|
|
السلام عليكم,,,
انا متزوجه بكمل الثلاث سنين قريب انشالله ومثلكم الله ما كتبلي اني احمل ويصير عندي عيال مع ان ماكو سبب طبي يمنع الحمل عندنا (الله يرزقني ويرزكم انشالله)
مشكلتي التفكير وضيقه الخلق لي قعدت افكر ان فلانه وفلانه صار عندهم اثنين وثلاثه وهذا انا لين الحين ما حملت اتعب واااااااايد ودمع عيوني ويصير كل شي عندي اسود ومالي خلق شي وكل شي ماله طعم عندي
بس بالفتره الاخيره كل ما يتني هذي الافكار اقول حق روحي ان انا عندي وايد اشياء تونس ولازم احمد ربي عليها مقارنة بسبب واحد يضيق الخلق مثل الصحه والعافيه والحمدلله ريلي واايد زين واحبه ويحبني وانا عندي اهل يحبوني ويحاتوني على طول واطلع متى ما ابي وانام متى ما ابي وجسمي زين ودايما اقول حق روحي خل استانس هالفتره ونعيش مثل المعاريس قبل ما يصير عندنا ياهل لاني انا واثقه ان ربي راح يعوضني خير انشالله
هذي الافكار شوي تريحني وتصبرني
وانتوا شنو الاشياء الي تصبركم على الابتلاء هذا الي انشالله ماجورين عليه؟؟؟؟؟؟؟؟؟؟؟؟؟
ربي لاتذرني فردا وانت خير الوارثين…
و استغفري
و دايما شغلي نفسج.
و الله يرزقج و يفرح قلبج
ريلي الله يخليه لي انشالله اهو اللي مهون علي هالسالفه ولاعمره حسسني ان التأخير شي يضيق خلقه او حتى ان وله عالضنى..
دايما يقولي عادي تو الناس واللي الله كاتبه بيصير هذا غير ان يقول للناس ان اهو اللي مايبي اعيال الحين
غيري صج الله رزقهم بالضنى بس يمكن مارزقهم بقلب مثل قلب ريلي كفايه اني احبه ويحبني وهذا عندي بالدنيا كلها
انا بيصير لي شهر 10 هذا سنتين متزوجه وانشالله ما ايي هالشهر الا وربي امعوض صبري واكون حامل وأفرح قلب ريلي
وعسى الله يرزقنا كلنا بالذريه الصالحه قريب انشالله