ساعدوني يالنشميات حدي خايفه

مرحباااااااااااااااااااا بنات

بقولكم مشكلتي والله يستر بس

انا بنت ماتزوجت ومشكلتي في هالدوره مو منتظمه كلش
يعني الحين صار لها 3 شهور ولا بعد شهر 3 الشهر الرابع وهي مو راضيه تنزل
ماادري وش قصتها انا متعوده انها تتاخر علي بس مو توصل 3 شهور
لا بعد وازيدلكم من الشعر بيت برمضان اللي فات ماجتني وشهر 10 ماجتني 11 شرفت ست الحسن والجمال
بعدها الى يومك هذا ماشفتها
راحت للدكتوره وعطتني حبوب عشان تنزل واسوي تحليل ثاني يوم للدور قالت لي اسبوع وقفيها
انا اكلتهم بس 6 ايام يعني اليوم الاخير مااكلتها خلصووووا حبوبي وقلت كيفها يمكن عادي نفس مفعولها
الكل يهواشني يقولي كان شريتها من الصيدليه رااحت علي
قلت للصيدلي قالي مايسير ترجعي لها لانك وقفتي وانا خايييييييييييييييييييييييييييييييييفه ماادري وش اسوي
شربت قرفه وموراضي تنزل تكفوووووووووووووون طمنوني جتني حاله منها واذا فيه شي ثاني غير القرفه قولولي عشان استخدمها مع العلم انا استعمل حبوب الغده الدرقييه لي سنتين بس بالعاده تتتاخر شهرين وبعدها عادي

وربي خايييييييييييييييييييييييييييييييييييييييييييييفه: krkrkr:

اختي عادي انا نفسج اعالج من الغده صارلي سنتين يعني نفس حالتج
و مره ما جتني سنه كاااااااااااامله ورمضان بعد مر وماجتني وبعدين الحين صارلها 3 شهور منتظمه شوي لا تحاتين

الله ينزلها غصبن عنها ويستر عليج ادعي تالي الليل

ابله دلال ثانكس ريحتني وربي شايله همها ع بالي انا الوحيده اللي تتاخر علي هالمده هذي
بس بسئلج يعني دكتورتج قالت من الغده ولا شي ثاني اخرها سنه ؟؟؟الظاهر انها تبي تتاخر سنه كامله مثلج الله يعينا ويصبرنا
فطفط تسلميييييييييييين ياحياتي………………………..

حبيبتي عااااااااااااادي لاتخاف اصلا شي طبيعي الدورة مو منتظمه خاصة انج مو متزوجه عاااادي لاتخافين اصلا الوحده فينا بس اتزوج تنتظم الدورة معاها بدون علاج ولاشي وانت بنت لاتلعبين بنفسج بالحبوب خليها على ربج احسن وابرك والله ان كل خواتي وبنات عمي وانا بعد نفس الشي وكل وحده اعرفها بس ان شاء الله اتزوجين وتنتظم معااااااج شي طبيعي اضطراب الهرمونات قبل الزواج شغله نفسية لاتفكرين فيها راح تنزل بس اهم شي اهتمي بنفسج ودفيها عدل وكثري اعشاب وتحركي كثير

مافرقت هاليوم انتي اكلتيهن 6 ايام نفس الاسبوع مو مشكله هاليوم

بعدين اذا راجعتي عند طبيب الغده اسإليه عن الدورة وممكن تتأخر من الغدة

ومااااتشوفين شر يالغلا والله ينزلها عاجلا غير آجلا ياااارب

حبيبتي انا قبل لاتزوج كنت نفسج لين خذيت اعشاب من وحده نزلتها ونظمتها

حبيبتي انا كنت مثلج ورحت عند دكتوره هرمونات وغدد والحمدلله اللحين اخذ علاج منتظمه عليه وحيل طمنتني الدكتوره وبتابعها حتى اذا تزوجت انشالله
بس ديري بالج شي فيه حبوب للدوره والهرمونات لازم تنتظمين فيه بالوقت هالشي مهم
ماتشوفين شر انشالله

انتي مو متزوجه لاتلعبين بنفسج بس تزوجين اهي تنتظم بروحها

لان بنت خالتي نفسج و كانت تعالج تبيها تنزل و من قوة العلاج صار عندها ضعف بالرحم
ما عندها الا ولد و صعب تحمل .. الا بمشيئة الله سبحانه ..

حبيبتي مشكلتج بالهرمونات لازم تسوين تحاليل الهرمونات دامج مو متزوجة سويهم

تسلموووووووووووون حبايبي وربي ريحتوتي وطمنتوني الله يجزاكم الف خيييييير
وربي دايم اشرب شاي بالقرفه وماكوا فايده وبعدين مرات جيني الالم كانها تبي تنزل
ظهري على بطني بس ماااشوف شي….
اخره مره حللت للهرمونات قالي انه مرتفعه وقلت للدكتور الدوره مو منتظمه معاي قالي لانك ماستمريت على العلاج بنتظااام
وانا فعلا تركت الحبوب فتره وصار اللي صار بس من شهر 11 وانا منتظمه عليها………..
بس ربك يعين

اي الدكتوره قالتلي عااااااااااااادي لان الهرمونات متلخبطه
بس انتي لا تحاتين و انسيها و ان شاء الله تنزل

حبيبتي انا نفس حالتج بالضبط شربت مرقدوش بس مره والله مره ثاني يوم انزلت ومنها انتضمت

تسلمييييييييييييييييييييييين ابله دلال تعبتج معاي
نور الكويت ثانكس سمعت عن المرقدوش زين للهرمونات والله شريته بس مااستخدمته كل يوم بكرا
بس من بعد كلامج بجربه واشووف انشاء الله تنظمهااااا

العشبه مو ماي المرقدوش تأكدي اقصد العشبه نقعيها واشربي مايها