ساعدوني بالمشكله

السلام عليكم ورحمه الله وبركاته

عندي مشكله اليوم تهاوشت مع حمولتي

السالفه وما فيها ان حماتي تزوجت وانا ما حضرت عرسها لان عندي حاله وفاه فما حظرت العرس قلت بعد العرس اروح لها و اقهويها مع اني عطيتها هديتها قبل العرس بس بروح علشان خاطر زوجي لانها اخته مو يقولون من اجل عين تكرم مدينه مع ان علاقتي فيها سطحيه بس سلام بينا لااكثر ولا اقل المهم السالفه وما فيها اني طلبت رقمها من اختها الكبيره رقمها بس اختها تصرفني تقول ان اختها ما عندها وهي تكلم اهلها من تلفون زوجها المهم السالفه ما مشت علي قلت ان السالفه فيها ان مع ان علاقتي في حمولتي زينه ما في مشاكل بس قلت في ان والمشكله اني لما طلبت الرقم من عمتي ابي رقم بنتها صرفتني وقالت نفس كلام بنتها عاد انا اهنيه ظرب عندي عرق العناد قلت يا انا او هم ويوم سالت السايق عن رقمها عطاني اياه قلت خل اتاكد دقيت على مرت حماي وسولفت معاها وسالتها عن رقم حماتي وقالت عندها اهنيه انا عصبت قلت يا انا او هم وادق تلفون على العروس المسعده واكلمها واهي انصدمت اني ادق عليها وسالتني منين خذيت التلفون وانا لتاها من فلانه وقامت تضحك وقالتلي حياج عندي فالبيت زوريني هذا الكلام امس يوم كلمتها واليوم اسولف عند عمتي قلتلها اني كلمت بنتها وبزورها اليوم واقهويها عصبت وقالت حنا ما نبي احد يروح لبنتنا ويزورها و لا نبيج تكلمينها انا هانيه عصبت وقلت ليش شايفه علي شي وما تبيني اكلمها انا فيني شي او عيب خايفه لا اخربها ومن هالكلام قالت لا ما فيج عيب او شي بس حنا ما نبي احد يروح لبنتنا انا اهنيه عصبت وطلعت من عندها انصحوني شسوي ما حمولتي لانهم كبرو السالفه ودخلوا اختي بالسالفه لانها ما خذه من احفادهم تعبت منهم :0bee2e8d89:

انتي شتبين في عوار الرااااااااااس
بالطقاق شفتيهم يصرفونج غصب تزورينها يعني
ماعليج منهم واقطعي علااقتج فيهم بعد ايكون افضل
شنو هذا احد يقول هالكلاام لااتجين بنتنا !!!!! نااس غريبه عجيبه موكفو احد يوجبهم

امبيه اي شي ليش جذي

خلاص حقريهم ويمكن صايره سالفه بين البنت وريلها ولا شي جذي بس مو معقوله عمتج ما تبيج تزورينها امبيه لايكون خايفه من العين

لا قويه تقطعهم زوجها بعدين يزعل وعلشان سبب تافهه روحي السلام وعليكم السلام بس ولا تقعدين روحي لهم بالمناسبات وبين فتره وفتره بس مو تقطعين الله يهداج هذي نصيحه

وىه شلج فى المشاكل يبه خلاص انتى سويتى الى عليج واهم مايبون كيييفهم انتى سويتى الواجب ودقيتى وكنتى بتروحلها واهم الى عارضو

خلاص بريتى ذمتج

وايد قاطة نفسج عليهم خلاص يمكن علشان عروس مايبون احد يروحلها الا خواتها حتى لو كنتى مرت اخوهم فى خصوصيات

ليش طلعتي الرقم ودقيتي من الاساس دام تصرفهم معاج جذي وحسيتي انهم يصرفونج
جان نظرتيها تزور اهلها وتباركين لها

سؤال ليش تدورين المشاكل ؟

يعني طلبتي رقم حماتج من اختها ومن امها وتدرين انهم صرفوج ما يبون يعطونج رقمها تاخذينه من السايق ليش ؟ مو غصب ترى !!

حبيبتي انتي سويتي اللي عليج وعطيتيها هديتها لما تشوفينها عند امها سلمي عليها وباركيلها

ونصيحة لاتروحين تزروينها في بيتها

ماتدرين شنو ظروفها في بيتها يمكن ما عندها مكان تستقبل الضيوف فيه او يمكن زوجها مايبي احد يدش شقته ويمكن شقتها صغيرة وبعدين توهم معاريس خليهم على راحتهم

لما تزور امها قهويها

ليش تيبين حق روحج الكلام كسري الشر

بصراحه انتي غلطانه
اوي تقولين تبين رضى ريلج اوكي ما قلنا شي بس الكل صرفج اشخقه غصب طيب اطلعينن رقمها الله يهداج بس
يمكن صاير شي مايبون يعلمون

وثاني شي ليش جذبتي وقلتي انج خذيتي رقمها من فلانة منو فلانة اللي قصدتيها مرت حماج ؟

اتمنى لأ مو مرت حماج لانج جذي ممكن تكونين حاطتها بموقف محرج مع الحمولة يمكن موصينها ما تعطي رقم بنتهم حق احد وبجذي تكونين سببتيلها مشكلة

عموما الله يهديج وييسر امورج

ترى مو بس انتي اللي تعانين من المشاكل مع الحمولة وترى هالموقف ولا شي بالنسبة حق اللي اشوفه انا وغيري
حمدي ربج يت على رقم تلفون مايبونج تعرفينه

الله يسخرهم لج ويسخرج لهم حبيبتي

والله ما أدري شقوولج

بس مدام تحبين ريلج وتبين رضااه جان ماتصرفتي هالتصرف وعاندتي

والله لو جان منج جان طاف من قلب ولا همني

بصراحة اللي عليج سويتيه وحبيتي تقومين بالواجب

وبلغي حماتج ان اهلها مايبونج تروحين لها

وقصري الشر

ناس مو كفو التوجيب

"" السموحة عالاسلووب ""

وتقبلي مروري00

حمدالله وشكر شناااقصه العقل ماعندهم سالفه
ألي عليج ولي يرضي ضمييرج سويتيه اهما كيفهم
سوري على الاسلووب بس احترييت شوي لووووول

مشكورين على الردود يا حبايبي بس المشكله انا عايشه معاهم بنفس البيت يعني راح اشوفهم شلون اقاطعهم هذا اولا وثانيا انا ما كذبت ابله نون انا خذيت الرقم من مرت حماي مو من السايق وثالثا اهي توها عروس مالها اسبوعين والمشكله ان حمواتي كلهم عندهم رقم العروس الجديده الا انا وانا فيني عيب شرعي اني ملقوفه وطيبه زياده عن اللزوم وانا الوحيده من حمواتي الي تقعد مع العجوز من حريم عيالها ومعا هذا يعاملوني بالطريقه هذي وهذا الي حاز بخاطري لانهم من النوع الي يتشرهون على الناس ليش ما جات وليش ما وجبت قلت اقصر الشر واروح لحماتي بس ما دام هذا اسلوبهم معاي خلاص بتغير عليهم واصير نفس حمواتي الي ما ينزلون ومع هذا محترمينهم وقدرونهم وهذا الي بصير انشالله من اليوم وهذا وعد مني

اللي عليج سويتيه حبيبتي