ساعدوني ولدي مو راضي يترك البامبرز

ولدي عمره سنتين وعشرة اشهر حاولت اخليه يترك البامبرز ويدخل الحمام اعزكم الله بس مو راضي وضعي معاه صعب جدا خاصه اني عايشه مع حمولتي وهذا يزيد الوضع صعوبه ابي الحل ساعدوني ابي ولدي يتعود يروح الحمام بأسرع وقت ممكن

انتي صبقتيني كنت بحط مشكلتي مع ولدي واهي مثل مشكلت ولدج
عمره سنتين و6 شهور وموراضي يتعلم على الحمام مصمم على البامبرز
يالله انا معاج ننطر البنات يعطونا الحل انشالله ونرتاح
وانا الي بعد امتعبني اني مو بالكويت بلندن يعني وايد امصعب الامور علي

أن شا الله راح نلقى الحل باقرب وقت ممكن والله ويهووون عليك غربتك قولي امين

تدرون انه اانا ولدي قط الحفاظه 3 وشهرين تقريبا وتعبت معاه طبعا كنت باديه معاه من سنتين ونص وبالغصب انا والحضانه دربناه

والحين عمره 3 و9 شهور ليلحين بليل يلبسها

أنا بنتي عمرها 2 و 3أشهر ونفس الشي مو راضية في كتب الأطفال الأنجليزية يقولون لا تغصبون عيالكم لأنه العضلة التحكم بالبول تختلف أستعدادها من شخص لشخص بس أنا مجبورة أعلمها عشان الحضانة بشهر 9 ولا ما راح يقبلونها بالبامبرز أول خطوة بسويها اهي
1- تشترون training pantsأهم صراويل من داخل قطن ومن الخارج نايلون
2- تلبسونهم من الصبح وكل ربع ساعة أرد وأكرر ربع ساعة تسألونهم يبون يروحون الحمام
3 ولمل يروحون الحمام تعطونهم هدية وتصفقون لهم

امييييييييييييييين حبيبتي والله ماتقصرين وانشالله نلتقى الحل بسرعه

مشكوره حبيبتي فكرة الهديه فكره حلوه بجربها وان شا الله ننجح

انا نفس المشكله بنتي عمرها سنتين ونص ونفس الشي مو راضيه اتعلم على الحمام

وحلوه فكره الهديه

ان شاءالله اطبقها وتنفع

[COLOR="Blue"]

شوفي حبيبتي لا تلبسينه بمبرز 00 واذا بلل نفسه خليه و قوليله انا راح اخليك جذي ماراح ابدلك ملابسك 00 تلقينه راح يتضايق من نفسه ويطلب منج انج تغيرينله ملابسه 00 واستخدمت بعد مع بنتي الضرب بس الخفيف وخليت ابوها يهاوشها بس مو حيل

وسلامتك

واااااااااااااااااي فررررررررررررررح ماتقصرين على هالموقع العجيب على الله ينفع ولدي بس عاد كل شوي يبيني اعيده مو راضي يروح عن الكمبيوتر معجج جدامه

لارا شكلي بجرب طريقتج اني افصخه البامبرز والله يهديه ةتنفع معاه الطريقه

انا بولدي الكبير كل ما يسوي ال ويي ويي (من البباي الياباني ) هههه .. اعطيه ستكرز من الاشكال اللي يفضله .. كان يفضل الاسماك .. ياخذ وحده منهم و يلصقها على طوفه الحمام ..

ولدي الثاني توه ما كمل السنتين .. انشاء الله بجربه معاه

مشكوره وماقصرتي با احاول مع ولدي وان شالله تعم الفائده منه لي وللجميع

ولدي عمره سنتين وشهرين احس ان بعده صغير حياتي قلت ببدي اعلمه بس يصير عمره سنتين و8شهور جذي

أهلين بصراحة أنا عورني قلبي لكلام الأخت أم جوري بأنها تخلي الحضانة تضرب ولدها ما ادري كيف يضربونه وكيف قلبج طاوعج ياليت تخبريني كيف طاوعتيهم وبالنسبة للأخوات اللاتي يعلمون عيالهن على الحمام عليهم بالصبر والمحاولات الجادة بدون ضرب ولا شدة حتى لا ينعكس ذلك عليهم والحين فرصة ما دام الجو تحسن ومن هنا لحد سبعة اشهر تقريبا الفرصة قائمة أما اذا صار الجو بارد لازم تأجلين التدريب ولا انسا اقول أن كل طفل له قدرات تختلف عن غيره فيه أطفال من سن السنة والنص وحصل ذلك مع أخي حيث بدأ من السنة وهو يتضايق من التبرز بالحفاض اكرمكم الله علما أنه الوحيد فينا الذي صار له التعليم المبكر وفيه أطفال سن السنتين والسنتين والنص والثلاث سنوات واعرف أطفال لحد شارفوا على الاربع سنوات ومع الصبر والتشجيع والمكافءات والمنافسة مع أي طفل كل ذلك يعطيكم نتائج تسركم والله يعينكم