سعوديه طالبه النخوه

السلام عليكم ورحمة الله وبركاته كيفكم ان شاء الله بخير كل عام وانتم بخير ينعاد عليكم يارب ادخل الموضوع خواتي انا اختكم من السعوديه كثير عندنا بالسعوديه يمدحون الديجي عندكم امدحو لي اشكناني والرندي وفيصل السعد وش تنصحوني احجز لزواج اخوي حبيباتي بالله عليكم ابي رايكم انا ضيفه عندكم. واخت لكم لا تهملوني بالله اللي تدخل تعطيني رايها اللي اعتز فيه واذ تعرفون من وين احصل ارقامهم بالله افيدوني للافضل

تكفوووون

من يرد عليه

هلا والله باهل السعوديه خوالي .. تصدقين من زمان عن الدي جي بس اذكر الرندي بعرس ولد عمي يهبل و المطيريه بعرس رفيجتي كذلك حلو
بس نصيحه اذا حجزتي لا تخلينه يحط لج ع ذوقه .. انتي زوريه قبل العرس بيومين و اختاري معاهم كل تفاصيل حفلتكم
موفقين

تسلمين اختي افيديني ماعندي خلفيه والله ابي الفزعه منكم حابه اغير واجيب شي جديد بالعرس

موفقين يارب

الـــــف مـــــبروك..
ديجـــي الــــرندي حـــــللو حـــــاضره حقــــه
ديجـــي الليلك

جاسم الرندي التوب بالكويت و حجزت عنده حق عرسي مكانه اب مجمع بلازا بالسالميه

يعطيكم العافيه خواتي الله يكثرمن امثالكم وجزاكم الله الف خير

الرندي نفس الي قالت عنه لولو كنا يايبينه بعرس اختي

والاغاني على اخيارنا احنا حددناها واخترنا المطرب الي نبيه كل الاغاني بصوته وهم غنا لها الزفه باسمها بصوت نفس المطرب الي اخترناه بس هذا سعره بروح وهم غنا لنا البدايه مادري شسمونها ونفسها بالنهايه وفيها اسامي الاهل كلهم وهذا هم سعرها بروح

اختاري الرندي وانتي مغمضة

انا دي جي عرسي منه وما اخترت الاغاني الا حزة اللي المعرس موجود

غير جذي ابدع بالعرس اهوة ليلحين يتكلمون عنه