ساعدوني ياحزب القيصرية بأنضم لكم قرييييب : )

انا بقولج اني انا وياج و حاسه بنفس احساسج

السلام عليكم
الله يقومج بالسلامه يارب
انا والده قيصريه قبل 7 سنين والحين حامل وكل شوي يقولون لي قيصري محنا ناطرين طبيعي
شوفي حبيبتى الفرق انا الطبيعي يتالمون ويتالمون لين يولدون احنا نولد بعدها نحس بالالم
الطبيعي تاكل بس يطلعونها غرفتها احنا يخلونا لي اليوم الثاني
وانا بالنسبه لي احس ان الاثنين تعب والسهاله من الله
باول يومين تحسين بشويه الم بعدها مع المسكنات وارشادات الطبيب مافيج الا العافيه ونفسنا الطبيعي يتالمون بالقعده والحركه
يعني الالم موجود بالحالتين
نجي حق الاهتمام لاتشيلين شئ ثقيل ولا حتى بعد 6 شهور الجرح من برا بس 7 ايام يلتام بس من داخل لي قريب 6 شهور
يعني ديري بالج ولازم تحطين بالج على حالج والسهاله من رب العالمين لاتخافين ولاتحاتين بس تنفسي عدل واكلي زين صج منظر البطن ببدايه الولاده ولا كانج والده بس الحين في كورسيه حق الولاده القيصريه ويقولون ان يرد البطن وشربي اعشاب صج اهم ينظفون الرحم بس مايمنع انج تعتنين بنفسج
الله يسهل عليج وعلينا يارب

فديتج والله

الله يسهل علي وعليج يارب

انا بجرّب وبقول لج شـ الطبخة ههههههه

هلا والله إيمان
الله يسهل عليج حبيبتي وماتدرين يمكن ربج يكتب لج الطبيعي ؟؟؟
ان شاءالله اللي فيه صلاح لج وللبيبي

مشكورة على المشاركة والكلام اللي كتبتيه
زين كورسيه القيصرية عادي ينلبس من أول شي والا له وقت معين ؟؟؟؟
وعندج فكرة حبيبتي شلون أعتني بالجرح عشان يبرى بسرعة ومايلتهب؟؟؟
وهل أقدر أسبح وأغسل شعري عادي عقب الولادة بيوم مثلاً؟؟؟؟؟؟

جاوبيني اذا صار عندج وقت واذا ماصار بعد ماقصرتي وبيض الله ويهج وبارك الله في ذريتج

أم زوزو يالشيطانة شايفتج تحت

روحي صوب الطبيعي مانبيج خخخخخخ

ايه صح نادي لي اختج خلها تفيدنا بحكمتها وتجاربها

حبيبتي انا كنت والده قبل 10 شهور تقريبا قيصريه

الكورسيه لا تلبسينه الا باستشارة دكتورج لان المشيمه عندج نازله ويمكن تكون مأثره على رحمج لا سمح الله

وبالنسبه للجرح تقدرين تاخذين من الصيدليه ماي وملح مطهر جروح تشوفينه جنه المغذي اللي يحطونه لج بس هذا ماي

وملح اول شي تاخذين هالماي مع الملح وتمسحين فيه مكان الجرح بقطعة شاش ديري بالج تحطين قطن لان مو زين

ويفضل تاخذين شاش من الصيدليه يكون معقم وفي سبريه نسيت شنو اسمه بس لمن ترشينه لوونه بني هذا ترشينه بعد ما

تنظفين الجرح بالماي والملح وبعد السبريه اكو مرهم اسما بتادين اذا ماني غلطانه تحطينه وتغطين الجرح بشاش مع لزاق

وبالنسبه للسباحه يفضل انج تسبحين بعد 5 ايام عشان تتأكدين ان الجرح ما يلتهب وسألي الدكتور من هالناحيه

اذا وضعج يسمح لج تسبحين ولا لا

بس اهم شي لمن تسبحين حاولي ان الماي ما يحوش الجرح غطيه بلزقه عريضه تنباع عند الصيدليات بعد

ولمن تخلصين سباحه شيلي اللزقه ونشفي الجرح عدددل بشاش معقم وحطي الماي والملح والسبريه والمرهم وغطيهم

