|
|
السلام عليكم حبوبات
انا حامل وداشه الشهر الثالث واشتغل باحثه اجتماعيه بمستشفى الفروانيه وبسببب خبر مرض السحايا ربي يبعده عنا وعنكم مسؤولي منعني اسبوع مانزل المستشفى عشان مااحتك بالمرضى بس اسبوع مو كافي للوقايه فقلت ابي لجنه طبيه وللعلم عممو ان كل موظف ياخذ التطعيم بس لما سالت قالو موزين خطر للحامل بس بنات تخيلو احس مومهتمين لهالسالفه كلللش وكله يقولون ماكو شي قاعدين يغطون عالموضوع
وقلت لمسؤولي ابي لجنه طبيه قال كيفج اخذي
الحين بنات علموووني اشلون طريقتها بس اللي عرفته ان ايييب حق الدكتوره تقرير طبي بس شنو تقرير طبي لان في ماس قالو احتمال مايعطون وانا موظفه يديده
صارلي شهرين ونص
علموني الله يخليكم انا قبل اجهضت وهاذا الحمال الثاني ادعولي الله يتمم علي ويحفظنا الله انا وياه
ومادري يعطوني اجازه ولا لا
الله يخليها اللي تساعدني ووفقها امين رب العالمين
ووديه دوامج وعقب ما يوافقون عليه وديه المجلس الطبي واخذي موعد
ولما يقابلونج يحددونلج المده اللي تستحقينها من الراحه
اب اب لعيووونج
والله يستر من هذا المرض عاد صج منتشر واجد ؟؟؟؟؟؟؟؟؟؟؟؟؟؟؟؟
أنا منصدمه بصراحه شلون تداومون ! والله لو أنا جان قعدت ببيتي و ما همتني الوظيفه
ترا المرض خطير !
والله عاد عندي موعد بالفروانيه يوم الثلاثاء شكلي ما برووح مو بايعه عمري
وعسالله يحفظنا ويحمينا من هالامراض
زين اللجان الطبيه مفتوحه؟
ليش متكتمين علي الموضوع الله يستر يارب كفينا شره سبحانك
انا بعد كتت توني متوظفه وقدمت علا مجلس طبي وعطوني
بس لازم التقرير الطبي الكلام فيه مقنع
وانشالله ماعليج الا العافيه يارب
الله يبعدنا عن المرض يااارب وينقضي عليه
اختي ممكن تقوليلي مثل شنو الكلام المقنع انا مابي اتوهق شنو يقولون يعني
بس تبين نصيحتي اخذي اجازه حتى لو بدون راتب صحتج والبيبي الزم ماعليج حبيبتي لاتتهاونين بالموضوع