|
|
السلام عليكم
انا الحين توني داشة بالثامن ..و قبل يومين كان يجيني عوار خفيف نفس الدورة تقريبا …فرحت للمستشفى و قالت لي الدكتورة لازم فحص ..عاد انا اموووت ما اداني الفحص الداخلي …
المهم ..يوم شافتني قالت عندج الرحم مفتوح 2 سانتي و انا توني مخلصة السابع ؟؟
فقالت لي الدكتورة لازم تترقدين عندنا بالمستشفى و نراقب الحالة يا اما نوقف التقلصات او نعطيج تحريض … من صجها هاذي ؟؟
عاد انا كنت جاية ابروحي قلت لها خليني ابروح البيت اودي بنتي و ارد عندكم …فوقعتني على التزام و مدري شنو …و طلعت مريت الجمعية و شريت اغراض حق البيت ( متفرغة حددددي )
الموهم يوم جيت سويت عشا ..و قعدت اتعشى و لا بعد عوار مستمر وياي ..بس مو حيل يعني شي خفيف …فزوجي اصر علي قال لي خلاص اوديج المستشفى …
يوم رحت بالليل فحصتني دكتورة ثانية ( حق اشلفت الي بالليل ) قالت لي الرحم مفتوح 2 و نص و في استعداد للولادة 
يمممممة اشلون اولد بالثامن …؟؟ عاد انا كنت اراجع عند العرف و قال لي احسن لج تولدين بالسابع ..لان كل شوي ضغطي يرتفع ..
فذخلوني للمستشفى و عطوني ابرتين مدري حق شنو ؟ و حطوا لي لزقة بعد على بطني ..و ركبوا لهم كذا واير
و قعدت يومين بالمستشفى بس بعدين صار فيني تنميل و ذوووخة مو طبيعية ..و احس جسمي كللله مورم …
فما ادري اذا في حالات نفسي و لا لااااا…؟؟
و هم بعد احب اعتذر للبنات الي اخرت طلباتهم ها اليومين ..و الله الظروف ما سمحت بس ان شاء الله رح توصلكم اغراضكم خلال ها اليومين الجاية …
و ان شاء الله ابروح اراجع بعد بكرة و اشوف ….
منو والدة بالثامن اتفيدنا ؟؟
امبلا حبيبتي عطوني ابرتين بس ما ادري حق شنو ..يمكن هم ملوت الطلق ؟؟
نفس طريقتج بالضبط .. بس اهي طاح عليها الماي . وقعدوها بالمستشفى تحت الملاحظه
وعطوها ابرتين يقولون عشان لو ولدت البيبي تكون الرئه مكتمله ( اعتقد نفس الابر اللي عطوج )
بعدين الماي خلص و قالت لها الدكتوره لازم ولاده .
و سوت عمليه قيصريه وطلعوا البيبي
الحمد الله الحين اختي ما عليها طيبه
بس البيبي في الحضانه . ان شاء الله يطلعونه اليوم او باجر …
سلامتج يا قلبي ما تشوووفين شر ..
انا باخر ولادتي جاني ضغط وبعدين جانتني جلطه وكانت ايام لا يعود
لما قعدت من الغيبوبه لقيت زوجي قدامي ومو حلق لحيته لدرجه اني ماعرفت
الحمدالله وشكره ان كانت الغيبوبه بس كانت بس شهرين
والدكاتر مانعين من الحمل اقل شئ 5 سنوات مرت بس سنتين وحملت باللولب
ومن يوم ماحملت ابكي ليل ونهار اخاف اموت بولادتي
وقصتي يعرفونها رياجيل وحريم
ديري بالكج من الضغط ياام خالد والله يشفيكج ويهون عليكج وكل اجر يحاسب لكج
حبيبتي لو رايحه واسطه جان عطوج دوا يهدي الطلق وردوج البيت
انا كنت جذي و ردوني البيت بعد اسبوع اقامة عندهم للتشييك
والابرتين هذول لرئة البيبي…علشان اذا طلع قبل اوانه
عموما طبيعي بعض الحوامل الرحم ينفتح من 1 الى 2 سم استعداد للولادة بالتاسع وانا كنت منهم
واعرف وااايد بعد
بس عسى الله يتمم عليج ومافي الا العافية حتى لو ولدتي بالثامن
وطمنينا عليج
المهم ان شاء الله مع الراحه التامه والنوم على ظهرج تقدرين تكملين الثامن عالأقل والله يسهل عليج يارب
رفيجتي توها والده بالثامن والحمدلله صحتها زينه بس بنتها بالحاضنه وان شاء الله هاليومين بيطلعونها وترى عادي السهالات تجي من ربج
2.5 مو شوي معناها ولاده مبكرة
والابريتين الي عطوج اياهم يهدون الرحم علشان مايفتح زياده
ويشوفون عقب اذا تم على وضعه خير وبركه
بس اذا فتح أكثر .. لازم تولدين
والحين كل شي تطور والولاده المبكره صارت سهله حمدالله
الله يطمن قلبج وان شاءالله مافيج الا العافية
انا بنت عمتي صار لها اسبوع بالصباح مدخلينها , لا اهي نزل عليها الماي, اهي باخر السابع عطوها ابرتين حق رئة البيبي , و ان شاء الله بس تدخل الثامن بولدونها
ان شاء الله تكملين الثامن بس انت ريحي و كل شي لاحقه عليه
لحين انا رحت راجعت بعد مرة ثانية و قال لي الدكتور اني خلاص صرت زينة و ممكن اكمل الحمل …
وسويت بعد سونار كل شي طبيعي الحمد لله …
و الله يسهلها على كل حامل و يرزق كل محرومة ان شاء الله
|
المشاركة الأصلية كتبت بواسطة خبيرة اعشاب
 و الله يسهلها على كل حامل و يرزق كل محرومة ان شاء الله |
آمين يارب