ساعدووووني أبلااات

أبلات انا خريجة كلية العلوم الاجتماعيه قسم علم النفس
وقالو لي اني اقدر اتعين مدرسة روضه !
منو مثلي تخرجت من الكليه وصارت ابلة روضه وشنو الاجراءات اللازمه ! قالولي لازم واسطه ! متى اكلم الواسطه ..

ياليت تفيدوني واكون شاكره لكم

مشكووورين ابلات على المساعده
شدعوووه 10 يدخلووون ولا يردون

والله انا خريجه تربيه فمااعرف بس اكيد مو معقده الطريقة .. بس بسألج شتبين برياض الأطفال ؟؟ انتي اذا مقتنعه توكلي على الله ..
تمنياتي لج بالتوفيق..

مشكوووووره يا قلبي يا ليت تسألين لي وجزاج الله خير
انا حابه التدريس واقرب تخصص لنا رياض اطفال

فكري قبل ما تتدبسين في التدريس خاصة رياض الأطفال أنصحج تدرسين تربية حياتية او وطنية لنها تحصص جديد فيه امتيازات وترقيات عكس راض الأطفال تكرفين 16 أو17 عسى يوصلج الأشراف غير هذا انتي تخصصج مو تربوي تنطرين أكثر منا …… صلي صلاة ألاستخارة شوفي الي ترتاحين له …..

عيل انا انصحج بالروضة اذا حابة مجال التدريس بشرط تحبين اليهال وتتحملين صياحهم ولجتهم

مافي امتحانات والدوام اقصر وعطلتهم قبل باقي المراحل واليهال يغيبون ابجر

انا معلمة ابتدائي لكن دش عندنا النجاح والسقوط ونظام الكنترول

انتي استخيري وادعي ربج وسألي الناس اللي تعرفينهم بهالمجال والله يوفقج