سحب ماده السليكون من الوجه الله يجزيك الجنه او في معلومه

مرحبا خواتي

انا قبل اربع سنوات عبيت وجهي من السليكون لانه كان منتشر عندنا في السعوديه وماكنت اعرف انه له اضرار او انه ماينفع للوجه حسبي الله عليها عبه وجهي والين صار فيني مثل الورم في خدي وحييل تجمع
اسالكم بالله احد سوت سحب الماده وكيف طريقتها عسي ربي يفرجها علي كل من ترد علي
حيييييل متضايقه
وخايفه انها تشوه وجهي السحب
هاليومين بروح لدكتور بس قلت ابي اي معلومه عن هالموضوع
والله لكم الدعاء
وشكرا لكم

الله يسعدكم دنيا واخره لو في معلومه بسيطه عن الموضوع

الله يشافيج ويسهل امورك
ماعندي خبره والله انشالله باجي البنات يفيدونج

للاسف ماعندي اي معلومه
بس انشالله سهالات وماياثر علي ويهج

الله يشفيك ويعافيك
ماعندي علم عن هالموضوع

الله يجزيكم كل خير

ياليت اللي عندها اي معلومه تساعدني فيها

شوفي في دكتور بالرياض واللة معرف اسمة بالضبط بحاول اجيبة لكي كثير يسالونة ويقول عادي تنسحب
المادة وهو يسويها بس انتي لا تخافي

الله يفرجها عليك دنيا واخره
انتظرك تجيبي لي اسمه لاني بسويها قريب
الله يوفقك ويسعدك كنت حيييل شايله هم

لا تحاتين حبيبتي سهالات انشاءالله

ياكثر اللي اعرفهم كانو حاقنين وسحبو الماده

عادي بس اختاري دكتور شاطر

وبرايي سوي عمليه احسن لج من السحب بلابره لانه لاسمح الله ممكن يرد الالتهاب

سحبي الماده بعمليه وردي حقني اذا تبين من دهون جسمج افضل

روحي عسي ربي يفرجها عليك
يعني كيف عمليه او ابره ايش الفرق
الله يسعدك ممكن توضيح لي

تكفون يابنات اي وحده عندها خلفيه عن الموضوع ترد لي خبر الله يفرجها عليها دنيا واخره والله انا حيييييل محتاجه المشوره منكم لو ع الخاص ولها الدعاء مني تكفووووووووووون ساعدوني عسي وبي يفرجها عليكم

آميين ياارب

محتاجه الدعاء انا انشاءالله ناويه اسوي عمليه اشيل الماده لانه زاد وزني وكبرو اخدودي

شكلهم مو حلو ومبين تفخ

وبسوي عمليه بنج كامل يسوونلج شقين من صوب الاذون ويسحبون الماده ويصير بنفس العمليه يشيلون دهن من جسمج ويحقنونه

انا مابي دهون بس انتي اذا تحبين لخدود ردي سويها من دهون جسمج وقولي لدكتور يحتفظ بكميه من دهونج عشان اتردين انحقنينه اذا فش

يااااكثر اللي مسوينها اهني بلكويت ووين ماتروحين لاي دكتور عنده خلفيه بلحقن وازالت بس علي حسب خبرتي الويه اسهل مكان يقدرون يسحبون الماده منه اسهل من الشفايف والايد

سهالات انشاءالله وانتي لاتاخذين علي حجينا روحي لدكاتره واستفسري منهم واهم انشاءالله يعطونج الحل اللي يريحج

بس لاتسوينه سحب بلابره واهو بتخدير موضعي صدقيني عواار عل فاضي لانه الالتهاب والماده ماراح اتروح بشكل كاامل

وصج لازم اتعرفين الماده شنو اسمها وجم سنتي حقنتي بويهم هشي يفيد الدكتور حيل

ولا تحاتين انشاءالله تنحل مشكلتج وبسهالات

سمعت مره بالتلفيزون دكتور يقول انهم يشفطون الماده من الوجه
بنفس طريقة شفط الدهون

عسي ربي يوفقك ولك مني الدعاء علي صلاه الفجر
ماقصرتي يالغاليه عسي ربي يفرجها عليك ويسهل امرك
حبيبتي يعجز لساني عن شكرك