|
|
مرحبا بنات..
حبيت استشيركم في شي و اتمنى تفيدوني…..
انا ولدي قريب يصير عمره تسع سنوات الله يخليه و يحفظه و طول هالسنوات انا وزوجي نستخدم العزل يعني لا حبوب و لا لولب و لا شيء , حملي بولدي كان سريع سريع اصلا ما مداني افكر في موضوع الحمل على طول في شهر العسل يعني ما مر شهر من الزواج الا و عرفت اني حامل يعني ما كانت في ايه مشكله لا عندي و لا عند زوجي
المهم حملي كان متعب جدا و طول الحمل ترجيع و غثيان و بس راميه نفسي على السرير طول التسعه اشهر و الم الطلق كان درجته عاليه جدا حتى الممرضات قالوا الي ماما و زوجي عني اني صبوره لانه الالم الي جاني في الطلق درجته غير محتمله المهم تعقدت و قررت اني ما اجيب الا ولد واحد بس و زوجي عادي ما كان عنده مانع و بالعكس شجعني لانه فكرته مو في العدد و لكن في الكيف و ان احنا نركز على تربية ولدنا و نعطيه اهتمام كامل و خصوصا اني كنت لسه صغيره في بداية العشرين , لا تفكرون ان ما نحب الاطفال انا و زوجي نموت في الاطفال اصلا اطفال العائله دايما عندنا من كثر ما نحبهم حتى الي عمرهم شهور يخلوهم عندنا
المهم لما ولدي كبر شوي جتني فرصه اني اكمل دراسه في الخارج و طبعا ما كنت متفرغه للتفكير في الحمل و الولاده لغه و د جامعه و بعده الحين ماستر
ادري طولت عليكم من سنتين قررت اني اجيب طفل ثاني اخو او اخت لولدي حنيت و غيرت رايي و خصوصا و انا اشوف ولدي يكبر و ما شاء الله عليه حنون و يحب الاطفال و دائما يسال و يقول انه يبغى اخوا او اخت و احيانا يبكي و تكلمت مع زوجي و طلعنا بنتيجة انه الاولاد يستاهلوا التعب و اذا بجيب بيبي ثاني زي ولدنا و الله الم و تعب العالم يهون مقابل حضنه او ضحكه منهم فقررنا ان نجيب طفل ثاني هههههه تو الناس
كنا نعتقد ان الموضوع سهل لان حملي بولدي كان اسهل منه ما فيه ,و لكن حاولنا لمدة شهرين و ما كان فيه نتيجه هذا الكلام من سنتين و بعدين انا كنت لاهيه في الدراسه و كان وقتها قربت الامتحانات فغيرت رايي ببساطه و قلت مو وقته
لكم من قبل ثلاثه شهور و انا و زوجي قمنا نحاول مره ثانيه و لكن ما فيه نتيجه
و من كثر مو متحمسه اني احمل صرت اتمنى توام و خصوصا ان زوجي ثلاثه توام مع بعض و بيت عمي كلهم نوأم ما شاء الله اربع توأم و انا عندي اثنين من اولاد خالي و ثنتين من بنات خالي ما شاء الله عندهم توام و يقولوا ان جدتي ام امي حملت مرتين بتوأم بس سقطت فيهم فقمت ابحث في المنتديات عن الطرق الطبيعيه للحمل بتوام و من شهر او اكثر تقريبا صرت اخذ الفوليك اسد و فيتيكس و اليام البري و فيتامين بي لاني قريب انهم يساعدوا على الحمل بتوام و اتمنيت اني اخذ الكلوميد لانه واجد من الي يأخدوه يحملوا بتوأم بس خفت لانه كنت اقول اني ما عندي مشاكل فكنت اقول خلني اخذ الاشياء الطلبيعيه اذا ما فادت ما ضرت و بعدين اهني مستحيل بيعطوني كلوميد بس جذيه بدون سبب بس لاني ابغى
و من كثر ما صرت ابحث عن الكلوميد و اهني يا بنات خفت ان تكون عندي مشكله و ما كنت افكر فيها ابدا و خصوصا انه صار لنا 3 شهور محولات و لا فيه فايده
قريت انه الي ياخذوا كلوميد معضمهم عندهم مشاكل تكيس المبايض او ارتفاع هرمون الحليب او مشاكل في التبويض , وصرت اقرأ عن علامات المشاكل هذي و من ضمن الاشياء انه يطلع شعر زايد في الجسم او الوجه فا انتبهت الي شي ان انا صار لي زياده في الشعر و لكن بسيطه يعني مو مره واجد يعني كم شعره سميكه في الذقن و فوق الشفه و صار يطلع داخل الجلد بع دمع زياه في الوبر الشعر الخفيف في جوانب الوجه و الذقن و فوق الشفه و صار لي كم سنه اعالج بالليزر و الشعر خف لكن مو راضي يروح مرات اقول لاني مو ملتزمه اروح شهرين و اقطع شهرين لكن صار لي يمكن 3 سنوات على الليزر و ما اختفى و بعده تطلع لي كم شعره سماك
