ساعدوني اليوم تكفون :(

السلام عليكم ورحمة الله وبركاتة

بدش بالموضوع انا ادرس في الادارية و خذيت درجة وايد نازلة في المدتيرم

فقالي الدكتور ابيج تسوينلي شيء عشان اساعدج
اقترحت علية انة اسويلة تقرير يعني اروح مكان مثلا شركة او البورصة واسويلة تقرير عنها و انترفيو قالي لا مابي جذي
قتلة زين انتة قولي دكتور قالي مادري لازم شيء يتعلق بدراستج ماني عارفة شسوي ساعدوني باجر يبيني اقولة شقررت ساعدوني تكفووون

اي شيء لة علاقة بدراستي بنات و يفيدني بنفس الوقت تكفون

انا ناطرة حبايبي …

ع حسب الماده اللي انتي ماخذتهآ .. تاخذين موضوع معين وتسوين عنه سيرج

وتقولين له بسوي برزنتيشن .. وبس !

المادة money & banking
انا مابي برزنتيشن وااايد انحرج ميخالف تساعديني بشيء ثاني
ادري ثقلت عليج

حيااتي سوي برزنتيشن وفتكي كلهاا خمس دقاايق تشرحين فيهاا والله احسن لج

مآدري أحس البرزنتيشن أحسن ,, تقدرين تبدعين فيه وماتكون مقيده بشي !

وانا معاااهوووووم

يزاكم الله خير ما قصرتو

يريت تلقونلي شيء ثاني غير البرزنتيشن تكفون حدي مو قادرة هالايام

حبيبتي ليش موهقه نفسج.. سوي بحث عن اي شي يخص هالماده
بما انها تتكلم عن البنوك والمال .. الله يخلي المكتبه مليانه كتب عن هالشغلات سوي تقرير . وما انصحج بالبرزنتيشن اذا ماكنتي جريئه وقدها..فكي نفسج بالتقرير.وخلاص
والله يوفقج وتحصلين اللي فبالج

ما قصرتي حياتي الطانية بس المشكلة اهوة قايللي من الاول ما يبي تقرير هذي مشكلتي
وانا ما كلمتة لي الحين متوهقة شبقولة

ساعدوني بنات

مالج إلا البرزنتيشن ..
سم بالرحمن وبطي الموضوع وخلصنا .. الموضوع وايد بسيط .. بس يبيله دفعة self-confedince شوي وخلاااص..
.
مادري شلون نظامكم بالبرزنتيشن بس احسن لو تيبين صور وفيديو يدعم موضوعج .. وبيطلع موضوعج بالعين وبيرفكت ..