سالفه في مسلسل ام البنات ابي رايكم فيها

اشلونكم يا حلوات
طبعا احترت وين احط الموضوع بالمناقشات الجاده او الزوجيه بس شفت ان الزوجيه انسب شي وابي اراء الكل
في مشهد بمسلسل ام البنات شدني وحبيت اعرف رايكم فيه يوم خطبوا ردينه حق صقر وبالسياره كانت ردينه قاعده مع امها وابوها وطبعا مثل ماشفتوا كان الابو حيل مدلع باسمه حماده مسويها يادهينه لا تنكتين
فقال الابو حق ردينه يا بنيتي خليج قنوعه معاه لا تتطلبين وكله طلبي القليل وسمعي كلامه وكل ما يقول لج قولي حاظر جان تنط باسمه حماده لا يا بنيتي ماعليج من ابوج طلبي وتطلبي ولا تخلين شي بخاطرج وطلبي الغالي عيل شمهنته لازم يدللج ويونسج

سؤال بصراحه انتوا مع منو ؟
وهل تشوفون ان اذا كان الزوج مقتدر والله منعم عليه ان الزوجه تتطلب وتخليه يصرف عليها بزياده وتحط شروطها وتقوله اشترلي وسفرني واصرف
مو شرط المقتدر حتى لو كان طرق المعاش سواء كان معاشه قوي او ضعيف
مادري شرايكم
بس انا اشوف الي تتطلب وتتامر واصرف واشترلي وسفرني اهي الي يقوم حظها عند الريل حتى لو كان على قد حاله يعني ابو ردينه كان على قد حاله ومدلل باسمه حماده بالمسلسل مو مخلي شي بخاطرها
وفي نماذج حقيقيه اعرف رياييل طرق المعاش حريمهم عودوهم ان يصرفون عليهم ويدللونهم والمره تستمتع بمعاشها او تخشه
مادري اشرايكم خصوصا الي عندها بنات اي نصيحه راح تنصحها في المستقبل نصيحه الابو ولا نصيحه باسمه حماده ؟

رايكم يهمني

ممممممم حلو الوحده تكون قنوعه تبين شايفه خير .. بس اذا اهو مطنشها ورافع الجام تتطلب احسن لووووول

مع باسمه تدرين ليش
لان اذا عودتي زوجج على انج تقولين حاضر
لا راح تستانسين ولا تسافرين ولا تشترين اللي بخاطرج وتبقين محرمه من بيت ابوج لي بيت زوجج
انا عندي بيت الزوجيه مكان لتحقيق الاحلام لان عندي شخص واحد بس ابي اقنعه باللي ابيه مو مثل بيت الابو امج وابوج واخوانج يالله تقنعينهم

بس شوفي حبيبتي كل شي باعتدال حلو
يعني اطلبي وتدللي لكن مو باسراف او بضغط
من حقج تسافرين وتطلعين وتستانسين وتشترين لكن مو كل شهر كاسره ظهره بشغله ولا بسياره فوق 24 الف
هم لازم البنت تكون ذكيه وتشيل لبيت عمرها وتضمن حياته المستقلبيه

لكن مستحيل اخليه يفر راسي اننا ما نسافر ويروح حضرته يسافر مع ربعه
او يشتري لنفسه شغلات زينه وعلى يقصر

المره اذا قالت حاضرر على كل شي باجر راح تصير مضهده وحتي احلامها وامالها راح تتخلى عنهم ويمكن بعد تقول للغلط حاضر

والله انا بعد شايفه اللى حولى نفس ماقلتى المتطلبه واللى تقول ابى ابى ابى يدارى خاطرها

والمسكينه اللى مومتطلبه على طووووووووووول اما يصرف فلوسه على بنات بليس

او يحصله بيزتين ويتزوج

في حريم يطلبون بغض النظر عن ظروف زوجها ,, و حتى لو الوحده عندها حلال حلو ان تشوف ريلها يدلعها

كل وحده وضميرهآ
في بنات يمصخونها بالطلبات

بس تدرون احسن الريال اتوقع يحب البنت اللي تطلب

وتتدلع عليه ( بخربكم ) *-*

طبعا انا مع باسمه لان الرياييل مثل ما تعودينهم ..