ولازم تنظفين جرحج 3 مرات باليوم ولمن تحسين ان الجرج التأم توقفي من تنظفيه

بس لازم تظلين على الاقل فترة النفاس كلها تنشفين الجرح عدل عشان لا يلتهب

وسووووووري قرقتج بس والله عندي نصايح وايد ومتى ما حبيتي قوليلي اكمل لج

والله يسهل عليج ويقومج بالسلامه يااااارب

هلا وغلا بالمزاجية

حمدالله على سلامتج حبيبتي

والله مادري شلون أشكرج مااااااااا قصرتي والله واستفدت من هالمعلومات

بس والله طلع عبالة هالجرح ويبي له مجابل كثر الياهل اللي بأولده هههههههه

الله يعين ان شاءالله …. وبسمع كل نصايحج ان شاءالله وبروح الصيدلية عشان أشتري الشاش والبيثادين وغيره

يزاج ربي خير على قرقتج وياليت تقرقين للأبد معاي ههههههههههه

حبيبتي انتي لا تحاتين والله ثم والله انهم مكبرين السالفة ترا القيصرية حيل سهلة وماتعور واريح واحسن وماكو عوار لان بطنج راح يكون متخدر ولو حسيتي بشوية عوار قولي لهم واهما على طول يحطون لج مسكن بلدرب انشالله مافيج الا العافية لا تحاتين بس نصيحة مني امشي عقب العملية اول ماتشوفين السسترات يقولون لج امشي قومي امشي صج اهوا صعب بس خلي عندج ارادة لان المشي اهوا لي يطيبج بسرعة بس بعرف ليش بتسوين بنج نصفي يخرع

اهم نصيحة امشي مبكرا
ولما تمشي ارفعي كتافك وخلي ظهرك مستقيم والسهالة من ربنا

هلا والله اختي بلونة

فديتج مااااقصرتي ريحتي قلبي شوي !!

صج ترى الكل معقدني من العملية ومهوّلها بعيوني

وفوق جذي أنا قعدت أقرا وأبحث في النت عن مضاعفاتها ومخاطرها ليييين تعقدت

بس كلامج طمنّي والله وان شاءالله ناوية أمشي مهما كان الثمن لأني فعلا سامعة شكثر مهم للجرح

بالنسبة للنصفي والله الكل ينصح فيه سواء من دكاترة أو حتى أغلب اللي قريت تجاربهم في النت
صج انه مخيف ومادري اذا بكون قد قراري هذا بس آثاره أهون من العام بوايد والله أعلم

عاد مسوية روحي طرزان وأنا دياية الله يسترررررر

ربي يجزيج الجنة على مساعدتج ونصايحج حبوبة

هلا وغلا مشمش

وان شاءالله نصيحتج هذي في عيوني وماااااقصرتي والله

ربي يسعدج دنيا وآخرة

مسا الخير
انا والدة عملية صار 26 يوم يعني توني بالنفاس
بالنسبة قبل العملية اشربي مرة وشميها وتعطري بعطر فرنسي قوي عساس الجرح ما يشتم بعدين…
عقب ما تطلعين من غرفة العمليات بالسلامة خلي الوالدة او خواتج يشممونج مرة (( طبعا بكون انتي منقعتها بماي في بطل ماي صحة اكيد الوالدة تعرف)) ويرشون لج العطر مرة ثانية
طبعا اول يوم ممنوع تشربين ماي فثاني يوم يعطونج سوائل عقب ما يشيلون البربيش وشوي شوي يغيرون من الاكل
عقب ما تطلعين من المستشفى خامس يوم لج من ولادتج ابدي عاد الحين بادوية النفاس والاكل
طبعا اول اسبوع حاولي تبتعدين من الحليب قد ما تقدرين لانه كل غازات
وانصحج اقري موضوع الاخت خبيرة اعشاب عن القيصرية حيييل راح يفيدح
وانا خذيت كورس نفاس منها ولالحين اكل منه
واي سؤال اانا حاضرة

خليني اتذكر عتجت شويه.
أصعب شي هو الليله اللي بعد العمليه مادري عن الباجين بس كانت اتييني حراره و اذا في مجال يكون عندج مرافق يكون احسن لانج ما راح تتحركين الا بعد 24 ساعه من العملية.
طبعا الحركه هذي وايد مهمه راح تتعبين اول ما تمشين بس لازم تمشين و تصلبين ظهرج لان احسن شي بعد العمليه المشي.
مكان العمليه لازم تحافظين عليه و يكون ناشف.
ما يصير تشيلين اشياء ثقيله و انتى اول عمليه فلازم يكون احد يراعيج.

و غير جذي النفاس مثلج مثل الطبيعي انتبهي على نفسج بالاكل و الاعشاب.

و الله يقومج بالسلامه

الحين كله ابره ظهر
يقولون احسن حق الجنين لان بالبنج العام البيبي يتخدر بابره الظهر ما يتأثر البيبي بشي