ساعدوني بنات شنو علاج كيس على المبيض ؟؟

بنات لقوا عندي كيس على المبيض حجمه 5.5×4.5

قالوا لازم عمليه منظار هذا كلام دكتور اشرف مرسي اللي بالهادي ودكتور مدحت الشربيني اللي بالراشد

اللي صارلها نفسي اتساعدني اذا في حل غير العمليه لان موعد العمليه بكررره وانا متردده

مع العلم انه مسبب لي الام حيل تعبت منها مثل الام الزايده

ماتشوفين شر ياقلبي

انتي نفس حالتي بالضبط وانا اراجع عند مدحت الشربيني وموعدي الأسبوع الجاي قالي اذا ماكبر حجمه راح اسحبه لج بأبره وعطاني علاج عساس يروح ومادري انشالله خيير والله يشفيج ويشفي كل مسلم

حبيبتي انا صاار وياي
وكان حجمه 3.5 بـ 405

ورحت عند الدكتور محسن كان وقتها بدار الشفا الحين اهو بالسلام

وصفلي حبه ب 5 دنانير وشي بس حبه وحده تاكلينها ثاني يوم الدوره وانتي بكرامه

والله ولا جنه فيني شي

مع ان الالم ظل وياي 3 شهور ما كنت ادري

حبيبتي انتي جربي الحبه اذا ما نفعت وياج سووي المنظار

وان شاءالله اكون فدتج

الشر مايجيج ياقلبي

ماتشوفين شر حبيبتي

لا تحاتين ترى عمليه سهله حيييييل انا كنت جذيه بس الحمدالله الكيس اللي على المبايض ترووح بالعلاج على طووول ويطيح الكيس مع الدورة

ولاا تحااتين والله العمليه حيييل سهله اختي سوتهااا وبنفس الوقت طلعت ومااارست حيااتهااا طبيعي اهي سوت كي جذيه يسمووونه

تسلمين ياقلبي –بس مااتوقع يسوى اسوي عمليه اذا في حل ثاني بديل

والابره شنو اهي نفسها المنظار او لا

انشالله بكره الصبح اروح له واشوف شنو يقولي–تسلمين ياقلبي

تسلمين ياقلبي انا ماابي العمليه ولا احب هالسوالف بصراحه–اخاف حيل

يابنات انا رحت قبل ساعه تقريبا حق وحده عندها علاج للكيس وامدحوها حيل لي وخذيت منها العلاج وانشالله بجربه وانحااااااااااااااااش من العمليه -بصراحه الحرمه كلامها ريحيني واستخررررت قبل اروح لها

انا سويت العملية ( منظار ) والحمدلله عدت على خير ومارست حياتي عادي ، بس ماكان معاي الم اكتشفته بالصدفة

شيخانه قلبي الله يهديج احد يخلي الاطبا ويروح حق وحده بهالسوالف

الكلام وايد قايلته حق غيرج الف مره ومره وحافظته

والدكاتره الي رحتي لهم مو زينين الا ممتازين

انا كنت عند مدحت الاسبوع الي طاف معاي انتكاس بالدوره وصارلي شهر ما اوقفت

والله عطاني حبوب والحمدالله الحين مافيني الا العافيه

وكل اهلي عنده واااايد زين وشاطر

وبعدين رايين اجتمعوا على العمليه مو واحد

اتكلي على الله وسويها ترى سهله بتنحاشين من شنو

مو تبلعين اعشاب ماتدرين شنو اهي من وحده مسويه نفسها اسكت

بلا صار فيج شي

والله الدكتور يقولج مالي شغل فيج محد قالج سوي جذي بروحج

الله يشفيج ان شاء الله

مشكوره على الافاده حبيبتي والله يشفي كل مسلم

مشكوره بس خرعتيني الله يهديج شسوي اقط العلاج شاريته ب80

هلا شيهـــــــــــــانة سلامات ….. وما تشوفين شر يالغالية

انا بقولكم سالفتي … قبل شم سنـــــــــة جاني الم شديد في جنبي اليمين وكان كل مره يزيد مع وقت الدورة هملته وبالصدفة راجعت الطبيب واكتشف انه عندي كيس على المبيض وحجم 3 × 2.75 وقالي لازم انتابع حالتج إذا كان حجمه يكبر بنسويلج عملية وانا يابنات ارتعت ورحت لدكتور ثاني قالي نفس الكلام بعد شهر راجعت الدكتور الا كان مسافر …. ورحت لدكتوره بس ما قلتلها شفيني سكت وبعد ما سوتلي السونار قالتلي انتي شفيج ليه جايــــــة ؟؟؟؟؟؟؟؟؟؟؟؟؟؟؟؟

كان اقولها عن القصة كلها قالتلي بس الحين ما في كيس ولا شي !!!!!!!!!!!!

قتلها وين اختفى ؟؟؟؟؟؟؟؟؟؟؟؟؟

قالتلي انه في اكياس وظيفية ، فجاءة تطلع بالحالها وبعدين تختفي بدون ادوية او تدخل جراحي ؟؟؟؟؟؟؟؟؟

وان شاء الله اختي ما يكون فيه كيس ولا شي .. وان كان ان شاء الله حله سهل لا تحاتين شدة وتزول .

الله يشفيك ويعافيك ان شاء الله