|
|
السلام عليكم
بصراحة ما ادري اشلون ابدي مشكلتي
بس ما لقيت الا انتو بنات تساعدوني لاني ما اقدر اتكلم مع احد في هذا الموضوع و ولا احد يدري عنه
و انا كل يوم افكر شسوي و تعبت من كثر التفكير
مشكلتي ان زوجي ما يقدر يييب عيال لان الحيوانت المنوية صفر فسوينا اطفال انابيب و نجحت الحمد الله وعندنا ولد وحيد و الحين ولدي كبر ففكرنا نييبله طفل ثاني و ولدي كلا يقول ابي بيبي
و خلال ثلاث سنوات و احنا نحاول نسوي اطفال انابيب بس تفشل العملية
سوينا اربع مرات و بالمرة الخامسة نجحت و لكن مع الاسف ما طول حملي وصار معاي عوار في المبيض و قالولي لازم عملية عشان نشيل المبيض
المهم سويت العملية و الياهل طاح و حياتنا تدهورت و انقلبت فوق حدر
و مع الايام و حنة الاهل و كلامهم اللي ما يخلص قلت حق زوجي اني استشير دكتور عشان اشوف شنو ممكن نسويه الحين بعد ما خسرت الطفل و عندي مبيض واحد
بس المشكلة ان زوجي رافض فكرة الطبيب نهايا و قالي انسي شي اسمه طبيب و قالي اذا تبين تستمرين معاي خلاص احنا ما نبي عيال بعد كافي علينا ولدنا انا ماراح اخاطر فيج بعد و لا تحاولين تروحين الطبيب
و من كثر ما حنيت عليه فكر ان يطلقني عشان يرتاح من كل هالمشاكل و لا احد يحن علينا و يقول ها ليش ما حملتي ؟ يالله ييبو الثاني
و انا الحين ما ادري شسوي معاه ؟؟
ساعدوني بنات عطوني حل الله يريح بالكم و يرزقكم اجمعين.
اول شي الله يخليلج ولدج ويبلغج فيه معرس وتخاوينه يارب
وعسى ربي مااييب المشاكل بينج وبين زوجج وانا ماني
عارفه الناس شكو تدخل ومن صجج بتهدمين حياتج علشانهم
اذا ريلج راضي بحياتكم جذي خلاص حتى انتي اقلمي نفسج عليها
وكلميه بهدوووء يمكن يرضى تراجعون يااارب تسخر زوجها لها
النااس ماتخلص
يمكن الحين هو شوي تعباان من هالسالفه ان شالله هالايام تعدي وباجر هو ايي من نفسه ويقوولج يالله خل نعالج
شعليج من الناس (( رضا الناس غاية لا تدرك))
وأنا اختج هدئ بالج وخليج ويا ريلج .. واملئي حياتكم حب وود .. بإذن الله تنتهي هالمشاكل وتعيشون احلى حياة
وبيكرمكم أكرم الأكرمين سبحانه .. وبتييبون اخوات واخوان حق وحيدج….
بس أكثري من الدعاء والصدقة والأستغفار
ولا تجعلين هاجس الحمال مرة ثانية يحطم حياتكم ويضيق دنيتكم
موفقة بإذن الله
والله موضوعج يحير بس تبين نصيحتي استخيري ربج واكيد
بتوصلين للحل الانسب
وكل وحة تتكلم عن زوجها شنو سوا وشنو اخذ
دشي هالتجمع يمكن يفيدج
وعسى الله يرزقج الحمل ياارب
و دايماً اقري سورة البقرة و آل عمران و مريم و ياسين
و تصدقي وايد
و إذا هدت أعصابه جربي روحي حق الدكتور/ محمد السيد قطب
والله صج كلامكم عدل بس المشكلة اني انا بعد احب اليهال وايد و مو عشان اهوا راضي بان عندنا واحد يعني انا راضية بس الحمد الله على كل حال حالنا اهون من غيرنا
املنا بالله اهوا القادر على كل شي
البنات ماقصرو ومثل ماقالو
انتي هدي نفسج وبالج وانسي الموضوع اشوي
بيجي يوم وحتى اهو بيحن على اليهال
والله يرزقج بالذريه الصالحه
حرام تخربين على روحج يا اختى
والله
ارضى بكتبة ربى لج
او خليه الحين براحته
وبعدين تعاليله باسلوب حلو ولبق ما عليج الله بيهديه
بي طلاق لا لااااااااااااااااااااااااااااا
حرام ما انصحج
الله يرزقكم يااااااااااااارب