|
|
السلام عليكم ورحمة الله وبركاته
كل عام وانتم بالف خير وان شاءالله ربي يبارك لنا في شعبان ويبلغنا رمضان جميعا
ماابي اطول عليكم بدخل في موضوعي علئ طول
انا قصتي قصه من بعد ماولدت بنتي
حبيباتي بس بوضح لكم شغله قبل اقول مشكلتي انا مرافقه مع زوجي بكندا صار لي تقريبا سنه ونص وحملت وولدت بنتي بكندا الزبده ياحبيباتي طبعا لما ولدت بنتي جلست شهرين بكندا لا ام ولا اخت جنبي كنت اكره شي اسمه ليل لما ينام زوجي وبنتي اجلس لحالي وابكي وبنتي كانت مو هاديه تبكي كثير يعني بصراحه جلست شهرين ماتنفست زين والله يمر يوم كامل مااكل فيه الا تمرتين المهم حبيباتي مو ذي القضيه هذا بس توضيح طبعا بعد شهرين رجعت لاهلي وجلست شهرين والحين لي اسبوع بكندا المهم الحين بدخل بمشكلتي وهي اني مره من المرات كنت نايمه وصحيت الظهر عشان ارضع بنتي وعشان اتسبح واصلي الظهر لاني كنت علئ جنابه اول ماصحيت وانا احس شي خانقني برقبتي كان روحي بتطلع وانا اركض واصحي زوجي من النوم وابكي اقول له في شي خانقني المهم حبيباتي قلت خلاص شكله ملك الموت وان اركض اتسبح قلت ماابي اموت على جنابه وصليت الظهر وجلست اقرا على نفسي وحسيت انه خف وبعدها حسيت بصداع وانا انام ماحسيت بنفسي ولما صحيت ماكنت مصدقه اني حيه المهم بعدها بفتره رجعت لي نفس الحاله الفجر وانا اكلم اختي واجلس ابكي واقول لها الي فيني وقامت تهدي فيني وجلست اقرا المعوذات واخذشوي وراح المهم انا لي اسبوع بكندا وامس وانا جالسه ارضع بنتي وهي تجيني الحاله وانا اعطيها لزوجي واطلع بالبلكونه ابي هوا واجلس ابكي بقوه واتذكر بنتي واتخيل اني بموت واتركها وانا امسك يد زوجي واجلس ابكي واقول له شكلي بموت واتخيل امي لماتسمع بالخبر وش راح يصير فيها المهم مر علي يوم مايعلم فيه الا الله وانا اروح اتوضا واصلي ركعتين واجلس استغفر واقرا على نفسي واخذ شوي وراح
وتخيلوا الحين كلما يجي الليل واتذكر الي صار لي واخاف يرجع لي اجلس ابكي بقووووه يعني فوق الغربه شوفي وش يصير لي
حبيباتي اسفه طولت بالكلام بس مالي بعد الله غيركم والله حتى ماحاولت اقول لخواتي اخاف اشغلهم تكفووووووون حبيباتي الي صار لها نفسي او تعرف احد صار له تقولي ابي رتاح واعرف وش اللي فيني
علما بانني ولله الحمد محافظه على الصلاه والاذكار
انا بانتظاركم تكفوووون لاتتركوني
والله يشافيج يااااارب
وسوي فحص للفيتاميات خصوصا فيتامين بي 12 لان انا نزل عندي هالفيتامين وايد سبب لي خنقه بصدري وعوار
مادري يمكن انتي فيج جذي بس طمني نفسج
والا بذكر الله تطمئن القلوب
بس نصيحه سوي تحليل غده درقيه يمكن فيج خامله لان انا اذا تضايقت احس شي خانقني وابي هوا ماتدرين جيكي وطمنينا عليج وماتشوفين شر
ودايماً قولي
(بسم الله ذا الشأن عظيم البرهان شديد السلطان ما شاء الله كان اعوذ بالله من الشيطان )
سبحان الله هالكلمات هذي يحفظك فيها ربنا من الشيطان طول اليوم قوليها كل وقت زينه من بعد الله سبحانه والله يسعدج يارب
مثل الاكل اللي مو راضي يطلع ولا ينزل ؟؟
ويألم مرره وتحسين بضيقة ؟؟
اذا هذي اعراضك معناته انتي متضررة ياعين ياحسد يااذية شياطين
وخصوصا كنتي نايمة ع جنابه وتعرفين الطهارة تطرد الشياطين والعكس عدم الطهار يجلبهم
عموما توكلي على ربك
وحافظي ع طهارتك وابدي ارقي نفسك بنفسك وخلي مويتك مقري فيها
انتي اقرى بنفسك
وربي يفتح عليكـ ويشفيك يارب
ماقصروا البنات عليج بالرقيه الشرعيه
حبيبتي لا تنآمين على جنآبه كلش !
و على طول رقي نفسج و اقري على نفسج و بنتج و زوجج
و شغلي سورة البقره كل يوم بالبيت أو الشقه الي انتوآ فيها .،
بعدين لا تفكرين بالغربه وآيد ,، آهيه الغربه بروحهآ مرض استغفر الله :/
حآولي تعيشين آيآمج بالغربه بـ سعاده !
يعني فكري آنه ريلج بييله مستقبل حلوو و آنج لازم مآ تخلينه بروحه
و تسآندينه و جي !
و الهي من بنتج و تقربي من ربج .، و مثل مآ قلتلج
لا تنآمين على جنآبه كلش ! .,،
الله يفرج همج 
ما تشوفين شر يا قلبي
و النفاس ان شاء الله تعوضينه بالحمل الجاي اتنفسين عند اهلج احلى نفاس يا ربي
موفقة