|
|
السلام عليكم
اليوم مراجعتي والدكتورة قالتلي ان الياهل بعده ما قلب يعني الراس فوق فقالتلي احتمال قيصرية او طبيعي بس من المقعدة ادعولي الله يسهل علي
مسكينة قالتلي اقدر الفه بس اتخاف يصير انقباضات بالرحم واولد الحين فقالت لي انطر عشر ايام اذا ما لفت القرار راجعلي اما طبيعي او قيصرية
شنو اقدر اسوي علشان الجنين يقلب الله يخليكم ساعدوني وادري انكم ما تقصرون
مو تنسوني بالدعاء
ومشكورين
بس بغيت طريقة مجربة يلف الياهل
الدكتورة قالتلي نامي على ظهرج ورفعي ريلج لي فوق بزاوية 90
انا سامعة بالحبي ؟؟ من سامع عنه وشلون الطريقة؟؟
صح كلام اختي ام يوسف لا تحاتين وكثري من الذكر والاستغفار وان شاء الله السهالات من رب العالمين
شوفي انا مرت اخوي بالسابع البيبي كان راسه تحت وبالثامن رجع راسه فوق
قالها الطبيب طولي في السجود واحبي مثل البيبي
وسبحان الله لما راحت مراجعتها بعد فتره راس البيبي رجع مره ثانيه ونزل تحت
انتي طولي وانتي تسجدين في الصلاة واحبي وان شاء الله يارب يرجع البيبي حق وضعيته الطبيعيه
بس نصيحه اذا البيبي ما لف لا تولدين من المقعده
صعبه راح تكون الولاده عليج وعلى البيبي لأن في هالمرحله آخر شي راح يطلع الراس والراس اهو المهم
بس ان شاء الله ياقلبي يرجع كل شي لوضعه الطبيعي
انا راح اسوي اللي قلتي عليه والله كريم
تصدقين وايد خايفه
بس راح اتوكل على الله
وان شاء الله ماراح يصير الا كل خير بس انتي ادعي ربج يفرجها وان شاء الله السهالات من رب العالمين
الله يسهل عليج ..
انتوا بس ادعوا لي اللي ايسر اموري
ومت قصرتوا
كل صلاة اطول السجود
ومرتين باليوم ارفع ريلي فوق والله كريم
بس لون اعرف انها لفت ؟؟ يعني لازم سونار؟
بس دعوة منكم ما ابي غير الدعاء