دورتي منتظمه الحمد لله ما فيه و لا شهر ما جت يعني تتقدم او تتأخر بحدود اليومين بس عمره ما طول اكثر و هذي تعتبر منتظمه
ادري قصت عليكم قصت حياتي بس بنات تتوقعوا ان عندي مشكله و هل في احد مثلي و طلع عنده مشكله في الهرمونات او المبايض او او و هل لو عندي مشكله من هذي المشاكل يعطوني كلوميد او ابر تفجيريه ؟
طمنوني لاني ميته ابغى احمل
و تسلموا
و لما اسوي رجيم بالموت بنزل وزني يعني العام الماضي مثلا اخذت تسع شهور علشان انزل 12 كيلوا مع ان الناس الطبيعيين ينزلوهم في ثلاثه او اربعه شهور و بالراحه و بدون ضغط بعد و انا كنت اقتل نفسي رجيم و رياضه و مشي و احيانا كان يمر شهر او شهر و نص و الون ثابت ما يتحرك
انا مو سمينه مره بس وزني يعتبر مرتفع الان في نهاية الستينات و الطبيعي يكون 53-57 و علشان احافظ عليه لازم اكون في رجيم دائم و لا عادي يرتفع
هل هذا يدل على ان عندي مشكله ؟
ما ادري حبيت اضيف هالنقطه ممكن وحده منكم بنات مرت بنفس الشيء و تقدر يفيدني
يني و لا وحده صار لها مثلي مو معقوله , على الاقل رفعوا الموضع
واخت زوجى ضلت 8سنوات او تسع بعد ماجابت ولدين وضلت تاخد كلوميد واديوه كتير وحقن تفجيريه
وما صلحت معها حكيتلها عن الخلطه الطبيعيه هاى وكلمتلها صديقت وجابتلها وماكملت الشهر وحملت والله عطاها ولد وبنت عقبالك
جربي ماراح تخسري
الله معك
والكلوميد مو اي احد يقدر ياخذه
انا تقريبا مثل قصتج حملت طبيعي وما خذيت موانع للحمل
ومن بعدها ما صار عندي أطفال. السبب ضعف عند زوجي
الله يرزقني أخو ولا أخت. البنتي. وانتي الله يرزقج أخ أو أخت. الابنج
تسوين سونار للرحم وتتاكدين
خااصة انج فتره طويله ماحملتي يعني لازم دكتوره مختصه وتابعي التبويض
والله يرزقج بتوأم بصحة وعااافيه حق ولدج
ان شاء راح اروح هاليومين و ان شاء الله خير
بس ليش لازم اروح يوم الثاني الدوره ؟ و ايش تنصحوني اسوي اول تحليل دم علشان يشوفوا اذا فيه مشكله في الهرمونات و لا اسوي فحوصات التكيس او الغده او التبويض ؟
و اسمحولي على اسألتي لاني لسه اقرأ عن هالمشاكل الي تأخر الحمل و بصراحه ما اعرف عن لا الغده و لا الهرموات و لا مشاكل التبويض اي شي ….و ما قد حصلت الي اي احد من صحباتي او قريباتي ..
وتسلموا
والدكتوراه بعد الفحص بتقول لج عن التحاليل
والله يرزقج
|
المشاركة الأصلية كتبت بواسطة ayat cute
 تسلموا حبيباتي ما قصرتوا و الله ..
ان شاء راح اروح هاليومين و ان شاء الله خير بس ليش لازم اروح يوم الثاني الدوره ؟ و ايش تنصحوني اسوي اول تحليل دم علشان يشوفوا اذا فيه مشكله في الهرمونات و لا اسوي فحوصات التكيس او الغده او التبويض ؟ و اسمحولي على اسألتي لاني لسه اقرأ عن هالمشاكل الي تأخر الحمل و بصراحه ما اعرف عن لا الغده و لا الهرموات و لا مشاكل التبويض اي شي ….و ما قد حصلت الي اي احد من صحباتي او قريباتي .. وتسلموا |
في هرمونات ماتبين نتيجتها الا من ثاني يوم الدورة مع ان اغلبهم عادي لكن سوي سحب دم واحد حق كل هالتحاليل بدال لاتسوين اكثر من مرة باكثر من وقت والتحاليل بتكون للهرمونات والغدة والاجسام المضادة وغيره..
وبعد الدورة تسوين سونار داخلي لان مو زين بالدورة.. ويفضل يوم 14 من الدورة تسوينه علشان تتأكد من الرحم والتكيسات والتبويض والوضع كله.. وبس
الله يرزقج يااارب