سبوح البيبي الأول

هلا غناتي

بالبركة عليها ما ياها، عادي غناتي تسبحها، انا كنت مربية اخر مره ووزن بنتي كيلو واحد بس، والله يوم اشلها جني شاله لعبه، بس شوي شوي واتعلمت الحمدلله، يعني اول شي راسها وبعدين شوي شوي على جسمها وما فيها شي باذن الله

والله نفس حوستي بالضبط

بس مرت ابووي توه كلمتها تقول ننطر عليه عاشر يوم ونسبحه وطبعا اهي اللي تسبحه مو انا

خل تدق على وحده كبيره تيي تساعدها وتعلمها احسن

مبرووك ما ياااكم والله يخليها لكم يارب

سبحيها على القل مرة او مرتين بالاسبوع

تساعدوا انتي واختج

حطوا اسفنجه البيبي بالحوض واشوي شوي سبحوها

وممن اذا خايفه وااايد

مسحي جسمها بقطه وماي واهم شي برقبتها والابط وريولها

الله يعينكم انزين كلمو خالاتكم او احد تعرفونه كبير يسبحونه لكم

غناتي اذا لهالدرجة ما تروم، مثل ما قالت الاخت اللي فوق، اتيب الماي وتمسح بالقطنة جسمها كله، وعلى الاقل كل 4 ايام او اسبوع تغسل راسها، لان حرام البيبي اصلا محتاي يتسبح كل يوم، يحس براحة اكثر وحتى يوم ينام ينام وهو مرتاح

الله يعينكم

انا اقول اتصلي على حماتها او احد كبير عندكم بالعايله
او خليها بحوض السباحه مالت اليهال وحطي عليها اسفنجه السباحه
وبعدين نوميها وغسليها شوي شوي
اصلا السباحه مايبليها شي نفس ماتغسلونها بس لازم ثنتين مع بعض تتساعدون وحده تمسك والثانيه تسبح
وليش مخلينها للحين لازم يوم العاشر متسبحه

يا عمري انا عندي 4 الله يحفظهم من اطلع من المستشفى اسبحهم يوم و ترك ترى البيبي بشر و يرتاح و ينام عالنظافه اهم شي ما يحوش السر ماي
اللي اسويه اني ادفي غرفه و احط حوض استحمام و اسفنجه و اجهز ماي حرارته 37 عندج ترمومتر يقيس الحرارة اول شي افصخ الياهل و الفه يعني اقمطه و اهو مفصخ عشان ما يستبرد و احضنه و راسه صوب الحوض و اغسل شعره بشامبو سيباميد و اصب الماي من اليبهه لي الرقبه يعني ما يحوش و يهه و بعد ما انشف راسه اليف جسمه باسفنجه طبيعيه حاطه فيها جونسون اويل و شور جل و احد يصب الماي و اشطف جسمه و بعدها بسرعه الفه بالفوطه و ادهنه بكريك جونسون او سيباميد و البسه الموضوع ما ياخذ دقايق و بعدها ينام نومه طويله بس لما ايي افركه اكون حاطه بلاستر واقي للسره و انا من النوع ما ادهن اليهال زيوت ما احب اخنقه بالريحه يا حلو جونسون اويل و اللوشن القشور بروحها اتطيح

أنا اللي أعرفه أنا البيبي لازم يتسبح كل يوم أنا كنت أستخدم الإسفنجة أخليه ينام عليها وأبدا أسبحه بماي دافي و صابون الأطفال تراه ما فيها شي سهل وايد

ابشرج حبيبتي

سبحت ولدي بروحي مع الخدامه

نومته على بطنه يعني ايدي وحده تحت صدره وايدي الثانيه ماسكه ريوله من تحت والخدامه تغسل جسمه وراسه بسرعه ولفيناه بالفوطه وطلعناه

ترى السالفه سهله بس احنا نخاف لانه اول بيبي