ساعدوني بنتي اولى وتقول ماتحب المدرسه،،

السلام عليكم بنات شلونكم
خواتي انا بنتي اول سنه لها ودوامت معها الاحد واخذنا الكتب ورديتها البيت وكان الوضع اوك بعدها مرضت وغيبتها ودوامت اليوم مره ثانيه ولما ردت ردت تبكي وتقول ماابي المدرسه ازعاج وماعندي صديقه وماعرف المقصف البنات يشترون وانا لا
والابله تقول لااحد يجيب اكل وياه اوديه الناظره ؟؟
وترا اهي حيل تحب الارقام والتلوين وهالسوالف يعني عقدتها مو من الدروس لا
من الجو تبع المدرسه والمشكله مااعرف احد عشان ينتبه لها او يشتري له يعنى اعطيها مصروفها ترده

ادري طولتها وهي قصيره بس من جد شايله همها كاسره خاطري
ومن غير الشنطه والله ابوها اليوم شايلها عنها يقول شحاطه فيها منو يقدر يشيلها ؟
الي عنده اي فكره تساعد بنتي انه تعتمد على نفسها تقولي واذا فيه ابلات لاولى بعد يساعدونا
في انتظار رايكم

مالج شغل فيهم حطى الاكل لها وروحى معاها الصبح ودخلى عالاخصائية وقوليلها بنتى ماتقدر تدخل المقصف بعدين اى قاانون هذا للى يمنع اطفل ان يجيب اكلة معاة وين قاعدين حتى لو تقولج ممنوع قوليها وين النشرة للى من الوزارة للى تقول ممنووووع ابى اشوفها؟ لاتسكتين عن هالنقطة
وقولى لبنتج تحاول تتعرف او وانتى لما تاخذينها شوفى منو تقعد يمها وكلميها قولى انتى شااطرة بنتى تمدحج ميخالف تصير صديقتج اهى تحبج وعرفيهم على بعض
وترا اول الاياام صعبة وبعدين كل شى سهل
لله يخليها لج ان شالله وتشوفينها دكتورة رافعة راسج

اول مرة اشوف مدرسة تمنع اليهال انهم ييبون اكل !!! بعدين حرام توها اولى وين تعرف تشتري بروحها ؟؟ ودي اكلها وياها احسن..
بعدين كلميها شوي شوي .. قوليلها شنو اسم البنية الي قاعدة يمج بالصف … شجعيها انها تحتك بالبنات اللي وياها … وانشالله تتغير .. ترى توها عادي انها كل يوم تبجي وما تبي تروح المدرسة …

شكوووووووووووووووووووووووووووو ماكو اكل من البيت
بنت اولى شلون تشتري شهالقرار
اول مره نسمع
انا بنتي معاي بالمدرسه احس حابتها ومو حابتها بس ما تبي تكتب الواجب
وكل فرصه تبجي يبونها البنات حقي
انا ابيها تعتمد على نفسهااااااااا
بس اشوه اني وياها بعد قلبي انتف وحده بالمدرسه
حديث الموسم ههههههههههه
حتى اولياء الامور والطالبات ينطرونها لين طلعنا من المدرسه
بس اشوه اني وياها عشان اشيل جنطتها اللي شثقلهاااااااااااا بنتي وزنها 12 ويمكن جنطتها نفس الوزن
سوري قرقتج ولا عطيتج حل هههههههههه
انتي وديها ودشي وياها
وقولي حق الاخصائيه الموضوع
واشتري هدايا خلي المدرسه تزوع على بنات الصف عشان بنتج تستانس
بس لاتسكتين على موضوع الاكل حرام عليهم
بنت باولى شلون بتشتري

الله يجزاكن خير خواتي ويوفقكن دنيا واخره والله ريحتوني بكلامكم بس بنتي من النوع الي تسمع كلام الابله لو على جثتها من ايام الروضه
بس بحاول اقنعها تاخذ اكلها وياها والصديقات مادري من وين اطلع لها ههههه
والشنطه الظاهر مالها حل

بنت أولى ابتدائي تروح مقصف؟ صعبه على من هم بالعمر هذا الصغير
خصوصا ببداية المدرسة
حطي لها سندويش اللي تحبه وروحي معاها المدرسة وقابلي الاخصائية أو الناظرة وقولي لهم لازم يقبلون بسندويشات الاطفال من بيوتهم أو مدرسة تاخذهم المقصف بنفسها وتخلي كل وحده تشتري اللي تبيه مع انه مشتريات الاطفال كلها تضر بصراحة
أما سالفة الشنطة والله غريبة
مسكينة بنوتج سوي اللي قلنالج عليه ولا تحاتين مو بكيفهم
الله يوفقها

جزاج الله خير على ردج اختي والله مادري عنهم شلون نظامهم بشوف الاحد ان ردت قالت لها الابله نفس الكلام رحت وياها الاثنين
وبالنسبه للشنطه مو غريبه اختي انتي ماعندج احد باولى شوفي شنطتهم وهذا واهو فيه جدول بس من جد احس بينكسر ظهرها منها
ومن جد بنات ترا تكسر الخاطر كل ماتخيل شكلها قاعده بروحها بالفرصه وانه محد يكلمها هي من ايام الروضه مو لاقيه صديقات البنات مادري ليه يعادونها الصبيان كانوا شحليلهم وياها
الشيء الوحيد الي باسطني كلامها عن ابلاتها حسيت انه زينات وياها
الله يعين

في حل للجنطه افاعليج شلون مافكرتي تشترين لها شنطه سحابه أحسن

مشكوره اختي على رايج فكرت حبيبتي بس بتبهذلها زياده لانه بيتنا اول ماتطلعين براحه ومدرستها كل مرتفعات ومنخفضات بتبتلش بالشنطه لو علقت بمكان من بيعابل وياها وبالباص من بيسحبها لها لين تركب
ههههه بلشتكم شكلي بس يالله كلهم جذي والله محزنيني يعني منهج دسم وشنطه شثقلها وسبع حصص
السعوديه 6 حصص واخف من كتبهم مافيه >>تتذكر ايام دراستها

لاغلط اصلا شلون اولى وتدخل مع بنات خامسه بالمقصف يعني اقل شي راح يدزونها وتطيح بسم الله عليها
عطيها اكلها وشجعيها ع المدرسه حببيها فيها
اذا دامت باجر اشتري لها هديه
ونفس الشي اللي بعده بعدين درجيها اسبوعيا لين تتأقلم على الوضع

انا اول يوم شريت لبناتي هدايا وقلت لهم هذي علشان المدرسه
وايد استانسوا ..,
وعلى فكره بنتي اللي بأولى اذا مادلت صفها تبجي وكل يوم ترجع من غير لا تاكل اكلها
لانها بنظام جديد بس بعدين راح تتأقلم مع الوضع

وبالنسبه للجنطه فعلا الله يعنيهم "

\