|
|
السلام عليكم. بليز ابي رايكم امهات المدرستين. وايد محتارة وين اودي بنتي الحياة وله الابداع. يمدحون الاثنين بس طريج مدرسة الابداع حيل صعب احس مكان الحياة وايد احسن .
امهات مدارس الابداع بنات. شلون المدرسة؟ هل المدرسين زينين؟ هل المدرسة فيها نشاطات حق اليهال ولا بس تدريس؟ شلون نظام التدريس ؟ والواجبات هل لا تحتمل وصعبة؟ سمعت انها مدرسة قوية وهم سمعت انها تغيرت فابي رايكم بليز.
والي بناتهم في الحياة. شلون المدرسة من ناحية التدريس ووالواجبات؟ وهل المدرسين اقويا ؟ وهل توجه المدرسة ديني بحت؟ ولا عادي؟
انا شفت مدرسة الحياة وحيل حابتها بس الابداع ماكان قسم التسجيل متواجدين اليوم وماوروني الدرسة. بنتي المفروض تدخل روضة بس انا باخرها لانها نتفه وواااااايد خجولة حيل ما تكلم مع الغرب وكلامها ليلحين مو واضح .
بليز الي ممكن تفيدني جزاها الله خير لاني ماني قادرة انام ووايد احاتي
شكرا
طبعا يقولون البنات أحسن من الصبيان
جربت الصبيان منهج قوي وحلو وفيه أنشطه ماشالله بس احسن شي من الروضه ادخلينها
عيالي كانوا بمدرسه بريطانيه مو قويه حيل.. فتعبوني فرق بين مدرستهم القديمه والابداع
الحياه ماعندي فكره عنها كلللللللللش
|
المشاركة الأصلية كتبت بواسطة شموووخ بدويه
 هلا والله… الابداع حيييييل حلوه بس ماجربت مالت البنات أنا عندي صبيان…
طبعا يقولون البنات أحسن من الصبيان جربت الصبيان منهج قوي وحلو وفيه أنشطه ماشالله بس احسن شي من الروضه ادخلينها عيالي كانوا بمدرسه بريطانيه مو قويه حيل.. فتعبوني فرق بين مدرستهم القديمه والابداع الحياه ماعندي فكره عنها كلللللللللش |
شكرا شموخ ويعطيج العافية
انا مااعندي فكره عن الحياة لكني مدخله بنتي الابداع اهيا اللحين في ثاني روضه
طريقتهم في التدريس حلووه ويأسسون عدل وبالنسبة للواجبات يسلمونج الفايل مالها يوم الخميس وبراحتها تحل وترده لهم الاربعا يعني عندها اسبوع لحل الواجبات .. في انشطه لليهال بالمدرسه يسونها خصوصا لاولي روضه وفي رحلات لهم بعد هذا بالنسبه للروضه بنتي السنه الجايه بتكون في الابتدائي .
اذا مو حابه تدخلين بنتج روضه عندهم حضانه علاقل تتعلم الاحرف والارقام ويهيأها علي جو المدرسه ومنها تستفيد حق اختبار القبول