صار فيني اللي صار فيج اول مرة كان اخليني وروح مع ابو فكنت مستعدة حق هالسالفة اللي بخرتلةهدومة وحطيتلها الرسائل الغرامية وفي كل رسالة صورة لي او لولدة او صورة جماعية حقنا غير اسوالف الي دعستها بالمخابي (جيوبة) عشان كل ما لبس شي اطلعلة بكلمة حلوة وتخيلي كل هذا ولش ما تظيع الجنطة بالي فيها طبعا انا كنت متازمة انة برح عني وتازمت زيادة يوم ضاعت الجناط وتخيلي مارجعت الجناط الا لما اهوة رجع الكويت وراح كل تعبي هباءا منثورا!!! شرايج فيني؟
حبيبتي انا بعد صرت لي شفت الكيك الي احبة ولة يابو طارية طقيتها بجية بس تدرين قمت اذكر روحي بهوشاتنا وملاقتة وقثاثتة عشان اخفف على عمري والله لايحرمكم من بعض انشا الله حطي ابالج انج كبرتي بعينة يوم خلتي اروح مع ابو وانشا الله اعيالكم اصيرون حنينين عليكم مثل ما اهوة احنين على ابو والله اصبرج انشا الله سوي طولت عليج

شوفي حبيبتي سألي وحدة زوجها دايما يسافر … استغلي هذا الوقت غيري شي بالبيت … ضعفي جم كيلو ……. اعتني ببشرتج وجسمج …. يعني سوي أشياء يديدة ……. انتي الحين مابيدج انه يرد او تسافرين فاستغلي الوقت في أشياء مفيدة وتونسه اذا رجع

احمدي ربج انا بالسنه اشوفه اقل من الشهر خليها على الله والله انا منكثر سفراته حاشتني حالة اكتآب صرت ما احب اطلع او اخالط احد حتى اذا رحت لحد لا زم اسمع شفيج فلانه عسى ماشر صرت على طول مكتمه وما لي خلق المصيبه ما يدري عن هوى داري يليت اقدر اطنش وافرفش نفسي بس آآآآآآآآآه ما اعرف انا كل شي يبين علي بسرعه وما احب اطلع برحي ولا عندي احد اطلع معاه ما عندي الا اخت وحده وكلا مكسله وما لها خلق باطه جبدي ما قولها تكفين خنغير جو ترد علي رد واحد اووو ما لي خلق فاتخليني اكتم اكثر قولولي شالحل بس قاعده مقابله الكمبيوتر شكلي بتعقد وعجز بسرعه

مشكورين حبايبي على الردود بس والله اليوم كلمته شوي اكلمه وشوي ابجي وكل ما رحت مكان وشفت اثنين مع بعض الله يهنيهم تذكرته ورجعت بس ما اقول الله مع الصابرين وابي اصبر واحتسب لما اكحل عيني بشوفة الغالي يييييا رب

حبيباتي
اخذوها مني
سعادتي الشخصية مسؤولية نفسي .. محد مسؤول عنها
ما أحمل غيري وزر تعاستي لأنها بايدي .. أنا أدور الشي اللي أحبه ويونسني وأسويه
والحياة أقصر من انه نضيعها بالبكاء والحزن .. اليوم انتي بأحلى عمر تعيشينه عندج صحه ومال وقوة وعيالج حواليج ألف حمد لك يارب وشكر ..
هالنعم هذي انتي مغبونه فيهم .. استغليهم ولا تضيعينهم بالحزن
متى ما آمنا بهالمبدئين وطبقناهم
ان شاء الله ماكو شي راح يضيق خلوقنا

الله يرده لج بالسلامة هيل شتفولين انا ريلي كان بعيد عني لمدة سنة و كنت حامل طول فترة حمالي هو بعيد عني لما ولدت و ما رجع الا بعد ولادتي ب3 شهور هو صج هالشي تعب نفسيتي لكن الشي الحلو ان يصير تجديد بالعلاقة و راح كل واحد منكم يعرف قيمة الثاني