**>ساعدوني بليـــززز

السلام عليكم

بنات عفيه ابي مدرسة ثنائية لغة بس تكون من الروضة لي الثانوي و تكون قريبة من منطقة بيان و تكون زينه وتعليمها ممتاز و مصاريفها معقوله

و ابي رايكم بـ روضة المعالي ثنائيه اللغه ؟؟ شلونها ؟؟ حق الامهات اللي عيالها فيها شلونها و شلون مصاريفها ؟؟؟

وشششكرآآآ

اب اب اب اب

حبيبتي اول شي تبين يم بيان مدرسه ثنائيه لغه ومدرسه المعالي ثنائيه اللغه كانت قبل سنتين برميثيه صكروها ونتقلوا الفروانيه ؟؟

مدرسة روض الصالحين ثنائية اللغة بحولي

معروف أختى أحسن مدرسه ثنائيه بالكويت [u]مدرسه البيان بحولى وغلى مدرسه بالكويت

توني ادري انه نقلوها الفروانيه

انزين عفيه مو محصله رقمهم لا بالبداله ولا بموقع وزاره التربيه يطلعلي غير داخل بالخدمه !!!

مشكورة

ليش تبينها اهي بالتحديد انا والله قبل لا ينتقلون بسنه ويمكن كان النقل خيره حق ولدي ..
الله يسلمج ولدي دخلته عندهم اولى روضه وعلى اساس قاعد يتعلم عربي وانجليزي وكل ما قلت حق مدرسه الانجليزي شلونه قالت اوكي مااشي معاي لا تحاتين..خلصت السنه قالوا قرار من الوزاره لا زم نخلي المدرسه الحكومه تبيها وراح نروح الفروانيه قلت شلي بالفروانيه رحت هناك شفتها الله لا يراويج صج مبنى يديد بس حيييل ما عجبني..وين رحت؟؟ رحت الخليج الانجليزيه اول شي فرق المدرسات كلهم اجانب من ولدي دش عندهم ثانيه روضه المس شنو تقووول؟؟تقوول مافيي مستوى اذا ماجابلتيه ترى ماراح يكمل قتلها شلون انا يايبته من المعالي لازم يكون متاسس..اهي انجليزيه ماهمها الموضوع قالت اللحين اهو عندنا جابلييه..الله وكيلج لوعت جبده والمس يحليلها كانت تجابله عدل .. واللحين عندهم بyear1 واحلى مايمكن وما اقايشه بل الانجليزي اسم الله عليه اهو يصلحلي الحجي..بالاخير ما انصحج فيهاا الصراحه انا اقول من الي شفته

بما اني موظفة بالتعليم الخاص اقدر افيدج
احسن مدرسة ثنائية البيان ثنائية اللغة وهذا رقمهم22632850
واجيال ثنائية اللغة الي بالرقعي
وعندج دسمان بعد وايد قوية

وانشاللة اكون افدتج

– ثنائية اللغه وفيها كل المراحل ومن الروضه ليه الثانويه ! >> أكيد >> البيان سكول – ودسمان ..//.. ثم الرؤيا وأجيال –

الرساله ثنائية اللغه : بس لغاية سادس

عندج الأكاديميه العربيه الأمريكيه ثنائية اللغه بحولي

بظهر مدرسه روض الصالحين , من الحضانه الى الثانوي

تعتبر مدرسه اسلآميه بس الانجليزي فيها قوي حييل

اختي زينه بما انج موظفة بالتعليم الخاص ممكن تقولين لنا شنو معاييركم بتقييم المدارس الخاصة وشلون تحكمون عليهم منو الاحسن ومنو الاسوأ؟
وياليت لو تكتبين موضوع بهالقسم عن مستوى المدارس الخاصة وخاصة اللي فيها اغلبية كويتية
ومشكورة مقدما

وأنا أضم صوتي لصوت أي اسم ياريت اتفيدينا اكثر بهالموضوع الله يعافيج

مغيرين اسمها من المعالي إلى مدرسة الرواد ثنائية اللغة إذا كنتي حابة اتدورين عنها شي

upppp