واذا تعود عليج معتمده على نفسج وشايله نفسج انسي تحصلين منه شي : )

انا اقول على حسب قدرة زوجها

وبعدين ابوها لو امها مو لاحسه جيبه جان متزوج من زمان لووووووووووووول

بس اذا ماصرف عليها صرف سنع وحط فلوسه بالبنك؟ وين ناوي يوديهم؟؟ سفر مع ربعه والا بنات ابليس

على قولة امي الحس جيب ابوج عشان اذا يبي يتزوج مايلقى الاالحديده هههههههههههههههههههههههه < طبعا ضحك موصج

وحده حلو موضوعج

حياكم واشكركم على اراءكم انا الصراحه مع باسمه حماده اهي الصح لان الي تعود زوجها انه مايصرف يدوس على راسها ويتكل كل شي عليها
وانتظر باجي الاراء نورتوا

والله شقوولج طول عمرنا متعلمين عند اهلنا ان ابونا مايخلى علينا قاصر ويوم رحنا حق الريل قلنا ماعليه مسكين وعلى قده وبدايه حياته و و و و وخل نتعاون لما الريال على باله ان انتى الريال اللى تصرفين وكل شى عليج ومااايبى يخسر عليج حتى ديينار اقول شنو فادتنا القناعه استغفر الله عيال الوقت هذا يبيلهم انج تتشرطين وتتامرين والا على باله انج مو لازم تصرفين اسنغفر الله الواحد ماقام يعرف وين الحق ووين الباطل انا ما اقول ننشف دمه بس هم بنفس الوقت المفرروووض الريال نمه ومن نفسه ما يخلى قاصر على مرته يعطيها ويوسع عليها .. لو كان الريال بالمواااصفات هذه اى اكيد انا اقول ان القناعه وياه حلوه وما اضغط عليه الله يكون بالعون ويهدى ريااايلنا ويرزقنا الخير ..

صاجه حبوبه مادري شاستفدنا من قناعتنا
انا الصراحه غلطت اني ما اشترطت سكن مستقل وامي الله يهديها ويسامحها انصحتني خليج قنوعه ولا تتشرطين وارضى تسكنين عند اهله وابوي الله يرحمه وخواتي قالوا لا خل تطلب سكن مستقل وطعت امي قلت خل احسن النيه باجر الله يوفقني
ماردي كليتها لا توفقت ولاهم يحزنون طلع كلام ابوي الله يرحمه وخواتي اهو الصح حتى امي ندمت على نصيحتها وقالت ياريتنا من اول طلبنا سكن مستقل بس ما تتعظ
الحين اختي الصغيره كل ماتقدم لها واحد اشترطت سكن مستقل وامي حظرتها تقول لها لاتتشرطين وسكني مع الحموله بس اختي ما بذنها ماي ردت على امي سكن مستقل ولا بالطقاق هذا اهم شرط لانها تعقدت من الي صار لي وانا هم قلت لامي خليها تطلب سكن مستقل من حقها لا تغلط غلطتي

اصلا اهو من نفسه لي شآفها قنوعة بيدللها من غير لا تطلب : )

انا مع باسمه حماده اذا تعود عالشي العادي يوم تطلبين الغالي جنه احد معطيه طراااق لوووول

بس بحدود

حلات الريال يدلع ويدفع بدون لا تقوله الزوجه هالشى
اساسا يطلع احلى
وصدقينى لو انتى ماتطلبين شى بتلقينه اهوه يعطيج الى كنتى بتطلبينه
وبالتوفيق للجميع

انا مع بااسمة ,,,لانه الرياييل ما ينعطوون ويه ,,, اذا عودتيه انج اتكونين قنووعة و ما تطلبين منه وااايد رااح يصير بخيل مع الايااام و اذا طلبتي منه فلس تحت اي من الظروووف بينشف ريجج ,, كل شوي يقول ليش تبين هالشي ؟؟ و معاشج وينه ؟ و ين تصرفينه ؟؟,,,,و مصيرة هالفلوووس اللي انتي مو قاعدة تطلبينها انه تنخش عندده و يصرفهااا حسب ميووله لكنها ما راح تنقط لا عليج و لا عالبيت ,,,و صج الزوجة المتطلبة تلقووون ريلها يموووت فيها و يعبدهاا و ما يقدر على زعلها و اذا صار بينهم طلااااق تلقونها تااخذ حقها كاااامل مكمل ,,,,
بس المرة القنووعة اللي ما تطلب تلقووونها متلعوزة في عيشتها و شايفة الويل من ريلها ,,,و الريااال يكوون عااايش باشا,,,و يمكن يكون متزوج عليها و لا عاااشق وحدة ثانية عليها ,,,,,و هم اذا صااار بينهم طلاااق تلقوون المرة تتمرمط و ادوووخ السبع دوخات عشااان اتحصل فلسسسس ,,,