ساعدوني بنات الادبي

السلاااااااااااام بنات … الزبدة >>> غلطانة ماكو ادفش
انا بروح ان شاء الله 11 ادبي وكل اللي اعرفهم الاكبر مني علمي يعني انا موعارفة شنو اشتري حق 11 ادبي يعني مااعرف كل المواد وشنو اشتري الدفاتر وجم ورقة بالدفتر يعني متوهقة مو عارفة شنو اشتري فاللي كانت ب11 ادبي ياريت تفيدني واكون شاكرة لها

هاي
انا رايحه 12 ادبي يعني توني فرش من 11أدبي
المواد هي
(عربي-انجليزي-دين-احصاء-فرنسي-تاريخ-جغرافيا-علم نفس)
و طبعا(دستور-قرآن-حاسوب)
بس يقولون راح يلغون مادة الدستور
بالنسبه للدفاتر ما أعرف لأني مسائي مو مهم عندنا الدفاتر يعني مثل التاريخ و علم النفس ما لهم دفترهذا بس المسائي.
و اتمنى اني فدتج.

يا هلا و غلاا ,,الله حيهم بنات ادبي

يشرفني اول وحده ارد على موضوعج

انا طبعا خلصت 11 هالسنه ,,حلوه تراها لا تحاتين

بالنسبه للدفاتر يبيلج 150 تقريبا حق الانجليزي و العربي لان تقسمينهم اكثر من قسم

الفرنسي 100 يكفي و بعد تقسمينه

التاريخ و الجغرافيا و علم النفس يكفي له 100 تقسمينهم قسمين صفي و لا صفي

الاحصاء و الدستورو التربيه الاسلاميه يكفي 80

و الحاسوب و ماده سياحه و سفر اختياري حر يكفي 60

وراح ازيدج ,,بالنسبه لماده البدنيه الاساسيه تشترين حق الكورس الاول مضرب كره ريشه مع الكره اما الجزء الثانيه تشترين كره يد

واذا عندج اي استفسار انا حاضر

اممم انا بعد بروح 11 ادبي بنات الالعاب اي لون راح يلبسونا ابي اشتري وافتك وطمنوني المرحله صعبه ولا سهله

اي والله طمنوووناااا

يسلمو حبايبي ماقصرتوا والله يوفقنا يارب

اطمني 11 حلووه ولا تحاتون ,,بس يبيله دراسه اول باول و خاصه الفرنسي بما انه ماده يديده عليكم لازم تحفظون الكلمات و المواقف

والمواد الثانيه حفظ اول باول,,

اما الالعاب يبيله شورت او بنطلون اسود و تي شيرت ابيض

موفقين ان شاءالله

جنون الحلوه لا تخافيين حلوووه تراها ,,

كويتيه الله يسلمج يالغلا ,,

جنون الكويت كفوووووووووو والله هذا العشم فيييج والله يوفقج يااااااااااارب

مشكوره ع المعلومات ياقلبي

مرحلة 11ادبي سهله حييييييل حيييييييل
اسهل من عااااااااااااشر بوااااااااجد !

خصوصاً الإحصاء خفيف حيل وحلو ، والتاريخ حلو حييييل بس يبيله تركيز شوي ،

بس اغث ماده عندنا كانت الجغرافيا ، لان حفظها واجد نصيحه احفظوا اول بأول ،، ولا تكودون الدروس عليكم ، لان اذا حفظتوا اول بأول بتطلع الماده تافهة ! ، ولاتنسووون الخرااايط،،

والعلم نفس احلى مادة عندي كنت متفوقة فيه وجايبة علامة كاملة ،، حلو حيل كله فهم ،،، مافي حفظ ،

والانجليزي يهبل بس ركزي ع السيت بوك والكلمات ومعانيها << اهم شي ، والقواعد مالت العام ،،

والفرنسي اذا تعرفين انجليزي بيطلع سهل عليج ،، الفرنسي حبيته حيل ، مثل طريقة الانجليزي احفظي الكلمات ومعانيها ،، والقواعد

بس كانت اكرهه مادة عندي العربي ، لان ماكنت افهم فيها شي ،، لان تبين الصراحة مااركز انا بالحصة ،، بس جايبة مدرسة وفهمتني كل شي الحمدلله ، انتوا ركزوا وشدوا حيلكم وان شاءالله ربي يوفقكم ،،

والاختيار الحر سهل حيل بس احضري الحصة وجيبي شغلج

ولا تهربون و لاتضيعون وقت ، ترى حيل سهلة هالمرحلة لا تستهينون فيها اكثر مرحلة بتجمعون نقاط فيها

بالتوفيق ،

حدهاااااااااااااااااا سهله بس الي يعث شوي الجرافيا

على حسب المدرسه شنو يحددون لوون انا مدرستنااا كان هاللون

,

ملآبس آلآلعآب على حسب آلمدرسه
أحنـآ كنآ أحمر

وبـ آلنسبه لـ 11 أدبي فهي سسسسسهله سسسسسهله
تآبعي تجمعنــآ آلقديم وشوفي كلآم آلبنـآت وأستفيدي منهم

وآذآ ع آلدفآتر أنصحج مآتشترين آلحين دآومي وشوفي كل أبله شنو تبي
وموفقه يآرب ~