سالفتي مع رشا شيك تعالو

قوه باحلى كويتيات …
.
.
.
.
.
.

الله يسلمكم انا كنت عروس بس انفصلت قبل عرسي باسبوع والحمد لله ربي كشف كل شي قبل العرس
المهم مو هذا موضوعنا انا بنات دافعه حق رشا 200 دينار حق بدلتي ويوم قتلها انه خلاص مافي نصيب والمشكله عقبها دخلت المسشتفى وقتلها اللي صار جان تقول شنو المطلوب قتلها العربون شلون حرام 200 دينار تروح عالفاضي جان تقولي لا حبيبتي خلاص راحت عليج قتلها انزين على الاقل اسوي بالصالون اي شي جان تقول لاء الصالون فاتوره بروح والبدله بروح يعني شنو الحل جان تقول الله يعوضج

والصالون بعد كنت دافعه عربون 50 دينار امبيه والله قهرتني يعني 200 صار حلال عليهم من غير ما اسوي اي شي والله انقهرت وان شاءالله ماتتهنى بالفلوس هذي انسانه تموت على الفلس تقولي مشكلتج شنو مشكلتي انا كنت ادري باللي راح يصير وتوبه ماراح اقرب يم صالونها حسبي الله ونعم الوكيل
بنات اللي تبي تدفع عربون لا تدفع وايد اقل شي 20 واذا قالتج مايصير كيفها مشكلتها ماتدرون شنو راح يصير بس الله كريم الفلوس تروح وترد وربي يحاسبها

ادري حبيبتي هالشي مضايقج ومعروف ان العربون ماينرد سوا صالون او مشغل او مطعم او مصوره كلهم يقولون مانرجع العربون هالشي معروف حياتي الغلطه غلطتج انتي انج دفعتي وايد واعتبري هالتجربه درس لج والله يعوضج خير

تصدقين الكل ردلي العربون حتى المصوره والفندق استغربت بس ربج كريم والحمد لله

بسم الله الرحمن الرحيم

قلتيها عربون ودايما اصحاب المحلات يحطون قانون العربون الذي يدفع لا يرد لا يستبدل صدقيني صج حرام 200 دينار بس قلتيها

عربون شنو تسوين حاولي تسوين مقايضه تستفيدين منها بشي ثاني وروحي الصالون سوي شي بال50 وهدديها لوول انج تحطين

سالفتج عنها بالمنتدى وتتقولين حق البنات وان سمعتها بتخترب جربي !!!

بس مادري شقول هل الحق معاها ام معاج ماقدر اتكلم الله يعوضج يارب ويوفقج

انا بنت خالتي دافعه عربون عند عواطف الحاي وكنسلت قالتلها عواطف لج بهال50 لمدة سنه ان احتجتي نفنوف ثاني حلو طريقتها

الله يعوضج انشالله

و اعتبريها دفعت بلا عنج

يسلمو على المرور حبايبي اكليل الحب انا قتلها اقدر اسوي شي بال 200 قالتلي لاء وحاولنا بس من غير فايده
وعلى قولتت اختي هيونه المزيونه دفعت بلا

عيل تدرين روحي مشغلها واختاريلج بدله ثانيه بقيمة 200 دينار وقوليلها غيرت رايي واذا قالت لا قوليلها من حقي اغير رايي والا بشتكي
صج 200 مو شويه اتييب بدله حلوه وناعمه حتى لو اتزيدين 50 دينار عشان اتصك حلجها ولا اتروح عليج فلوسج

الله يعوضج و يجازي الطماعة اللي ما تخاف الله !

انا رفيجتي نفس سالفتج العام صارت كانت دافعه حقها بس ما اذكر جم بس كان مبلغ و قدره و ماردتلها ولا فلس و الصالون كانت دافعه 100 يوم راحت تسوي شي جان يقولون لها لا مر عليه اكثر من شهر مادري شنو خربطو فوق راسها !! يعني نصب بنصب !!

و بقولكم سالفة عرس بنت خالتي … كانت حاجزة فندق ريجنسي حق عرسها و صالون كونتيننتال … بس قبل العرس باسبوعين توفى يدي الله يرحمه بحادث …. الفندق ما قصروا ردو العربون بس خذو منه 50 دينار و كانو دافعين 2000 دينار ! … و الصالون بعد ما قصروا معاها قالولها تعالي بأي وقت سوي اللي تبينه من اعمال الصالون … و الأغلبية ردولها فلوسها .. هذي الناس اللي تخاف الله و تطلب الحلال مو نفس الطماعه اللي ابتلشتي فيها

يسلمو على المرور روح مغليها شدعوه ماقلنا على الاقل نفنوف ناعم ونزيده بس نسوي شي قالت العربون مايرد ولا يستبدل امصيبه مامنها فاايده

^
^
^
^
انا مع الاخت روح مغليهم صح كلامها مواهي عندها فساتين سهرة اخذي من عندهم ولا تروح عليج ال200 حرااام معوضة يا قلبي الله ان شاء الله يرزقج بالزوج الصالح الي يسعدج و يهنيج

انا عندي لج فكره اتفقي مع وحده بتروح الصالون وبعربونج تكمل الباقي وتدفع لك عربونك وايد أحسن من لا تروح عليكي او وحده تبي تشتري بدله منهم تاخذ من عربونك وتكمل الباقي والله يبدلك خير يارب

اشتكي بحمايه المستهلك يبهذلونها قولي مابي الفلوس ابي ابدل باي شي مو من حقها تاخذهم وبس اوكي ماتردهم بس تبدل بشي ثاني
حمايه المستهلك محامي من غير اتعاب للمستهلك منتي خسرانه شي
وتر المنتدى انترس مشاكل مع هالرشا شيك الله يبعدنا عندها قطع مشكلجيه وتوهق الناس

الله يعووووضج ودفعة بلااا … بس معروف إنه ماينرد أنا مره بغيت افصل دراعه وحطيت عربون 20 والدراعه ب 45 وماسويتها ولاردته

جان فصلتي بالعربوووون فستااان سهرة عادي لعرس أي أحد بس مايروووح جذيه …

تصدقون حتى ابوي كلم رشا نفسها وحاول بس ماكو فايده

والمشكله انه تاريخ العربون مسجل بالفاتوره يعني ماكو فايده فيهم

لاتسكتين عن حقج يمه منها رشا وايد اسمع واقرا ناس يذمون تعاملها مع الزباين اهي جذي اتخرب سمعتها والكويت صغيره
بس قلعتها ليش جذي الطمع انا اقول سوي نفس ماقالت روح مغليها ولو كلش مارضت دقي على حماية المستهلك حرام اخذيلج نفنوف بهالميتين