ساعدوني عن احبوب منع الحمل

بنات بليز، انا توني مالجه، و ما ابي احمل من اول شي، ابي اخذ حبوب منع الحمل، اشلون الطريقه؟ ما اعرف، اروح الصيدليه اسالهم والا الطبيب؟ علي اي اساس اختار نوع لحبوب؟ و هل لهم اعراض جانبيه؟

حبيبتي اولا مبروك الملجة ومنج العيال ومنة الماااااااال والدلاااااااااال طبعا اهم شي
شوفي حبيبتي انا بالنسبة لي متزوجة من سنه واخذت الحبوب قبل العرس باسبوعين يعني من خامس يوم دورة والحبوب اللي كنت اخذها اسمة جينرا بصرررررراحه روعه وهي احسن حبوب لاني سالت كثير من رفيجاتي وبنات متزوجات كثير كانو جربو انواع ثانية يقولون مو زينه وتجيب الصداع والعصبية وفعلا وانا بشهر العسل خلصت الجينرا واضطريت اشتري حبوب ياسمين (ييييع) صرت وحده ثانية في شهر واحد بس ودي ابجي وحاشني اكتئاب غير العصبية مانصحج فيها
بس جنرا انا نانسبتني كثير واستمريت عليها 5 شهور بعدها مليت من الحبوب والمواعيد اللي لازم مانساها يوميا غير انه لابد من الضيقه سبحان الله مع الحبوب فتركتها وانتي عاد عروس وباول شهور اذا ماودج تحملين اضمن شي الحبوب 99.9 بالمية واذا بعد فترة صار ماهمج مرة تقدرين تجربين الطرق الثانية والطبيعيه بس لو مرره ماتبين هالفترة لاااااااااازم حبوب وشوفي اللي تناسبج وموفقه اختي عقبال العرس

ابصراحه ما انحصج فيهم
انا سامعه ان الي ولا مره احملت موزين تاكل احبوب<———–احتمال اتسبب لهم العقم اسم الله عليج

انا اول ما تزوجت كنت متفقه مع ريلي اني ما احمل الا عقب فتره

فحاولنا نستعمل طرق ثانيه <—– طبعا فاهمتني

ما ابي اخرعج بس نصيحه لا اتفكرين بالحبوب

في شغله ثانيه بالحبوب انها اتخليج كلا عصبيه ومزاجج مو اوكي …
وانتي توج عروس لازم تستانسين
وخاصه وقت الشسمه …..؟! اتخليج مالج خلق
—————————–

بس سألي دكتور احسن من الصيدلي
يمكن يكتبلج على نوع خفيف مايضرج

والله يوفقج ابزواجج يارب ويكتبلج الذريه الصالحه

أنا صار لي 8 أشهر متزوجة وجربت ياسمين ما ارتحت لهم..ديان 35 الحمدلله ناسبوني ومافي أعراض بالنسبة لي